Түркістан қаласында «Zhas Project» жобасы аясында оқыту тренингтері өтті. Аталған тренинг Түркістан облысындағы «Zhas Рroject» грант алушыларының әлеуметтік, интеллектуалдық, ерікті және көшбасшылық құзыреттерінің деңгейін арттыруға, жәрдемдесуге бағытталған. Сонымен қатар, «Zhas Project» жастардың осал топтары арасында пилоттық жобаны іске асыру жобасы шеңберінде жүзеге асты.

Тренингтер жобалық менеджмент негіздері, көшбасшылық қасиеттер мен шешендік өнер, эмоционалды интеллект тақырыптарында өтті. Бұдан бөлек, кәсіпкерліктің цифрлық мүмкіндіктері, адам ресурстарын басқару процесі, жұмысқа орналастыру мен іс қағаздарын жүргізу тақырыптары талқыға түсті.

Сондай-ақ тренингте ҚР ЕК сәйкес құжаттарды рәсімдеу, стратегиялық ойлау мен мақсат қою, құқықтық және қаржылық сауаттылық жайында айтылды. Өндірістік цикл мен Smm, Pr, Target, клиентке бағдарлану деңгейін анықтау әдістеріне байланысты 12 тақырыпты қамтыды.

Оқыту тренингінде ҚР Президентінің жанындағы Түркістан облысы бойынша Мемлекеттік басқару академиясы, «Turkistan itech» ЖШС, «Capable group» ҚБ, Түркістан облысының кәсіпкерлер палатасы, Сүлейман Демирел атындағы университетінің және Түркістан облысының «Жастар ресурстық орталығы» КММ тренерлері өз білімдері мен тәжірибелерін ортаға салды.

Айта кетсек, оқыту тренингтері ҚР Ақпарат және қоғамдық даму министрлігі мен Азаматтық бастамаларды қолдау орталығының көмегімен «Түркістан облысында гранттар беру рәсімдерінің барынша ашықтығын қамтамасыз етті.