ХІV-ХVІІ ғасырларға тән ескерткішті жөндеу жұмыстары ағымдағы жылдың наурыз айының соңында аяқталады деп жоспарланған.

Айта кетсек, тарихи зерттеулер бойынша Сегіз қырлы сағанаға 1715-18 жылдар аралығында қайтыс болған Тәуке хан мен оның ұлдары Болат хан және Сәмеке хан жерленген деп болжанады. Мұны 1958 жылы ғалым Б.Н.Немцева, 1974 жылы Т.Н.Сенигова, 1997 жылы Е.Смағұлов зерттеп, архитектор Н.Х.Имажанов тұмшалау жобасын жасаған.

Мазардың ішкі көлемі 6,95х6,95 м, қабырғалары сегіз ойықшаланған, сегіз қырлы болып келген. Еден күйдірілген кірпіштен төселген. Еденде эпитафиясы толық жоқ 3 үлкен емес құлыптас сақталған. ХІХ ғасырдың аяғында мазардың кірпіштері мазар орнына тұрғызылған үшбұрышты бөлмелерден тұратын тахаратхана құрылысына жұмсалған.