Шымкентке республикалық маңызы бар қала статусы берілген соң Түркістан облысынан дербес, өзінің бюджеті болатыны белгілі. Республикалық маңызы бар қаланың бұдан ары даму көрсеткіші де қарқын алуы тиіс.
Таяуда Шымкентте өткен мемлекеттік қызметкерлер күнінде сөз сөйлеген қала әкімі Ғабидолла Әбдірахымов қала әкімдігіндегі мемлекеттік қызметкерлердің еңбекақысы көтерілетін болады деді. Бұл жаңалық біраз отбасыға қуаныш силап, мемлекеттік қызметке деген қызығушылықты оята түсері анық.
Шымкенттегі Қазақстан халқы Ассамблеясының ғимаратында мемлекеттік қызметшілердің кәсіби мерекесіне және мемлекеттік қызмет органдарының 20 жылдығына арналған салтанатты іс-шара өттi. Жиынға Түркiстан облысының әкімі Ж.Түймебаев, Шымкент қаласының әкiмi Ғ.Әбдiрахымов, ҚР мемлекеттік қызмет істері және сыбайлас жемқорлыққа қарсы іс-қимыл агенттігінің облыстық департаментінің басшысы Ә.Көмекбаев, мәслихат депутаттары және 900-ге жуық мемлекеттік қызметші қатысты.
Салтанатты жиында Жансейiт Қансейiтұлы, Ғабидолла Рахметоллаұлы барша мемлекеттiк қызметкерлердi мерекемен құттықтап, қазiргi сәтте мемлекетке қызмет ету жауапты мiндет екенiн атап өттi.
- Елбасының Жарлығымен Түркiстан облысы құрылып, Шымкент қаласы мегаполис атанғанын бiлесiздер. Ендiгi ретте мемлекеттiк қызметкерлерге зор мүмкiндiк туып отыр. Түркiстан қаласы облыс орталығы болғандықтан, ендi халықаралық ынтымақтастық, ic-шаралар, конференциялар көбейедi. Сiздер өздерiңiздiң бiлiм-бiлiктерiңiздi көрсетiңiздер. Бiзге көптеген мемлекеттiк қызметкерлер керек. Түркiстанды бiрге түлетейiк, - дедi облыс әкiмi.
Құттықтау сөзiнен кейiн Жансейiт Қансейiтұлы бiрқатар мемлекеттiк қызметкерлердi облыс әкiмiнiң грамотасымен марапаттады. Сондай-ақ, "Үздiк мемлекеттiк қызметшi" төсбелгiсiн тапсырды.Жиында Шымкенттің əкімі мемлекеттік қызметкерлерді бір отбасыдай жұмыс істеуге шақырды.
- Жаңа статус - бұл жаңа мүмкіндіктер ғана емес, қала тұрғындарына жүктелетін зор жауапкершілік. Бірге жұмыс істесек қана Шымкентті жаңа белеске шығарамыз. Біздің мақсатымыз - Шымкентті Астана мен Алматы қалаларының деңгейіне жеткізу. Егер біз бір отбасының мүшесіндей жұмылсақ, бұл мақсатқа жететінімізге сенемін, - деді Ғабидолла Əбдірахымов.
Қала əкімі бұған қоса жаңа статусқа байланысты мегаполис əкімдігі қызметкерлерінің жалақысы көтерілетінін айтты. Басқармалар құрылған соң конкурс жарияланып, жұмысқа үздік қызметкерлер қабылданатынын мәлімдеді. Сондай-ақ, жиында ҚР мемлекеттік қызмет істері және сыбайлас жемқорлыққа қарсы іс-қимыл агенттігінің өңірлік департаментінің басшысы Ә.Көмекбаев та бiрқатар мемлекеттiк қызметкерге департаменттiң грамотасын табыс еттi.
«AQ-QARA.KZ - ақпарат»
Шымкенттің жалпы практика дәрігерлері мен Түркістан облысының дәрігерлері жасөспірімдерге дер кезінде қажетті қолдау көрсету бойынша біліктіліктерін жетілдіреді.
Шымкентте Қазақстан Республикасының Бас прокуратурасы мен Өзбекстан Республикасының Бас прокуратурасы делегацияларының екі жақты жұмыс кездесуі өтті. Кездесуге Ақтөбе, Маңғыстау, Қызылорда және Түркістан облысының прокурорлары, сондай-ақ, Қазақстан Республикасының Бас прокурорының бірінші орынбасары Ғизат Нұрдәулетов қатысты.
Бүгін Шымкентте қазақ полициясының 26 жылдығына орай ескерткіш ашылды. Салтанатты шараға Шымкент қаласының әкімі Ғабидолла Әбдірахымов, Түркістан облысының әкімі Жансейіт Түймебаев, милиция генерал-майоры Жеңісбай Сұлтанов, сала ардагерлері мен полиция қызметкерлері қатысты.
Шымкентте имамдардың халықаралық форумы өтті. Қазақстан мен Өзбекстанның дінбасыларының өкілдері еліміздің үшінші мегаполисінде кездесті. Олар имамдардың қызметі, қазіргі заманғы қоғамдағы дін мәртебесі туралы ең өзекті мәселелерді талқылады.
Көші-қон қызметі орталығы халықтың өтініші негізінде ашылып отыр. Орталықты ашудың мақсаты - шетелдіктерге және азаматтығы жоқ адамдарға көрсетілетін мемлекеттік қызметтердің сапасын арттыру және азаматтардың күту уақытын қысқарту (3-5 күннен 1 күнге дейін). Бұл орталықта шетелдіктерді уақытша рәсімдеу және жеке тұлғаларға жұмысқа келген еңбек мигранттарына рұқсат беру туралы жұмыс жүргізіледі.
Шымкент енді баяғы Шымкент емес. Бұл қала енді респбуликалық маңызға ие қала. Сонымен қатар, көліктердің мемлекеттік нөмірлеріне де өзгеріс енетін болды.
Аталмыш жәрмеңкеге өңірдегі жоғары және орта оқу орындарының бітіруші түлектері мен жұмыссыздар шақырту алыпты. Қалай десек те, соңғы жылдары мемлекеттік қызметке кіргісі келетіндердің қатары артып келе жатыр. Оның бірнеше себебі бар; жалақының жыл өткен сайын көбеюі, мемлекеттік қызметкерлер үшін қарастырылған жеңілдіктердің болуы, т.с.с.
Жәрмеңкеде жергілікті және аумақтық мемлекеттік органдардағы бос жұмыс орындары ұсынылды. Оның ішінде аудандық, қалалық әкімдіктердегі бос орындар да бар екен. Басты мақсат – мемлекеттік қызметтің оң иммиджін қалыптастыру, шығармашыл, жаңаша ойлай білетін белсенді жастарды мемлекеттік қызметке тарту, жұмыссыздар армиясының санын азайту болып табылады.
Бүгінгі таңда, мемлекеттік қызметте жұмыс істейтіндердің айлық еңбекақысы 60 мың теңгеден бастап, 600 мың теңгеге дейін жетеді. Осының өзі жұмыс іздеген білімді жастарды қызықтырары сөзсіз. Оның үстіне, қызметте өсіп, карьера жасауға мол мүмкіндік ашылатыны даусыз. Жәрмеңкеге жиылған қауым осыны түсіне бастаған секілді.
«AQ-QARA.KZ – ақпарат»