Бүгін Түркістан қаласындағы «Керуен-Сарай» туристік кешенінде «Өнерлі өлке» облыстық өнер фестивалі аясында Отырар ауданының мәдени күндері жоғары деңгейде өтті. Мәдени шара барысында аудан өнерпаздары ән мен күйден шашу шашып, ұлттық өнер мен рухани құндылықтарды дәріптейтін концерттік бағдарламаларын ұсынды.
Мемлекет басшысы Қасым-Жомарт Тоқаев бұқаралық ақпарат құралдары қызметкерлерін марапаттау рәсімінде сөз сөйлеп, журналистер қауымын кәсіби мерекесімен құттықтады. Президент БАҚ саласы өкілдерінің қоғам өміріндегі ерекше рөліне тоқталып, олардың халық пен билік арасындағы маңызды көпір екенін атап өтті.
Созақ ауданының орталығы Шолаққорған ауылындағы «Мыңжылқы» мәдениет сарайында қазақтың күй өнерінің көрнекті өкілі, дәулескер күйші Дина Нұрпейісованың 165 жылдығына арналған облыстық «Күй құдіреті» жас күйшілер байқауы өтті. Рухани шараның шымылдығы Дина Нұрпейісованың өмірі мен шығармашылығын арқау еткен театрландырылған көрініспен ашылып, көрермендерге ерекше әсер сыйлады.
Бүгін Түркістан қаласындағы Р.Сейтметов атындағы сазды-драма театрында XXVI театр маусымының жабылуына орай Ұлыбританияның әйгілі драматургі Уильям Шекспирдің әлем әдебиетінің алтын қорына енген «Лир патша» трагедиясының премьерасы өтті. Қойылым қазақ әдебиетінің көрнекті тұлғасы, Мемлекеттік сыйлықтың лауреаты Әбіш Кекілбаевтың аудармасы негізінде Беларусь режиссері Даниил Филипповичтің сахналауымен көрермен назарына ұсынылды.
Созақ аудандық «Мыңжылқы» мәдениет сарайында Қазақстан Республикасының еңбек сіңірген қоғам қайраткері, ақын, жазушы, сатирик Әкім Әбдіқайымұлы Ысқақтың «Сөз бен саз» атты «Мен Созақты сүйемін» әдеби-музыкалық шығармашылық кеші өтті.
Түркістан қаласындағы «Керуен-Сарай» туристік кешенінде өткен «Өнерлі өлке» облыстық өнер фестивалі аясында Кентау қаласының мәдени күндері ұйымдастырылып, тұрғындар мен қала қонақтарына ерекше рухани әсер сыйлады.
Созақ ауданының әкімі Мұхит Тұрысбеков Жамбыл облысы, Тараз қаласындағы «Баласағұн» мәдениет сарайында өткен «By style» көпжанрлы байқауында Бас жүлдені иеленіп, аудан мерейін асқақтатқан «Эделвейс» би үйірмесінің жас бишілерін арнайы қабылдап, құрмет көрсетті.
Түркістан облыстық мәдениет басқармасының ұйымдастыруымен «Керуен сарай» туристік кешенінде су үстінде Ш. Қалдаяқов атындағы филармонияның «Тұмар» ансамблінің концерті өтті. Музыкалық кеш барысында ансамбль орындауындағы халық және заманауи шығармалар шырқалып, өнер сүйер қауым жоғары деңгейдегі концерттік бағдарламаны тамашалады.