«Халықты ауызсумен қамтамасыз ету және су қорын келешек ұрпаққа сақтау үшін жан-жақты шаралар қабылдау – біздің тікелей міндетіміз», – деді Қазақстан Республикасының Президенті Қасым-Жомарт Тоқаев.

ҚР Парламенті Сенатының жалпы отырысында Түркістан қаласының ерекше мәртебесіне қатысты заңдар қабылданды. Бұл заңдар Түркістанды рухани-мәдени, тарихи және туристік орталық ретінде дамытуға, сондай-ақ тарихи-мәдени мұраны қорғауға бағытталған.

Түркістан қаласының әкімі Әзімбек Пазылбекұлы қаланың тазалығын қамтамасыз ету мақсатында бірқатар нысандарды аралап, заңсыз қоқыс карьерлеріне тексеру жүргізді. Аралау барысында қала әкімі қоқыс тасымалдайтын компаниялар мен жеке тұлғалардың қала сыртындағы орындарда қоқысты заңсыз төгумен айналысып жатқанын анықтады.

Түркістанда Олимпиада чемпионы, ҚР еңбегі сіңген спорт шебері, I дәрежелі «Барыс» орденінің иегері Бекзат Саттархановтың 45 жылдығына арналған жасөспірімдер арасындағы республикалық ашық бокс турнирінің жабылу салтанаты өтті.