Түркістанда Қазақстан журналисттер одағының мүшесінің, Түркістан қаласының "Құрметті азаматы" Тұрабай Мырзахметовтің 100 жылдығына орай БАҚ өкілдері арасында кіші футболдан жарыс өтті.

Төрт командадан құралған журналисттер өзара үш орынды бәйгеге салып, үздіктер арнайы номинациялармен марапатталды.

Қалалық "Қайрат" Спорт кешенінде өткен шара барысы Тұрабай Мырзахметовтің мемориалдық тақтасының ашылуымен жалғасты.

Шарада ескерткішке гүл шоқтары қойылып, келушілер ардагер тілші туралы естеліктерімен бөлісті.

Сонымен қатар, журналисттің құрметіне арналған ас беріліп, шығармашылық жиыны ұйымдастырылды.

Жарыс нәтижесі бойынша:

"Түркістан ТВ" - "Түркістан" медиа холдингі ұжымы бірінші орын.

"Тұран БАҚ" командасы - Түркістан газетінің ұжымы екінші орын.

Түркістан облысының журналисттерінен құралған –

"Өзіміздің жігіттер" құрамасы үшінші орын иеленді.