Бұл туралы тұрғын үй басқармасының басшысы Жанат Утебаева азаматтарды қабылдауда айтып өтті. Басқарма басшысының берген мәліметіне сүйенсек, Шымкентте тұрғын үй кезегіндегі 83 отбасы жыл басынан бері жалдамалы баспанамен қамтылды. Оның ішінде  халықтың әлеуметтік әлсіз тобына 55 арендалық пәтер қолданысқа табысталса, жетім және ата-анасының қамқорлығынсыз қалған балаларға 13, көпбалалы отбасыларға 15 пәтер қолданысқа берілді.  Бұдан бөлек  былтырғы жылдан өтпелі болған 164 пәтермен ағымдағы жылдың басында кезектегі азаматтар қамтылған болатын. Аталған тұрғын үйлердің сатып алу құқықғы жоқ.

2022 жылы азаматтардың пайдалануына жалпы 1 605 пәтер табысталу жоспарланған. Oның ішінде жетім және ата-анасының қамқорлығынсыз қалған балаларға-54, көпбалалы отбасыларға-476, халықтың әлеуметтік жағынан әлсіз тобына - 218, жұмыс істейтін жастарға-857.  Бүгінде 1605 пәтердің 83-і түрлі санаттар бойынша ел игілігене табсталып отыр.  Қалған жалдамалы баспаналар жоспарға сәйкес жыл соңына дейін кезең-кезеңімен берілетін болады.

Айта кету керек, басқарма басшысы 40-қа жуық тұрғынды  баспана мәселесіне қатысты қабылдау өткізіп, Заң аясында түсіндіру жұмыстарын жүргізе отырып, оның шешілу жолдарын қарастырды. Қабылдауда болғандардың қатарында кезекке тіркелген көпбалалы отбасылар, халықтың әлеуметтік әлсіз топтары, сондай ақ зейнеткерлер бар. Тұрғын үй кезегінде тіркелген азаматтарға жалдамалы баспаналар кезек реті бойынша берілетіндігін жеткізді.

Осы тұста айта кетейік, 20 маусымнан бастап Шымкентте «Бақытты отбасы» жеңілдетілген несиелік бағдарламасына қатысу үшін өтінімдер қабылдау басталды. Аталған конкурс  20 маусым мен 19 шілде аралығында  www.otbasybank.kz жылжымайтын мүлік порталы арқылы жүргізіледі.

Бағдарламаға қатысушылар – санаттары мен  кезекке қойылған жылына қарамастан қатысуға өтінім бере алады. Әрі қарай, жүйе автоматты түрде кезекке тіркелу өңірлері, кезекке тұрған күні мен санаттары  бойынша қатысушылардың негізгі және резервтік тізімдерін қалыптастырады.

Тұрғын үйге кезекке тіркелген күні, кезекке тіркелген санаты және өтінім беру уақыты қатысушының негізгі тізімге ілігуінің айқындаушы фактор болады.

Азамат үй кезегінде тұрған көпбалалы отбасы, мүмкіндігі шектеулі бала тәрбиелеп отырған отбасы, толық емес отбасы (неке бұзылған сәттен бастап кемінде 3 жыл өтуі керек) санатындағы азаматтар қатыса алады.

Биыл «Нұрлы жер» бағдарламасының «2-10-20 Бақытты отбасы» бағыты бойынша Шымкент қаласына 449 отбасыны баспанамен қамтамасыз етуге 4,4 млрд. теңге көлемінде лимит бөлініп отыр.

"AQ-QARA.KZ"-ақпарат

Түркістан облысы ПД Есірткі қылмысына қарсы іс-қимыл басқармасының қызметкерлері "Балалар жылы" аясында Түркістан қаласындағы Ж.Еділбаев атындағы №18 мектеп-гимназиясының оқушылары үшін кинологиялық орталыққа экскурсия ұйымдастырды. Бүгінгі күні аталмыш орталықта 6 полиция иттері қызмет етеді. Олардың көмегімен қылмыстарды ашу, қылмыскерлерді ұстау, жарылғыш заттарды, оқ-дәрілер мен есірткі заттарын анықтау жұмыстары жүргізіледі.

Экскурсия барысында полицей-кинологтар оқушыларға үйретілген қызметтік иттердің кәсіби дағдыларын, шеберлігін көрсетті. Сондай-ақ көмекші иттер берілген командаларды орындап, "қылмыскерді" залалсыздандырды, "есірткінің" жасырын муляждарын іздеді. Мәселен ит үйретушінің басшылығымен Гарди есімді қызметтік ит контейнерлердің бірінен есірткі муляжын тапты. Сонымен қатар тәртіп сақшылары ұшқыштарды, жаттығуға арналған арнайы құралдарды және қызметтік иттерді тасымалдауға арналған автокөлікті көрсетті. Бұның барлығын оқушылар асқан қызығушылықпен қарады.

Соңында балалар кинологиялық орталыққа танымдық экскурсия ұйымдастырғаны үшін полиция қызметкерлеріне алғыс айтып, естелікке суретке түсті.

 Еңбекші ауданындағы Сайрам шағынауданының тұрғындары «Халық қатысатын бюджет» жобасына белсенді қатысып өз жобаларын ұсынған болатын. Нәтижесінде биыл 10 үйдің ауласы абаттандырылып, балалар ойын алаңшасы құрылады.

Қазіргі сәтте шағынаудандағы №№7,10 көпқабатты үйлердің ауласындағы ойын алаңшасы балалардың игіліген берілген болса, №6,9 үйлердің ауласында жұмыстар жалғасуда. Өндірістік кестеге сәйкес өзге үй аулаларында да жұмыстар басталғалы тұр.

Сайрам шағынауданында көпқабатты 29 үй орналасқан. 2013 жылы шағынаудандағы барлық үй аулаларына абаттандыру жұмысы жүргізілген. Уақыт өте келе балалар ойын алаңшаларының бірқатары көнеріп, қайта құруды қажет еткен.

Айтпақшы, қала әкімі М.Әйтеновтың тапсырмасына сәйкес, шағынауданындағы көпқабатты үйлердің аулаларын абаттандыру және балалар ойын алаңшаларын орнату 2022-2025 жылдарға жоспарланып, іс-шара жоспары бекітілген болатын. Осы орайда, бұқаралық спортты дамыту мен тұрғындардың салауатты өмір салтын ұстануы үшін шаһардағы шағынаудандарда спорт алаңшалары орнатылып келеді. Мәселен, өткен жылы бұқаралық спортты дамыту мен тұрғындардың салауатты өмір салтын ұстануы үшін  Сайрам шағынаудандардың бірінде 2 ашық спорт алаңшасы орнатылды.

Осы тұста қала басшысы  М.Әйтенов абаттандырылған аулаларды тексеріп шықты.

Әл-Фараби ауданында қала күні мерекесіне орай А.Байтұрсынов көшесі №88-90, №92, №4 және Рашидов көшесі №25Б, 25В көпқабатты тұрғын үй аулалары толық абаттандырылып, тұрғындар игілігіне берілген-ді.

«Халық қатысатын бюджет» жобасымен тұрғындар өтініштері негізінде Әл-Фараби ауданы аумағында биылға 50 көп қабатты тұрғын үй ауласын абаттандыру және балалар ойын алаңшаларын салу жоспарланған. Оған қоса 9 жаңадан ашық спорт алаңшаларын орнату мен 9 алаңшаны жөндеу жоспарға енген. Қазір 28 аулада абаттандыру жұмыстары жүргізілуде.

"AQ-QARA.KZ"-ақпарат

Бүгін қолына қалам ұстаған журналистер мамандығын ауыстырып, ауыр жағдайдағы науқастарға алғашқы медициналық жәрдем көрсетіп, өмірін ажалдан арашалап қалды. Алғашқы медициналық көмек көрсету Шымкентте жуырда ашылған симуляциялық орталықта жүзеге асты. Іс-шараға Шымкент қаласы және Түркістан облысының БАҚ өкілдері қатысты. Шымкент қалалық денсаулық сақтау басқармасының басшысы Нұрлыбек Абибуллаұлының айтуынша, мұнда түрлі жағдайға арналған 100 муляж қарастырылған. Ересектерден бастап балаларға дейін, түрлі жарақаттан бастап шұғыл бала босануға дейінгі жағдайда алғашқы көмек көрсету әдістері үйретіледі. Орталық мамандары шетелдерде білімін жетілдіріп, біліктілік арттырып келген.Оталық мамандары бұқаралық ақпарат құралдары өкілдеріне базалық жүрек-өкпе реанимациясы бойынша дәріс жүргізді. Дәріспен қатар білікті тренерлер базалық жүрек-өкпе реанимациясын заманауи құрылғылардың көмегімен тәжірибе жүзінде көрсетіп, үйретті. –Орталық мамандары базалық жүрек-өкпе реанимациясын әрбір адам білуі тиіс дейді. Ол көшеде адамдардың есінен танып құлап қалуы, жүректің қысылуы не болмаса балалардың  ұсақ-түйек заттарды жұтып қоюы кезінде алғашқы медициналық көмек беруді біліп жүру екен. Мамандар тәжірибе жүзінде көрсетіп, біраз қажетті мәлімет алдық. Дегенмен, алғашқы медициналық көмек беру оңай жұмыс емес екен. Дәрігерлердің еңбегіне бас иемін, - деді «Әділет» қоғамдық газетінің тілшісі Роза Бекетаева. 

Айта кетейік, симуляциялық орталықтың әзірге Қазақстан бойынша баламасы жоқ. Қазіргі таңда орталықта медицина қызметкерлері біліктіліктерін арттыруда.

Тілге тиек етейік, қалада медициналық көмектің қолжетімділігін арттыру мақсатында инвесторлар есебінен 13 жаңа денсаулық сақтау ұйымы ашылып, 207 мың қала тұрғыны медициналық көмекпен қамтамасыз етілген.

2020 жылдан бастап медициналық құрал-жабдықтармен қамтамасыз ету қарқынды жүзеге асып, қазіргі таңда медициналық техникамен жарақтандыру көрсеткіші 77,3%-ға қол жеткізілді. Жыл сайын дәрігерлердің айлық еңбекақысы - 30%-ға, орта буын медициналық - 20%- ға өсіп отыр. Қазіргі сәтте дәрігерлердің - орташа еңбекақысы -395 мың теңге, ал орта буын мамандарының орташа еңбекақысы -233 мың теңгені құрайды.

"AQ-QARA.KZ"-ақпарат

Биыл қалада 5 мектепте күрделі жөндеу жұмысы жүргізіліп жатыр. Соның бірі - Сайрам тұрғын алабында орналасқан №107 мектеп.  1985 жылы қолданысқа берілген білім ордасы әбден есуірген.  Бүгінде білім мекемесінің едендері көнеріп, электр жүйелері жарамсыз жағдайға жеткен.  Сынып бөлмелерінде санитарлық нормаға сай ауыз суының болмауы да өзекті мәселенің бірі. Ауласындағы асфальті үгітіліп, әбден тозығы жеткен. Жоғарыда аталған ақауларды жою үшін жөндеу жұмыстары осы жылдың сәуір айында басталыпты.

Ал, жөндеу жұмысынан кейін едендер жаңысына ауысып, есік алдына кіреберіс салынады. Электр желілері ауыстырылып, әр сыныпқа ауыз су тартылады. Сонымен бірге, мектеп ішіне әжетхана жұмыс істейді және ол орталықтандырылған кәріз жүйесіне қосылады. Одан бөлек, сметалық жобада оқу ғимаратының шатырын ауыстыру, сыртқа қабырғаның барлығын арнайы материалмен қоршау және спорт алаңын жаңарту жұмысы қаралған.

Жөндеу жұмысы қыркүйектің соңына дейін жалғасады. Қазіргі таңда жоспарланған жұмыстардың 60 пайызы атқарылған.

Шымкент қаласындағы  С.Нұрмағамбетов атындағы №72 жалпы орта білім беретін мектептің сыйымдылығы 1200 оқушыға арналған. Білім мекемесінде 3 556  бала оқу жылын аяқтады. Оқушы саны шамадан тыс көп болғандықтан қосымша ғимарат қажеттігі туындаған.

Қала әкімі білім нысандарын аралау барысында №72 мектептің қосымша ғимарат құрылысын да көрді.

Жаңадан салынып жатқан оқу корпусының сыйымдылығы 375 орын. Екі ауысымда 700 жүзден аса оқушы білім алуға болады. Қолданысқа берілген нысанда балалардың білім алуымен бірге 27 жаңа жұмыс орны ашылады.

Үш қабаттан тұратын ғимараттың жалпы ауданы 1350,74 шаршы метр. Құрылыс жұмысы осы жылдың наурыз ауында басталған. Пайдалануға беру мерзімі 2023 жылдың тамызына жоспарланып отыр.

"AQ-QARA.KZ"-ақпарат

Бүгінгі өткен Үкімет отырысында Шымкент әкімі М.Әйтенов қалада жүзеге асыралатын ірі инвестициялық жобаларды атады.

«KAZALPACK» - соның бірі. Аталмыш компания биыл құны 23,4 млрд. теңгені құрайтын алюмин банкілерінің өндірісі жобасын іске қосып, 150 жаңа жұмыс орны құрылды. Қосымша 2023-2025 жылдары алюмин тақталары мен листтер өндірісі жобасы іске асырады. Инвестиция көлемі  40 млрд. теңге, 350 жаңа жұмыс орны құрылады.

Келесі жоба - «Karlskrona». Бұл компания  құны 26 млрд. теңгені құрайтын гидравликалық насостар өндірісі  жобасын жүзеге асырады. Онда 1 мыңнан астам жаңа жұмыс орнын ашу жоспарланған.

 Өзбекстандық инвестордың қатысуымен «Orient Ceramic» компаниясы құны  13 млрд. теңгеге керамикалық тақталар өндірісі жобасын жүзеге асыруды жоспарлауда.  300-ден астам жаңа жұмыс орындары құрылады.

1 000 орындық көпфункционалды университеттік клиника мен заманауи емхана жобасын іске асыру жоспарланып отыр. Инвестиция көлемі 120 млрд.теңге, 3 мыңға жуық жұмыс орны. Қазіргі таңда жобалау жұмыстары аяқталып, сараптамадан өтуде.

«Asia Trafo» компаниясының құны 7 млрд. теңгені құрайтын трансформатор өндірісі. Жоба аясында Орталық Азияда теңдесі жоқ жоғары кернеулі реакторлар шығарылады.

Айта кетейік, Шымкентте жалпы аумағы 743 га құрайтын 4 индустриялық аймақта 185,3 млрд.теңгеге 130 жоба іске асырылып, 8 мыңға жуық жұмыс орны ашылды. Қала экономикасының қарқынды дамуына және инвесторлар тарапынан сұраныстың артуына байланысты жаңадан 4 өндірістік алаң ашу жұмыстары басталды.

Атап айтсақ,  «Жұлдыз» индустриялық аймағы. Аумағы 306 га, қазір инженерлік инфрақұрылымның құрылысы жүргізілуде. Бұл аймақта 200 млрд. теңгеге 50-ден астам ірі инвестициялық жобаны іске асыру күтілуде. 5 мыңға жуық адам жаңа жұмыс орындарымен қамтылады. Бүгінгі таңда 17 жобаға жер телімдері беріліп, инвесторлар жұмыстарын бастап кетті.

Аумағы 132 га құрайтын «Бозарық» агро-индустриялық аймағы. Басты бағыты - ауыл шаруашылығы өнімдерін терең өңдеу. Инфрақұрылым құрылысы жүргізілуде. 21 инвестициялық жоба іске асырылатын болады. Бүгінгі таңда 7 млрд. теңгеге 6 жобаны іске асыруға жер телімдері ұсынылды.

«Оңтүстік» арнайы экономикалық аймағын кеңейту. Аймақты кеңейту бойынша қосымша 175 га жер учаскесі анықталды. Бұл аймақта құны 150 млрд. теңгеге 30-дан астам ірі жобаны жүзеге асырып, 3 мың жаңа жұмыс орнын құру жоспарлануда.

«Стандарт» жекеменшік индустриялық аймағы. Бұл аймақтың ерекшелігі -  инвестор өз қаражаты есебінен 176 мың шаршы метр дайын өндірістік алаңдарын салып, шағын және орта кәсіпкерлік субъектілеріне ұсынады. Кәсіпкерлерге қаржы институттары мен мемлекеттік бағдарламалар арқылы қолдау көрсетіледі. Бүгінгі таңда аумақтың құрылыс жұмыстары жүргізілуде.

"AQ-QARA.KZ"-ақпарат

Сарығаш аудандық полиция бөліміне жергілікті тұрғын арызданды. Ер адамның айтуынша, түнгі уақытта өз үйінің маңындағы жайылымдық жерден жылқысын белгісіз біреу ұрлап кеткен. Жәбірленушіге келген шығын көлемі 700 000 теңге. Аталған жайтты полиция қызметкерлері ҚР ҚК-нің 188-1-бабы бойынша тіркеуге алды.

Хабарламаны естіген бойда тәртіп сақшылары оқиға орнына келіп жетті. Олар ұрлық қылмысын ашу мақсатында қажетті шараларды жүзеге асырып, жақын аумақтарды түгел қарап шықты. Олардың жедел-іздестіру жұмыстарының нәтижесінде күдікті жергілікті тұрғын екені белгілі болды.

Анықталғандай күдікті ер адам түнде жылқыны ұрлап, оны Шымкент қаласына апарып сатқан. Ұрлаған жылқыны сатып, ақшасын қажеттілік үшін жаратып жіберген. Полицейлер сезіктінің бұдан өзге қылмыстарға қатысы бар-жоғын анықтауда. Қазіргі таңда күдікті қамауға алынып, оған қатысты тергеу амалдары жүргізілуде.

Өз кезегінде Түркістан облысының полицейлері тұрғындарға жайылымдық жерге малдарды бақташысыз жібермеуге кеңес береді. Сондай-ақ үш жақты келісімшарт жасау керектігін еске салады. Егер де, сіз, ұрлық қылмысына тап болсаңыз немесе куәсі болсаңыз, полицияға хабарласыңыз.

«AQ-QARA.KZ»- ақпарат

23 маусым - Қазақстан Республикасы ішкі істер органдарының құрылғанына 30 жыл! Бұл еліміз Тәуелсіздік алған жылдары халық арасында тыныштықты сақтап, аянбай еңбек еткен ардагерлерге құрмет көрсету күні. Сондай-ақ қазіргі таңда қоғамдық тәртіп пен қауіпсіздіктікті қамтамасыз етіп, күні-түні қызметте болатын тәртіп сақшыларының еңбегі еленіп марапатталатын күн. Қызмет бабында қаза тапқан батыр полицейлерді еске алып, гүл шоқтарын қоятын күн!

Осы айтулы мереке күні жылда дәстүрлі түрде Түркістан облысы Полиция департаменті қызметкерлерінің арасында кең көлемде спорттық жарыс ұйымдастырылады. «Қазақстан полициясына 30 жыл» қарсаңында да бұл жарыс жоғары деңгейде өткізілді. Салауатты өмір салтын ұстанып, жылдамдыққа, икемділікке бағыттайтын жарыс, Департамент аппараты және қала, аудан Полиция басқарламаларының арасында ұйымдастырылды. Іс-шараның ашылу салтанатына, ТО ПД бастығының бірінші орынбасары полиция полковнигі Абдуғани Сейдуалиев қатысып, қатысушыларды мерекелерімен құттықтап, спорттық сайыста сәттілік тіледі. Жалпы ТО ПД-нің ұйымдастыруымен өтіп жатқан спорттық жарыс 20-21 маусым күндері өтті. Оған Түркістан облысы Полиция департаментіне қарасты қала, аудан полиция басқарма, бөлімдерінен 20-дан астам команда қатысты. Спорттық жарыс: «Макаров танашасынан» оқ ату, волейбол, гір тасын көтеру, кермеде тартылу, қол күресі, шағын футбол, арқан тарту секілді спорт түрлерінен өткізілді. «Дені саудың –тәні сау» дегендей, полицейлерден құралған командалар жарыстың алғашқы күнінде-ақ бір-бірінен шеберліктері арқылы асып-түсіп, жеңіске жету үшін барын салып ойнады. Тартысты ойын өрнегін көрсеткен полицейлер арасында жүзден жүйрік, мыңнан тұлпарлар алға суырылып шықты. Нәтижесінде жеңімпаздар анықталып, Түркістан облысы ПД бастығы полиция генерал-майоры Мұрат Қабденовтің арнайы «Алғыс хатымен» марапатталып, бағалы сыйлықтар табысталды. Атап айтсақ, «Макаров тапаншасынан» оқ ату бойынша І-орынды полиция майоры Марат Тұңғатов, ІІ-орынды полиция подполковнигі Мұрат Ермеков, ІІІ-орынды полиция подполковнигі Берік Аманбаев иеленді. Ал волейбол жарысынан «Үдік шабуылшы» номинациясын полиция подполковнигі Самат Дәуленов, «Үздік үйлестіруші» атағын полиция капитаны Ерлан Наматуллаев, «Үздік ойыншыны» полиция аға лейтенанты Болат Ділдахан иеленді. «Гір тасын көтеру» бойынша І-орынды полиция капитаны Салық Ануаров, ІІ-орынды полиция капитаны Евгений Кульков, ІІІ-орынды Ақжігіт Турегелдиев жеңді. «Кермеде тартылу» жарысында І-орынды полиция капитаны Нұрболат Орынбай, ІІ-орынды полиция аға лейтенанты Бағдат Ақылбеков, ІІІ-орынды полиция майоры Саламат Нұрмағамбетов қанжығалады. «Қол күресінен» І-орынды Нұрқанат Утешов, ІІ-орынды Бақытжан Нұрходжаев, ІІІ-орынды Төребек Молдасу жеңіп алды. «Шағын футбол» ойынында командалық есеппен І-орынды Жылдам қимылдайтын арнайы жасақ қызметкерлерінің жүйрік командасы иеленді. ІІ-орынды оқу-жаттығу взводы, ІІІ-орын Патрульдік полиция батальонының тобына бұйырды. Ал «Үздік шабуылшы» номинациясын полиция аға лейтенанты Сағи Мәди жеңсе, «Үздік қорғаушы» номинациясы полиция майоры Азат Мұсырманқұловқа берілді. «Үздік қақпашы» полиция капитаны Бейбіт Ажибаев болса, «Ардагер ойыншы» полиция полковнигі Ерлан Шәмшат болды. Оған қоса «Арқан тарту» ойыны бойынша І-орынды патрульдік полиция, ІІ-орынды жылдам қимылдайтын арнайы жасақ, ІІІ-орынды оқу-жаттығу взводы алды. Осы тұста ел мен жердің қауіпсіздігін күзетіп, қоғамдық тәртіпті бақылап отыратын, жалпы түрлі қылмыстарды болдырмауға, алдын алуға қызмет ететін полицейлерді мерекелерімен құттықтаймыз!

«AQ-QARA.KZ»- ақпарат

Еңбекші ауданы Полиция басқармасына «102» арнасы арқылы жергілікті тұрғын арызданған. Айтуынша, 12 жасар жасөсіпірім бала үйінен шығып, қайта оралмай, телефон қоңырауларына жауап бермеген.

Өз бетінше іздеп, таппаған ата-анасы полицияға жүгінген. Хабарды алған бойда Еңбекші ауданы Полиция басқармасынан жедел тергеу тобы оқиға орнына жетіп, ата-анасынан мән-жайды сұрастырады. Содан жедел-іздестіру жұмыстары жүргізлді. Баламен жақын арада байланыста болған куәлерден жауап алынып, жүруі мүмкін жерлер қаралды. Саябақтар мен ойынханалар тексерілді. Нәтижелі жұмыстың арқасында жасөспірім бала дін аман табылып, ата-анасына табысталды.

Осы түста айта кетейк,  Шымкент полицейлері із-түссіз жоғалған қыздарды да анасына қайтарды.

Шымкент қаласының полиция бөліміне жергілікті тұрғын хабарласып, 8 жастағы екі қыздың жоғалып кеткені туралы арызданған. Анасының сөзінше: “ Балалары «Нұрсәт» ықшам ауданындағы би үйірмесіне автобуспен барған. Содан кейін олар байланысын тоқтатыпты. Ал, тәрбиешілерге телефон соққанда ол қыздардың сабаққа келмегенін біліп, дереу полицияға жүгінген. Жоғалған бүлдіршіндерді іздеуге шұғыл түрде Қаратау аудандық ішкі істер бөлімінің учаскелік инспекторлары мен ювеналды полиция қызметкерлері жіберілді. Жедел іздестіру шаралары барысында тәртіп сақшылары жақын маңдағы аумақтарды түгелімен тінтіп, түрлі куәгерлерден жауап алды.

Нәтижесінде, Шымкент қалалық полиция басқармасының Жедел басқару орталығының бейнебақылау камералары арқылы полицейлер жасөспірімдердің дұрыс емес аялдамадан түскендерін анықтады. Анықталғандай, олар жолда ұйықтап қалып, аялдамаларын өткізіп алған. Тәртіп сақшылары қыздарды аман-есен тауып, ата-анасына табыстады.

Мегаполис тәртіп сақшылары ата-аналарды балаларына жауапкершілік танытып, олардың қатысуымен болатын жазатайым оқиғаларды болдырмау үшін бақылауды күшейтуге шақырады. Әр ата-ана өз баласына деген жауапкершілікті жіті түсінгені жөн. Егерде сіздің балаңыз немесе жақыныңыз із-түссіз жоғалып жатса, онда уақыт өткізбей тез арада полицияның 102 нөміріне қоңырау шалыңыз.

"AQ-QARA.KZ"-ақпарат