Сауран ауданының әкімі Мақсат Таңғатаров кәсіпкерлермен арнайы кездесу өткізіп, аудан көлемінде бой көтеріп жатқан өндірістік алаңдардың жобаларымен таныстырды. Жиын барысында әкімдік тарапынан кәсіпкерлерге ұсынылып жатқан қолдаулар мен артықшылықтар кеңінен түсіндірілді.
Сауран ауданында шағын кәсіпорындар саны артып келеді. 2024-2026 жылдар аралығында ауданның бірнеше ауыл округтерінде өндіріс аймақтары құрылуда. Бірінші кезеңде Қарашық, Иассы, Жүйнек, Шорнақ және Үшқайық ауыл округтерінен 55 гектар жер бөлініп, 5 өндіріс алаңы құрылды. Осы алаңдарға 115 цех салу жоспарланып отыр.
Сауран ауданының Майдантал ауылдық округінде аудан әкімдігінің бастамасымен қолға алынған «Әлеуметтік бақша» жобасы жүзеге асырылып жатыр. Жоба аясында арнайы бөлінген 0,6 гектар аумаққа картоп пен қызанақ егілген. Бүгінгі таңда алғашқы өнім жиналып, тұрғындар күзгі терімге атсалысты. Жиналған көкөністер ауылдағы әлеуметтік жағынан аз қамтылған және көпбалалы отбасыларға тегін таратылуда. Бұл шара күнделікті тұрмыстық қажеттілікті өтеуге елеулі көмек болып отыр.
Сауран ауданының әкімі Мақсат Таңғатаров мақта терімі жүріп жатқан алқаптарды аралап, шаруалардың жұмысымен танысты. Ағымдағы жылы аудан көлемінде 11 975,6 гектар жерге мақта дақылы орналастырылған.
Қаладағы халықаралық Көрме орталығында Иран Ислам Республикасының III сауда-өнеркәсіптік көрмесі өтті. Оған Иран елінің 20-дан астам кәсіпорын өкілдері келген. Негізінен, құрылыс саласы, ауылшаруашылығы, инженерлік-техникалық, сауда және инвестициялық бағыттағы жетекші ирандық компаниялар өз өнімдерін ұсынды. Іс-шара 12-15 қазан күндері аралығына жоспарланған болатын.
Түркістан облысының әкімі Нұралхан Көшеровтің қатысуымен,Сауран ауданы активімен кездесу ұйымдастырылды. Кездесу барысында ауданның әлеуметтік-экономикалық даму көрсеткіштері, өзекті мәселелер мен шешу жолдары талқыланды. Актив отырысында Сауран ауданының әкімі Мақсат Таңғатаров ауданның әлеуметтік-экономикалық даму көрсеткіштері бойынша есеп беріп, негізгі бағыттар мен жүзеге асқан жұмыстарға тоқталды. Сондай-ақ басқарма басшыларының ұсыныс-пікірлері тыңдалды. Ауданда өндірісті, инвестиция саласын, туризмді, ауыл шаруашылығын дамыту және өзге де бағыттар бойынша нақты міндеттер жүктелді.
Сауран ауданының әкімі Мақсат Таңғатаров Ескі Иқан ауылдық округінде агроөнеркәсіптік бағыттағы ірі жобалардың бірі – мал бордақылау алаңдарының құрылысы барысымен танысты.
Түркістан облысының Сауран ауданында аз қамтылған отбасыларды қолдау және жергілікті өзін-өзі жұмыспен қамтуды дамытуға бағытталған ерекше әлеуметтік жоба іске қосылды. Жергілікті билік бастамасымен қолға алынған «Әлеуметтік бақша» жобасы аясында жаңа әлеуметтік дүкендер тегін пайдалануға беріледі.