Ойынға аудан бойынша 32 құрама командадан құралған 384 оқушы қыз қатысуда.

Сонымен қатар қыздар арасындағы волейболдан Бас төреші бекіткен кестеге сәйкес 3 айналымдық кездесулер басталды.

А тобынан жарыстар №24 жалпы орта білім беретін мектебінде өтті. Қай командалардың қатысқанын төмендегі кестеден білуге болады:

№134-№124, №12-№36, №124-БИЛ-2, №94-№134, №134-№127, БИЛ-2-№94,№124-№12, №127-БИЛ-2

Ал, Б тобына кіретін командалар жарысы №36 жалпы орта білім беретін мектебінде төмендегі кесте бойынша өрбіді: №97-№105, №105-№146, №37-№97, №96-№99, №43-№104, №46-№104

Өз кезегінде С тобының ойыншылары №63 жалпы орта білім беретін мектебінде жарыс көрігін қыздыруда.

Спорттық додаға Қарабастау ауылындағы №99 мектептің атынан қатысып жатқан оқушы Сандуғаш Юсупова жарыс өте тартысты өтіп жатқанын айтты. Сондай-ақ жеңіске жету үшін барын салатынын жеткізді.

«Шымкент жастар лигасы» жобасының финалдық кездесу ойындарының жеңімпаздары мамыр айының соңында анықталады.

 «AQ-QARA.KZ-ақпарат»