Түркістан облысында өңірлік нышан әзірлеу бойынша байқау жарияланған болатын. Осыған орай, облыс әкімінің орынбасары Ертай Алтаевтың төрағалығымен мәжіліс өтті. Жиынға облыстық қоғамдық даму, мәдениет және сәулет басқармасының жауапты тұлғалары қатысты.

Түркістан қаласындағы «Достық үйі» ғимаратында Түркістан облыстық Қазақстан халқы Ассамблеясының «Бірлік бастауы – берекелі Түркістан» тақырыбында XXVIІ сессиясы өтті. Жиынға Түркістан облысының әкімі Нұралхан Көшеров, ҚХА Кеңесінің мүшелері, зиялы қауым өкілдері, аудан, қала әкімдері, Түркістан облыстық ҚХА құрылымдары мен этномәдени бірлестіктердің жетекшілері мен мүшелері және жастар ұйымдары қатысты.

Бүгін азаматтарға тегін құқықтық көмек көрсету және құқықтық сауаттылықты арттыру мақсатында «Халық заңгері» атты жалпыреспубликалық акция өтті. Іс-шара аудандық жастар ресурстық орталығының ғимаратында ұйымдастырылды.

Анар – Оңтүстіктің күн шуағын бойына сіңіріп өсетін, шипалы әрі табысты жемістің бірі. Құрамындағы дәрумендер мен пайдалы элементтерге бай бұл жеміс қазіргі таңда нарықта жоғары сұранысқа ие.

Түркістан облысы әкімінің бірінші орынбасары Зұлпыхар Жолдасов Қытай Халық Республикасындағы жұмыс сапарын Ханчжоу қаласында жалғастырды. World Tourism Alliance (WTA) – Халықаралық туризм альянсының басшылығымен ресми кездесу өткізді.

Түркістан қаласы аумағында «Жасыл белдеу» құру мақсатында отырғызылған орман ағаштарының саны артып келеді. Облыс әкімі Нұралхан Көшеров Бірлік алқабындағы «Жасыл белдеу» жұмыстарымен танысып, қаладағы «Жасыл аймақ» мекемесіндегі орман тұқымбағы мен жылыжайларын аралап көрді. Өңір басшысы «Жасыл белдеуге» жауаптыларға көшеттерді күтіп-баптау және көгалдандыру жұмыстарын одан әрі жандандырып, суару жүйесін жетілдіруді тапсырды.

Ордабасы ауданында тұрғындарды газбен қамту жұмыстары кезең-кезеңімен жүзеге асуда. Бүгін Шұбар ауылдық округіне қарасты Тоқсансай, Береке, Сарытоғай ауылдарында «көгілдір отын» беру рәсімі өтті.

Бүгін аудан әкімі Арман Абдуллаев Тегісшіл ауылдық округіне арнайы жұмыс сапары барысында бірқатар құрылыс жүргізіліп жатқан әлеуметтік нысандардың құрылыс алаңында болды.

Бүгін аудан аумағында сыбайлас жемқорлықтың алдын алу мақсатында Комплаенс-офицерлерге және ішкі талдау жұмысшы тобына практикалық оқыту семинары ұйымдастырылды.

Еліміз Тәуелсіздік алғаннан бері алғаш рет Түркістан облысындағы тозығы жеткен теміржол вокзалдары жөндеуден өтпек. Нақтырақ айтқанда, «Түркістан», «Манкент», «Түлкібас», «Сарыағаш», «Темір», «Арыс-2» теміржол вокзалдарына реконструкциялау жұмыстарын жүргізу жопарлануда. Аталған вокзалдардың эскиз жобасы мен алдағы жұмыстар Түркістан облысы әкімі Нұралхан Көшеровтің төрағалағымен өткен кеңесте талқыланды.