Бүгін «Қазақ тілінің жаңа кеңістігі» апталығы аясында мектеп мақтаныштары атанған зияткерлер «TEDx NIS talks» алаңында «Әлемді өзгертетін ойлар бізден басталады» ұранымен жетістікке жету жолында өз ойларын ортаға салды. Айта кетейік шараға №24 мектеп лицейінің ұстаздары мен оқушыларыда қатысты.

Алғашқы спикер болып 9 А сынып оқушысы Даулет Маханбеталиев сахнаға шығып, «Жетістікке жетудегі дағдылар» тақырыбында өз ойымен бөлісті. Даулет 2021-2022 оқу жылында республикалық желілік пәндік олимпиадада география пәнінен 3 орын алып, мектеп мақтанышы атанды. Бүгінде ол жеткен жетістіктерін көрсете отырып, қатарластарының алдында үлгі болып отыр. Даулет өз сөзінде олимпиадаға дайындық барысы жалпы пәнге деген қызығушылығы туралы сөз қозғады.

Екінші спикер 8 М сынып оқушысы Зиеда Абдугаппарова мектептегі «Reading Ranking» кітап оқу рейтингісі бойынша екі ай ішінде 12 кітап оқыған. Осы жетістігі үшін директор Балқан Касимов мектепішілік кітап сыйлау акциясында арнайы марапаттап, кітап тарту еткен болатын. «Мен және жалқаулық 1:0» тақырыбында жалқаулықты жеңуде көмектесетін өз лайф-хактарымен бөлісті.

Үшінші спикер Жібек Алпысбай түрлі ғылыми жобалар авторы, халықаралық семинарларға қатысушы, мектепішілік ғылыми жобалар байқауының жеңімпазы, республикалық деңгейде өткен WRO-2022 олимпиадасында еліміздің жас өнертапқыштары бас қосқан алаңда бақ сынасып, арнайы мадақтамалар мен марапатталған. Жібек өз сөзінде оқумен қоса ғылыми жобаларға даярлық барысын қатар алып жүру, уақытты тиімді пайдалану жайлы кейстер мен әдіс-тәсілдерін айтып өз идеяларын ортаға салды.

Төртінші спикер Төрехан Сания ғылыми жобаларға қатысушы және авторы, қазақ әдебиетін оқуда өз таным көкжиегін кеңейтуде тигізген пайдасы мен әр зияткер оқу қажет үздік шығармаларды тізбектеп көрсетіп «Қазақ әдебиетін не үшін оқу керек» тақырыбында оқушыларға тиімді кеңестер айтты.

Шара соңында мектеп директоры сөз сөйлеп, дауыс беру бойынша анықталған үздік спикер Даулет Маханбеталиевке арнайы мадақтама табыстады. 4 спикер ішінен үздік идеясын жеткізген Дәулетке қазақ тілі ӘБ әлемдік бестселлер «Атом әдеттер» атты кітапты сыйға тартты.