Жиында облыстық полиция департаментінің жергілікті полиция қызметі басқармасының бастығы полиция полковнигі Асылхан Төреханов кәмелетке толмағандар арасындағы қылмыс пен құқықбұзушылықтардың алдын алу бойынша 2023 жылы атқарылған жұмыстарға тоқталды.
Облыстық денсаулық сақтау басқармасының басшысы Асхан Байдуәлиев кәмелетке толмағандар арасында суицидтің және ерте жүктіліктің алдын алу жұмысын ұйымдастыру, Облыстық білім басқармасының басшысы Ғалымжан Жұмашев те осы саладағы жұмыстарды баяндады.
Зорлық-зомбылықтың алдын алу бағытында жұмысшы топтар құрылған. Оған барлық аудан, қалалардың полиция тірек пунктерінің басшылары, білім бөлімінің басшылары, денсаулық сақтау, әлеуметтік қорғау басқармасының қызметкерлері және облыстық уәкіл мен өкілдері енгізіліп, балалардың құқықтарын қорғау жөнінде жұмыстар жүргізілуде.
Айта кетейік, облыста 2133 педагог-психолог жұмыс істейді. «ArtSport» жобасы бойынша тиісті қаржы бөлініп, облыс оқушылары түрлі үйірмелермен қамтылған.
Жиын соңында облыс әкімінің орынбасары Бейсен Тәжібаев күн тәртібіндегі мәселелер бойынша хаттама түзіліп, назарға алынатынын жеткізді. Отырыста айтылған мәселелер бойынша құзырлы органдар тиісті жұмыстар жүргізеді.
«AQ-QARA.KZ-ақпарат»