Қалалық полиция департаменті, Шымкент қаласы әкімдігінің ұйымдастыруымен «Шымкент – есірткісіз қала» науқанын өткізді.

Іс-шараға жалпы 2500-ге жуық адам қатысты. Оның ішінде полиция қызметкерлері, прокуратура, қала жастары, аудан әкімдіктеріне қарасты коммуналдық мекеме жұмысшылары, нарколог-дәрігерлер, спортшылар, еріктілер мен партия өкілдері де бар.

«Астана» алаңында арнайы жиналған қатысушыларға іс-шараның мақсаты мен маңыздылығын жеткізіліп, нұсқамалар берілді.

Шара барысында есірткі жарнамаларын анықтап жою бойынша жұмыстар атқарылды. Көшеаралық, аулааралық қарау жүргізіліп, тұрғындарға есірткі қылмыстарын жасағаны үшін заңды жауапкершілікті ескерту, азаматтарды салауатты өмір салтын ұстануға шақыру және нашақорлықтың алдын алу бойынша түсіндірме жұмыстарын жүргізді.

Іс-шара қорытындысымен 2332 граффити бояу түріндегі есірткі жарнамаларының, олардың интернет желісіндегі сілтемелерінің атаулары жойылды.

Акция барысында полиция қызметкерлері мен белсенді жастардың қырағылығының арқасында есірткінің заңсыз айналымына қатысты құқық бұзушылықтар да анықталды.

Мәселен, Қаратау және Тұран аудандарын аралау жұмыстарын жүргізу барысында жергілікті тұрғындардан есірткіге ұқсас заттар табылып, полиция қызметкерлерімен тәркіленіп алынды.

Сонымен қатар, іс-шарада интернет-алаяқтықты ескерту мақсатында арнайы жадынамалар таратылды.

Тұрғындармен кері байланысты нығайтып, құқық бұзушылықтың кез-келген түріне «нөлдік төзімділік» қағидасын қалыптастыру мен қоғам арасында есірткіге қарсы теріс көзқарас орнату бағытында жұмыстар атқарылды. Полицейлер қала аумағында есірткіге қарсы жұмыстарды өткізу мен оған тиімді тосқауыл қою бойынша іс-шаралар тұрақты түрде жалғасатынын жеткізді.

2024-2025 жылғы футболдан әйелдер командалары арасындағы УЕФА Чемпиондар лигасына Қазақстан Республикасының атынан “БИІК-Шымкент” командасы қатысады. Жеребе тарту нәтижесі бойынша шымкенттік арулар іріктеу кезеңінің “8” тобында өнер көрсетеді. Бұл топта “НСА” (Болгария), “Расинг-Юньон” (Люксембруг) және “Галатасарай” (Түркия) командаларымен өзара күш сынасып, келесі кезеңге қатысатын клубты анықтайды. 

Бүгін «Жұлдыз» индустриалды аймағында ірі инвестициялық жобаның бірінші кезеңі – керамогранит шығаратын зауыт іске қосылды. Ашылу салтанатына қала әкімі Ғабит Сыздықбеков пен «WAN SHENG CERAMIC» шетелдік компаниясының құрылтайшылары қатысты.

Қала әкімі өз сөзінде ауқымды зауыт Орталық Азиядағы құрылыс индустриясындағы ең ірі жобалардың біріне айналатынын атап өтті. Мемлекет басшысының инвестиция тарту жөніндегі тапсырмаларын жүзеге асыру аясында бұл жоба барлық кезеңдерде жан-жақты қолдауға ие болды. Зауыттың ашылуы ішкі нарықты отандық құрылыс материалдарымен, яғни керамикалық плиталармен қамтамасыз етуге мүмкіндік береді.

Бұл ретте «WAN SHENG CERAMIC» ЖШС құрылтайшысы Ху Цзяньго жобаны жүзеге асыруда көрсеткен көмегі мен белсенді қолдауы үшін қала әкімдігіне алғысын білдірді. Оның айтуынша, компания заманауи технологияларды енгізумен қатар, қызметкерлерді дамытуға арналған түрлі бағдарламаларды жүзеге асыруды көздеп отыр.

Айта кету керек, инвестициялық жобаның құны 25,5 млрд теңге, ал оның жалпы аумағы 32 гектарды құрайды. Кәсіпорында 350 жұмыс орны ашылды. Зауыттың құрылысы өткен жылы басталып, мұнда заманауи технологиялық қондырғылар орнатылған, өндіріс барынша қауіпсіз әрі экологиялық таза болады.

Бірінші кезеңді іске қосу аясында кәсіпорын жыл сайын 12,7 млн шаршы метр өнім шығаруды көздеп отыр. Екінші кезең іске қосылғаннан кейін өндірістік қуаттылық екі есеге - 25,4 млн шаршы метрге дейін артады, тағы 350-ден астам қосымша жұмыс орны ашылады.

Бұл жобаны жүзеге асыру құрылыс саласын дамытуға ғана емес, заманауи өндірісті енгізуге, жаңа жұмыс орындарын ашуға да септігін тигізеді.

Естеріңізге сала кетейік, инвесторлардың демеушілігімен Шымкент қаласындағы сауда-логистикалық орталық аумағында «Coca-Cola Kazakhstan» сусындар зауыты ашылды. Бұдан бөлек шетелдік инвесторлар Шымкент қаласында электр энергиясын өндіруге арналған ірі қоқыс өңдеу кешенін салу жобасын жүзеге асырмақ.

Шымкент қалалық аумақтық қорғаныс бригадасының әскери міндеттілермен 10 күндік арнайы тактикалық оқу-жаттығу жиыны қорытындыланды. Қорғаныс министрлігінің жоспарына және Шымкент қаласы әкімінің қаулысына сәйкес запастағы жүз елу алты әскери қызметшіге арналған әскери жиын аяқталды. Осы уақыт ішінде оқу бағдарламасын жақсы меңгергендерге кезекті әскери атақтар берілді. 

Қала әкімі Ғабит Сыздықбеков энергетикалық жүйені тұрақты дамыту мақсатында «Қазақстандық коммуналдық жүйелері» ЖШС Бақылау кеңесінің төрағасы Дінмұхамет Ыдырысовпен кездесті. Кездесу барысында стратегиялық серіктестік туралы меморандумға қол қойылды.

Екіжақты серіктестік қала энергетикалық инфрақұрылымын кешенді дамытуға бағытталған. Сондай-ақ, жаңартылатын энергия көздері саласындағы жобаларды жүзеге асыру, электр энергиясын беру және тарату жүйелерін жаңғыртуды қамтиды. Бұл қала тұрғындары мен кәсіпкерлік субъектілерінің қажеттіліктеріне сай тұрақты әрі экологиялық таза энергиямен қамтамасыз етуге мүмкіндік береді.

Бұдан бөлек, электр көлігі инфрақұрылымын жақсарту маңызды міндеттердің бірі. Биыл меморандум аясында қалада алғашқы электр қуаттау станциясы орнатылады. 2026 жылға дейін олардың санын онға жеткізу жоспарланып отыр.

Энергиямен жабдықтау сенімділігін арттыру және қаланың жаңа шағынаудандарында өсіп келе жатқан сұранысты қанағаттандыру үшін қуаттылығы 80 МВт жаңа төмендету қосалқы станциясы салынады

Сонымен қатар, 336 км тарату желілерін қайта құру, 139 трансформатор бекетін жаңарту, 50 трансформаторды ауыстыру және үш қосалқы станцияда релелік қорғанысты жаңарту жұмыстары атқарылады.

Әлеуметтік жауапкершілік аясында Шымкентте әлеуметтік тұрғын үй құрылысын бастау да жоспарланған.

Меморандум аясындағы жобаларды жүзеге асыру қала экологиясын жақсартуға, жаңа жұмыс орындарын ашуға және энергетика секторына қосымша инвестиция тартуға елеулі үлес қосады.

Кездесу соңында «біз үшін Шымкент қаласының тұрғындарын сапалы әрі үздіксіз электр қуатымен қамтамасыз ету аса маңызды»-деді, әкім.

«Қалың қалай, бастауыш ұйым» акциясы аясында «Қызмет» салалық кәсіподағының мүшелік ұйымы - Шымкент қаласының дене шынықтыру және спорт басқармасының «Шымкент қаласының кешенді жоғары спорт шеберлігі мектебі» коммуналдық мемлекеттік мекемесінде «Қызмет» салалық кәсіподағы Шымкент қалалық филиалының төрағасы Серік Әуесханов және мекеме директорының орынбасары, бастауыш кәсіподақ ұйымының төрағасы Сембек Сариев ұжымдағы кәсіподақ мүшелерімен кездесу өткізіп, қал-жағдайларымен танысты. 

Кездесу қорытындысымен жиын өткізіліп, Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауы талқыланды.

Осы орайда, Жолдаудағы спорт мәселесі бойынша: «Бұқаралық спортты дамыту, жастарымыздың дені сау, мықты азамат болып өсуіне, ұлт саулығын сақтау үшін бұқаралық спорттың маңызы айрықша екеніне көбірек тоқталып, жақында өткен Олимпиадаға қатысудың қорытындысы қаралып, алдағы спорттағы нақты міндеттер мен басымдықтар белгіленіп, іс-шаралар жоспары қабылданды. Бұл саладағы Заңға енгізілетін өзгертулер бұқаралық спорт пен балалар спортын дамытуға зор серпін беруі керектігі» айтылды.

Ұжым мүшелері толық қатысқан жиында «Қызмет» салалық кәсіподағы Шымкент қалалық филиалының төрағасы Серік Елемесұлы мекеменің қызметкерлерін алда келе жатқан «10  қазан  - Қазақстан кәсіптік одақтары күні» мерекесімен құттықтап, ұжым мүшелеріне филиалдың кәсіподақ наградаларын табыстады.

Атап айтқанда, Шымкент қаласының дене шынықтыру және спорт басқармасының «Шымкент қаласының кешенді жоғары спорт шеберлігі мектебі» коммуналдық мемлекеттік мекемесінің жаттықтырушылары Емельянов Михаил Александрович және Подойникова   Ольга Александровна «Еңбек озаты» төс белгілерімен, аға жаттықтырушы Алексеев Евгений Петрович және жаттықтырушы Ким Григорий Фарленович «Құрмет Грамоталарымен», оқытушы - жаттықтырушы Бидарев Юрий Васильевич және бөлме тазалаушы Бекботаева Әлия Саметқызы «Алғыс хаттармен» марапатталды.

Жиын соңында мекеме директорының орынбасары Сембек Даулетбайұлы «Қызмет» салалық кәсіподағының атына шынайы алғысын білдіріп, алдағы істеріне сәттілік тіледі.

Өңірлік коммуникациялар қызметінің алаңында «Қазақстан Республикасы бәсекелестікті қорғау және дамыту Агенттігінің Шымкент қаласы бойынша департаментінің 2024 жылдың 9 айында атқарған жұмысының қорытындылары туралы» тақырыбында баспасөз конференциясы өтті.

Өңірлік коммуникациялар қызметінің алаңында «Қазақстан Республикасы бәсекелестікті қорғау және дамыту Агенттігінің Шымкент қаласы бойынша департаментінің 2024 жылдың 9 айында атқарған жұмысының қорытындылары туралы» тақырыбында баспасөз конференциясы өтті. Департамен басшысы бүгін Қосбаев Ернар Тұрдалыұлы - Қазақстан Республикасының Бәсекелестікті қорғау және дамыту агенттігі Шымкент қаласындағы бірқатар кәсіпкерлік субъектілеріне монополияға қарсы заңнаманың бұзылуына байланысты шаралар қабылданғанын айтты.  

2024 жылы Қазақстан Республикасының Бәсекелестікті қорғау және дамыту агенттігінің Шымкент қаласы бойынша департаменті кәсіпкерлік саласындағы бірқатар заң бұзушылықтарды анықтап, қатаң шаралар қабылдады.

Шаһар басшысы Ғабит Сыздықбеков өз әріптестеріммен бірге қалалық нысандарды аралап, жұмыс барысымен танысты. Аралау барысында Абай ауданы, «Бозарық» шағынауданындағы көпқабатты тұрғын үйлердің құрылысын тексерді. Құрылысты жүргізіп жатқан мердігер ұйымға және тиісті басқарма басшылығына аумақты абаттандыру және көгалдандыру жұмыстарына ерекше назар аударуды тапсырды.