Мәселен, Елбасы академиясының ұйымдастыруымен өткен «El umiti» жобасына қаладан 500-ден астам оқушы қатысып, республикалық комиссияның шешімімен 131 оқушы «Елбасы медалі» иегері атанды. «Елбасы медалі» - жастарды кешенді дамытуға бағытталған ұлттық деңгейдегі жалғыз бағдарлама. Бұл марапат 6 ай ішінде 7 бағытта берілген тапсырмаларды дұрыс орындаған жастарға беріледі. Бұл жобаға биылғы жылы қаладағы мектептерден 1 мыңнан астам оқушы қатысып отыр.

Бұдан бөлек, республикалық байқаулар мен олимпиадаларда 69 оқушы жеңіс тұғырынан көрінді. Ал республикалық ғылыми жобалар сайыстарында – 10 оқушы жүлделі орынды иеленді. Спорттың 10 түрінен өткен республикалық сайыстарда шымкенттік оқушылар 7 рет чемпион атанды.

Оған қоса, биыл шымкенттік оқушылар республика көлемінде 250-ден астам ғылыми жоба Олимпиадасына қатысып, 55 оқушы жеңіс тұғырынан көрінген. Ал халықаралық ғылыми жобалар байқауынан 2 оқушы жүлдегер болған. Сондай-ақ, 6 білім ұйымы республика бойынша 100 «үздік» мектептің ішіне енген.

«AQ-QARA.KZ» - ақпарат