«Діни экстремизмнің алдын-алу және жастарды патриоттыққа тәрбиелеу» тақырыбында мекеме қызметкерлерімен кездесу болып өтті. Кездесудің басты мақсаты жастар арасында діни экстремизмнің алдын алу және діни сауаттылықты арттыру болып табылады.

«Діни экстремизмнің алдын-алу және жастарды патриоттыққа тәрбиелеу» тақырыбында Сауран аудандық кірістер басқармасындақызметкерлерімен кездесу болып өтті. Кездесудің басты мақсаты жастар арасында діни экстремизмнің алдын алу және діни сауаттылықты арттыру болып табылады.

Сауран ауданы әкімдігінің ішкі саясат бөлімінің «Жастар ресурстық орталығы»КММ-нің теолог маманы Д.Ажибайдың ұйымдастыруымен «Дінді дұрыс түсіну заман талабы» тақырыбында Сауран ауданының жастары арасында түсіндірме жұмыстары өткізіліп, сауалнама жүргізілді.

Еліміздің дамуы үшін адам сауатты, парасатты болуы керек. Асыра діни фанатизм болу, дінді дұрыс түсінбеу бұл қоғам тыныштығы үшін кесірін тигізетін дүниелер. Дінді елімізде рұқсат етілген ұстаздардан, мешіт имамдарынан ғана сұрау, білу, үйрену қажет. Осындай адасушылыққа ұрынбау үшін діни қажетті ақпаратты сенімді ақпарат көздерінен алу керек.

Дінді дұрыс түсіну де байыптылықты, оған саналы түрде келуді қажет етеді. Ізденіс пен білімін арттырып отыру, дін мамандарын тыңдау осы тұста маңызды. Ал дін насихаттайтын құндылықтар әр қоғамның дұрыс алға жылжуына септігін тигізеді. Рухани құндылықтарсыз өмірді елестету мүмкін емес. Оқу, білім алу, ғылыми ізденіс жасау исламның ең алғашқы бұйрығы. Құранда одан кейінгі келген алғашқы бұйрықтар қатарында бойды таза ұстау айтылған. Кісі баласына құрмет көрсету өз алдына, қоршаған орта, табиғат, жүргірген аң мен құс, қыбырлаған жәндікке де аяушылықпен қарау мұсылманның міндеті.

Еңбекпен нанын тауып жеу, отбасын асырау, ешкімге қиянат жасамау, жақсылықты істерге болысу, жетім жесірді жебеу, сүрінгенді демеп, құлағанды тұрғызу, мейірімділік пен кешірімділікті, кішіпейілділік пен жұмсақтықты негізге алу, жақынына, еліне жанашырлық таныту, барымен бөлісу, көршімен татулық, достыққа адал болу секілді құндылықтардың исламдағы орны нық. Біздің ата бабаларымыз да осындай құндылықтармен өмір сүрді, әрі сол құндылықтарды кейінгілерге аманат етті. 

Өкінішке орай, соңғы кездері қоғам арасында діннің атын жамылып, діндегі шетін көзқарастарды насихаттау мен ұстануды дәріптеп, діни төзімсіздікті тарату тәрізді теріс әрекеттер байқалуда. Қаракөз қандастарымыздың бірқатарының жат діндердің жетегінде жүргені ащы да болса шындық.

Кеңес өкіметі тұсындағы жылдар бойы руханиятқа сусаған халқымыз тәуелсіз ел болған кезде дінге жаппай орала бастады. Өкінішке орай, сан жылдар бойғы қалыптасқан діни сауатсыздық жекелеген азаматтарымызды қателікке де ұрындырды. Бұған кеше соғыс оты лаулаған Сирия еліне барып, «таза дін» жолымен жүретін мемлекет құрамыз деген жалған идеяға елітіп, қолына қару алған, бүгінде «Жусан» операциясымен елге оралған ел азаматтарының тағдыры дәлел.Бұл жердегі басты проблема – діннің бұрмаланып жеткізілуі. Ислам дінінің негізгі іргетасы мен дәлелі Құран мен Құран қағидаларынан келіп шығатын пайғамбарымыз Мұхаммедтің (Оған Алланың рақметі мен сәлемі болсын) сүннет амалдары. Осы негізді ғасырлар бойы ислам әлемінің белгілі ғалымдары тарқатып түсіндіріп, тармақтарын қалыптастырды. Осы орайда айтар болсақ, Ханафи негізін алған мазхаб пен Матуриди қалыптастырған ақидаға қарсы келетін пікірлер мен ұстанымдар қазақ қоғамындағы біздің дәстүрлі дінімізден тыс. Шеттен келген теріс діни ағымдардың идеялары қаншалықты қисынды көрінгенімен, ол біздің еліміздегі ислам дінінің дәстүрлі түсінігіне қарсы мәнге ие деп бағаланады.

Дін – дұрыс түсінген адам үшін бақытқа жетелейтін нығмет десек, қате түсінген адам үшін үлкен қасірет. Дінді қате түсіну бүтіндей елдер мен қоғамдарды берекетсіздікке ұшырататын құрал екенін тарихтан да білеміз, жекелеген елдердің бүгінгі ахуалынан да көріп отырмыз. Мұны жақсы түсінген қара пиғылдылар осы құралды қолдану арқылы діннің атымен өздеріне саяси ұпай жинауды мақсат тұтып, діни сауаты төмен жастардың санасын улауға тырысады.

Жалпы, кертартпа теріс ағымдарға бақылауды босаңсытып алуымыз тәуелсіздіктің бастапқы жиырма жылының ішінде дін саласында жіберген үлкен қателігіміз болғанын бүгін ашық айтуымыз тиіс. Соның салдарынан діни сауаты таяз біршама жастарымыз теріс ағымдардың алдауына түсіп, жат діндердің сойылын соғып кетті. Жастардың заманауи талаптары мен талғамын жақсы білетін теріс ағымдағылар олардың арасында Интернеттің кең мүмкіндіктері арқылы өз уағыздарын кеңінен таратты.

Бүгінгі таңда операция, іс-қимылдарымен бүкіл әлемді шулатқан террорлық бәлекет көбіне ислам атынан дін бетпердесін қолдануда. Ұйымдар осындай өтірік әдіспен өзіне анағұрлым оңай әскер жинайды әрі материалды, логистикалық қолдау табуда еш қиындық тартпайды. Өте нәзік тақырыптардың алдыңғы қатарында тұрған дін әсілі бүкіл адамдарды өзіне баурайтын, бақытты өмір кешуін қамтамасыз ететін аһлақ ұстанымдарына негізделген. Алайда тарих бойы әр уақыттарда қате тұжырымдалып, осындай ұлық мақсатқа мүлдем қайшы көрсетілген кезі де болған.

Осыған ұқсас жағдайлардың жаппай белең алып, ақпарат құралдары арқылы кең тарауы себепті ғаламдық деңгейде дін тура бір лаңкестіктің бастауы немесе жоқ дегенде бастау болатындай факторларды қамтитын кейіпте көрсетілуде. Осыны дұрыс көрсету үшін шариғат, жиһад, мемлекет түсінігі, шейіттік, үкімді тек Алла беретіндігі, жақсылыққа шақыру, тәкфир секілді т.б. ұғымдық мағыналарды өрескел бұрмалап, халыққа ықпал жүргізеді. Осы қате тұжырымдар мен оны жүзеге асыруға қарсылық танытуы мүмкін деген сақтықпен дін ғалымдарын тұқыртуды мақсат етіп, қате пайымдауларын түсінуге көмектесетін усул ілімін білдірмей, тек сырттайғы (захири) әрі жалаң жорамал жасалып, жоғарғы деңгейде дін білімінің берілуіне кедергі жасап, қарсылық танытатындарды құрту үшін, турасын айтқанда, лаңкестікке жол берілуде.

Дінді бетперде ететін лаңкестік ұйымдардың кейбір көзқарастарын саралап, қателіктерін көрсетіп, және дінді лаңкестікке бастау етпеу үшін кейбір ұсыныс-кеңестер туралы айта кетсек. Неге дін бетперде етіледі? «Маска» сөзіне сөздіктерде шынайы сезімдерді немесе бір нәрсенің шынайы бейнесін жасыратын алдамшы көрініс және қылық ретінде анықтама берілген. Діннің атынан іс жасап жатқанын айтатын лаңкестік ұйымдар да шынайы ой мен мақсаттарын жасырып, дінді бетперде етеді. Лаңкестік жасау Алланың бұйрығына жатпайды, онымен Жаратушының разылығын тауып, жұмаққа баратындай кемелдену мүмкін емес. Сондықтан дін атынан лаңкестік болмайтындықтан, бұл жерде дінді бетперде етіп отырғаны анық.

Дін – адам болмысында бар қасиет. Жаратылысқа сай бұл қасиет алғашқы адаммен бірге басталып, бұл жағдай үзілместен қазірге дейін жалғасқан. Қазіргі таңда да жер бетін мекендеген адамзатқа ең ықпалды нәрселердің бірі дін. Осы ерекшелігі себепті дін манипуляция жасалатын тақырыптардың алдыңғы қатарынан табылады. Міне, діннің осындай ерекшелігі себепті кейде дінді құрту, кейде жат пиғылдарына жету үшін түрлі адамдар дінді, өкінішке қарай, бетперде етеді. Өткен тарихта да түрлі мақсаттарына жетуде дінді заңды етіп көрсеткендер болған. Кейбір жағдайларда бұл қажетті болса немесе дін бұл жағдайды бұйырған болса, ал көптеген жағдайларда, өкінішке қарай, дін осы жолмен қанау не алдаудың құралы ретінде қолданылған. Міне, аталған ұйымдардың жетекшілері дінді осы екінші жағдайға қолдануда. Дінге қалай кесір тигізуде? Лаңкестік ұйымдардың барлығы көп тұрғыда адамзатқа кесір тигізеді. Алайда дінді бетперде еткен лаңкестік ұйымдар сырт көзге өздері қызмет етіп жатырмыз деп ойлаған немесе айтып жүрген діндеріне көбірек зиян тигізеді.

Бұл зиянның екі мәселеде топтасқанын айтуға болады. Исламның атына кір келтіру және ислам дініндегі кейбір мәселелерді қате түсіндіру. Біріншіден, исламның атына кір келтіру ислам діні және оның таңдаулы пайғамбары (салаллаһу алайһи уә сәлләм) тарихта көптеген келеңсіздіктерге тап болды. Ислам әлемінің тысындағы ауқымды жұрт оның қадірі мен құрметін тиісінше тани алмады. Мұнда мұсылмандардың үлгі бола алмауы мен түрлі орталардың оған қарсы үгіт жүргізіп келгенінің де өзіндік үлесі жоқ емес. Лаңкес ұйымдардың ғалымдарды ысырып тастау үшін қандай күш жұмсайтыны, тіпті бұның әрбір лаңкес ұйымның негізгі мақсаттарының бірі екені осы мәселе арқылы анағұрлым түсінікті болуда.

Дінге жасалған бұл зиянды істердің алдын алу, яғни, дінді бетперде еткен лаңкестермен қарқынды күрес жүргізу үшін әуелі бұл ұйымдардың қалай пайда болу себептерін аса мұқият зерттеу әрі сол себептерді болдырмауға күш салудың маңызы зор. Лаңкестіктің себептері арасында дінді қате түсіну, қате түсіндіру, мемлекет жағынан қысым жасау, саясатқа желеу ету, өгей баланың күйін кештіру, дін мамандарын жеткілікті дайындай алмау, бар мамандардың бағаланбауы секілді бірқатар қателіктер мен кемшіліктер бар.

Жағдай осы болғандықтан, жасалуы керекті істердің бірі – адамзат өмірінен ығыстырып тастау мүмкін емес, алайда кез келген уақытта манипуляцияға ұшырауы мүмкін дін факторын өзіне лайықты түрде әрі ешқандай саудаға салмастан қолға алу керек. Бұған қоса, бүкіл әлем терроризмнің меншікті діні жоқтығы турасында пікір тоғыстырып, бұлардың ешқандай дінмен қатысты еместігін жаһанға жариялап, діндерді ақтау керек, жазықсыз діндарларға басқаша көзқараспен қарап, лаңкестермен тиісінше әдістермен күрес жүргізу керек.
Бүгінгі күнге дейін ақидалық және амалдық әһлі сүннет мәзһабтары діни тәжірибе тұрғысынан мұсылмандардың бірлігін қамтамасыз ету әрі дінде бұзылу мен азғындауға жол бермеу үшін айтарлықтай міндеттер атқарды, атқарып келеді де. Осы жағдайды жіті бақылап отырған дін реформаторлары, батыстық шығыстанушылар (ориенталистер), әрине террористік ұйымдар бар – бәрі мәзһабтар мен ғалымдарды үнемі нысанаға алды. Көп жағдайда демагогия жасап «Имам Ағзам мен Имам Шафиғи да өзіміз секілді пенде болған, көп ғасыр кейін келгендер неге олардың көзқарасымен санасуы керек, неге олар сынға алынбауы тиіс» деген секілді сөздермен бұл ғалымдардың ел ішіндегі беделіне нұқсан келтіруге тырысты. Алайда, негізгі мақсат көздегендеріне сай, ешқандай әдістемеге сүйенбестен дінді түсіндіру, қоғамның бірлігіне сызат түсіру, сөйтіп лаңкестікке оңай жол ашу. Қазір төрт мәзһаб бар, алайда жаңағы айтылған кісілерге еретін болсақ, мәзһабтарға сын айтқандардың санындай мәзһаб көбейе береді. Онда дін туралы сөз айту пәлендей оңай болмайды.

Келесі бір жағынан қате пайымдарын әшкере ететін усул ілімін мойындамай, жеңіл түрде сырттай (захири), қалай болса солай әрі біртұтас күйде емес бөлшек қалпында бағалап түсіндірулер жасауда. Осы екі діттегендерін оңай жүзеге асыру үшін деңгейі жоғары дін білімін беруге мейлінше кедергі келтіруде.

Сөз етілген ұйымдардың мақсаттары айтылғанда, «Пайғамбар уақытына ұқсас ислам үлгісін құру арқылы жер бетінде шариғатты, яғни Алланың үкімін қайта орнату» делінеді. Бұлайша баға беру көптеген тұрғыдан қате әрі зиянды.Айталық, бұндай кейіпте түсіндіру шариғат, жиһад, шейіттік, ғазылық, ислам мемлекеті, бақытты ғасыр секілді мұсылманша түсініктерді қате түсінуге себеп болады әрі бұл ұйымдардың операцияларын заңдастыруға септігін тигізеді. Осылай оңай мүше табуда әрі халықтың қолдауына ие болуда.

Ешбір мұсылманнан жиһад түсінігін, шариғат ұғымын немесе шейіттік түсінігін жамандау не ол ұғымдарға қарсы шығу кездеспейтіні белгілі. Неге десеңіз, бұлар әр мұсылманның өмірінде құнды діни ұғымдардың қатарында. Алайда, мағыналары террор ұйымдары түсіндіргендей әрі жүзеге асырған кейіпте емес. Ұйымның ішкі келбетін әрі ісін халықаралық қатынастар қырын білмеген әрі жеткілікті діни білім алмаған, ауылдық жерде өскен, кейбір әділетсіздіктерге тап болған, туыстары мемлекет немесе белгісіз біреулер тарапынан қорлық көрген кедей бір мұсылман жастан жоғарыда жасалған пайымдарға қарсылық танытуды немесе құптамай қоюды күту оңай емес.

«WWW.AQ-QARA.KZ»

Этносаралық татулықты сақтау мақсатында «Спорт — бізді біріктіреді» атты волейболдан аудан жастары арасында жарыс өтті.

Сауран ауданы әкімдігінің ішкі саясат бөлімінің «Жастар ресурстық орталығы» КММ-нің ұйымдастыруымен пробация есебінде тұрған жастармен кездесу өткізілді.

Сауран ауданы әкімдігінің ішкі саясат бөлімінің «Жастар ресурстық орталығы» КММ-нің мамандары арасында «Экстремизм мен терроризмге қарсы күрес заман талабы» тақырыбы аясында мамандар арасында кездесу болып өтті.

Сауран ауданы Ескі Иқан ауылдық округіне қарасты Көпсалалы кәсіптік колледжінде «Дін мен дәстүр сабақтастығы» тақырыбы аясында студенттер арасында кездесу болып өтті.

Бүгін Шымкент қаласының ішкі саясат және жастар істері жөніндегі басқармасы мен Төтенше жағдайлар департаменті қызметкерлері бірігіп,  «Фосфоршылар сарайының» ғимаратының бұзылатыны жөнінде түсіндіру жұмыстарын жүргізді. 

Биылғы жылдың 6 айында  бірінші сатылы соттың өндірісіне түскен әкімшілік талаптардың жалпы саны 999 істі құраған болса, өткен жылдан 91 іс қалдық ретінде өткен, яғни осы жылдың 6 айындағы соттың өндірісіндегі жалпы талап қоюлар саны 1090 әкімшілік істі құрайды. Бұл туралы бүгін Өңірлік коммуникациялар қызметі алаңында өткен баспасөз конференциясында Шымкент қалалық сотының әкімшілік істер жөніндегі сот алқасының төрағасы Қыдырбаева Гүлмира Дұрысбекқызы баяндады.

Бүгінде бірінші сатылы сотқа түскен әкімшілік талап қоюлардың жалпы   546-і кері қайтарылған. Осы жылдың 6 айында бірінші сатылы соттың өндірісіндегі жалпы 1090 әкімшілік істің қаралып аяқталғаны, кері қайтарылған талап қоюларды қоса есептегенде 884 істі құраған. 

Осы аяқталған 884 әкімшілік істің 253-і шешімді (23,2%), 631-і (57,8%) ұйғарымды құраған. Ұйғарымдардың 79 татуласу рәсімімен, 6 соттылық бойынша, ал 546-ы талап қоюды кері қайтару бойынша шығарылған ұйғарымдар (жеке ұйғарым, талапты қамтамасыз ету, ақшалай өндіріп алу туралы сот актілерін қоспағанда).  

Бірінші сатылы сотпен қабылданған жалпы 253 шешімнің 139-ы (54,9 %)  талап қоюды (ішінара) қанағаттандырумен, ал 114-і талап қоюды қанағаттандырудан бас тартумен шығарылған.   Бұдан бөлек, 6 әкімшілік іс соттылығы бойынша жолданған.  

Әкімшілік істер жөніндегі сот алқасына биылғы жылдың 6 айында бірінші сатылы соттан сот алқасына апелляциялық тәртіппен түскен әкімшілік істердің жалпы саны 303 істі құраған. Түскен шағымдардың ішінде 160-ы апелляциялық шағым, 143-і жеке шағым. Ал 6 іс Жоғарғы Соттан сот актілерінің күші жойылуына байланысты басқа құрамда қарау үшін түскен.

Жыл басынан бері сот алқасының өндірісіндегі 303 істің  295 ісі қаралып,  аяқталған. Жалпы қаралып аяқталған істерден бөлек 8 іс АПК-нің талаптарын орындау үшін бірінші сатылы сотқа қараусыз кері қайтарылған.  

Алқамен аяқталған әкімшілік істердің:

- 249-ы (116 шешім, 133 ұйғарым) өзгеріссіз қалған.

- 7-і (7 шешім) өзгертілген. 

- 35-нің (15 шешім, 20 ұйғарым) күші жойылған.

Күші жойылған 15 шешімнің 13-не қатысты жаңа шешім шығарылған.    

Осы 6 айда алқамен жалпы 4 жеке ұйғарым қабылданған, олар зңды күшіне еніп барлығы орындалған.  2024 жылдың 6 айында сот алқасымен процестік мәжбүрлеу шаралары қолданылмаған. 

Өңірлік  коммуникациялар қызметінің алаңында «Қаржылық пирамидалармен күрес нәтижелері»  тақырыбында  баспасөз конференциясы өтті. 

Департамен тарапынан ұсыныс ретінде, халық көп шоғырланатын «Қажымұқан» стадионындағы экранды ауыстырып, орнына заманауи экранда үзіліс кезінде, матч басында халыққа қаржы пирамидасы, лудомания және т.б зияндығы туралы бейнероликтерді жариялау ұсынылады.  

Себебі, профилактиканың ең тиімді жолы – халықтың құқықтық сауаттылығын арттыру, түсіндіру жұмыстарын жүргізу және насихаттау дейді, Қайшыбеков Бақыт Сапарғалиұлы - Шымкент қаласы бойынша экономикалық тергеп-тексеру Департаментінің басшысы.

Департаменттің бастамасымен Қазақстан Республикасы Мұсылмандар діни басқармасына ұсыныс хат жолданып, жұма намазы кезінде осы қаржылық пирамидаларының зияны туралы уағыз айту мәселесі қолдау тапқан.

Нәтижесінде, өткен жылы қараша айында бүкіл Республика мешіттерінде осы тақырып бойынша имамдармен түсіндірме-насихаттау жұмыстары жүргізілген.

Телеграм желісінде «Байқа пирамида», «AFM Insider» боттары жұмыс жасайды, олармен кез келген тұлға белгілі бір жобаға ақша салудан алдын оның қаржылық пирамида белгілері бар немесе жоқтығына тексеру мүмкіндігі бар. Мысалыға, Сіз қызығушылық тудырып жатқан компанияның бизнес сәйкестендіру номерін енгізесіз, онлайн түрде сұрау тексеріліп, егерде компанияда қаржылық пирамида белгілері немесе қылмыстық іс тіркелген болса сізге тиісті хабарлама келеді.

Қаржылық пирамидаларының құрбаны болмаудың негізгі жолы – тұрғындардың қаржылық сауаттылығын арттыру. 

Аталған бағытта қаржылық сауаттылықты арттыру мақсатында 2024 жыдлдың 4 маусым күні Агенттік ұйымдастыруымен Мәдениет және ақпарат министрлігі және «Alayaq.net» республикалық жастар қозғалысы қолдауымен «АФМонлайн» іс-шарасы өткізілген.

Іс-шараның мақсаты – қаржы пирамидалармен күрес, әлеуметтік желідегі тәртіп, интернет-алаяқтықпен күрес тақырыбында эксперттер қатысуымен талқылау. Қаламыздан аталған іс-шараға 2 университеттің 200 ден аса белсенді студенттері, әкімдік қызметкерлері, құқық қорғау органдары, 2 млн-нан астам оқырмандары бар 8 блогер шақыртылып, тікелей эфир жүргізілген.