Бұл туралы ақпараттық-коммуникациялық орталықта өткен брифингте Шымкент қаласы әкімінің орынбасары Мақсұт Исахов мәлімдеді. Брифингте «Халық банкі» АҚ Шымкент өңірлік филиалы директорының орынбасары Айжан Досымбекова, «Банк Хоум Кредиттің» Шымкент қалалық филиалының директоры Ахатай Тілеукеев төтенше жағдай кезіндегі банк қызметтері мен банкоматтардың жұмысы туралы баяндады.
Төтенше жағдай кезеңінде, қойылған шектеулерді бұзғаны және санитарлық талаптарды сақтамағаны үшін 596 тұлғаға Қазақстан республикасының Әкімшілік кодексінің 476-бабымен хаттама толтырылып, жинақтау іс-құжаттары шешім қабылдау үшін сотқа жолданған.
Түркістан облысы Сайрам ауданында зейнетақы, жәрдемақы төлемдері үш кезеңдік жұмыс тәртібімен жергілікті тұрғындардың үйді-үйіне таратылды.
Қазығұрт ауданы, Қақпақ ауыл округінің, Заңғар, Сырлысай, Қақпақ елді мекендерін қамти отырып, жалпы саны 25 мұқтаж отбасыға, 400 мың теңгенің көлемінде азық-түлік түрінде бір реттік көмек көрсетілді.