Облысымызда алғашқы өткен шараға аудан әкімінің орынбасары мен зиялы қауым өкілдері және аудан тұрғындары қатысып, даңқты палуан бабамыздың өмірінен үзіндіні тамашалады. Тарихи кезеңнің атмосферасына енгендей әсер алды.

Тарихи деректерге сүйенсек, Қажымұқан Мұңайтпасұлы 1871 жылы 7 сәуірде Ақмола уезі, Қараөткел ауылында дүниеге келген. Жас кезінен алпауыт күшке ие болған жігіттің аты қазақ даласына тез тарала бастайды. Көп ұзамай оны Ленинград циркіне жұмысқа шақырады. Цирк сапында жүріп дүйім жұртқа әйгілі болып, әлемдегі әйгілі Париж, Нью-Йорк, Лондон, Токио секілді қалаларда өнер көрсетті.

Шара соңында аудан әкімінің орынбасары М.Жанесен аудандық мәдениет үйінің директоры А.Үсеноваға облысымыздың «ҮЗДІК ЖЫЛ ДИРЕКТОРЫ» дипломын табыстап, мәдени кеште өнер көрсеткен «Мақталы» театрының ұжымына алғысын білдірді. Мәдени шараны аудан тұрғындары әлеуметтік желі арқылы да тікелей эфирде тамашалап отырды. Ісшара барысында даңқтты палуан туралы кітаптар мен суреттер көрмесі ұйымдастырылды.

 «AQ-QARA.KZ»-ақпарат