Түркістандағы NIS-те Ахмет Байтұрсынұлының 150 жылдығына орай интернат тәрбиешілерінің ұйымдастыруымен «Ұлтының ұлы ұстазы» атты концерттік бағдарлама мен әдеби мерекелік кеш өтті.

Салтанатты шара оқушылардың Алаш зиялыларын сахналаған қойылымынан бастау алып, концерттік бағдарламаға ұласты. Мерекелік кеште «Байтұрсынұлы өлеңдеріне сурет салу» және «Байтұрсынұлы оқулары» бағыты бойынша өлең оқу байқаулары ұйымдастырылды. Аталмыш шараға зияткерлер қатысып қана қоймай, №28 мектеп-лицейінің оқушыларыда атсалысып, ағартушының шығармаларын дәріптеуде өлеңдері мен мысалдарын мәнерлеп оқуда бақ сынасты.

Мерекелік жиын соңында «Байтұрсынұлы өлеңдеріне сурет салу» және «Байтұрсынұлы оқулары» бағыты бойынша өлең оқу байқауларынан «Үздік оқырман» номинациясы бойынша жүлделі орын алған және белсене қатысқан оқушылар марапатталды.

Ел ертеңі мен өркендеуі үшін жан аямай қызмет еткен, «Ұлт ұстазының» өмір жолы мен ұлт мұраты жолында жасаған дамылсыз әрекетін насихаттау өскелең ұрпақтың қасиетті борышы болып қала бермек.