Түркістан көпсалалы-техникалық колледжінде "Ауыл шаруашылық өндірісіндегі тракторшы машинист" мамандығының 85 - топ студенттері аралық, және "Аспаз" мамандығы 79 - топ студенттері мемлекеттік демонстрациялық емтихандарын тапсыруда.

Емтихандардың өту барысын колледжімізде Төлеби аудандық "Жастар ресурстық орталығы" КММ-нің қызметкерлері Абылайхан Тілеубердиев пен Тұрта Дәурен бақылап, оқытушылар мен мемлекеттік емтихандар мен сессия тапсырушы студенттер арасында сыбайлас жемқорлық фактілеріне жол бермеу жөнінде түсіндірме жұмыстарын жүргізіп, сыбайлас жемқорлыққа мүлдем төзбеушілік мәдениет қалыптастыру, сондай-ақ адалдық, парасаттылық сынды асыл қасиеттерді қастерлеуге шақырды.Қазақстан Республикасының Қылмыстық кодексінде парамен байланысты қылмыстардың екі түрі қарастырылған:

пара алу (311-бап); пара беру (312-бап).

Бұл қылмыс бір монетаның екі жағы: егер пара туралы айтатын болсақ, онда ол пара (пара алушы) және оны беретін (пара беруші) бар екенін білдіреді.

Пара алу, әсіресе, егер оны адамдар тобы жасаған болса немесе қорқытып алумен бірге жүрсе, ең қауіпті заңсыздықтың бірі болып табылады.

Пара алу - ең қауіпті қызметтік қылмыстардың бірі, әсіресе егер оны адамдар тобы жасаса немесе бопсалауға байланысты болса, ол шенеуніктің заңды немесе заңсыз әрекеттері (әрекетсіздігі) үшін артықшылықтар мен артықшылықтарды алудан тұрады.

Пара деп түсініледі:Элементтер - ақша, валюта, банктік чектер және бағалы қағаздар, қымбат металдар мен тастардан жасалған бұйымдар, автомобильдер, тамақ, бейне техникасы, тұрмыстық техника және басқа да тауарлар, пәтерлер, коттедждер, саяжайлар, гараждар, жер және басқа да жылжымайтын мүлік.

Қызметтер мен артықшылықтар - емдеу, жөндеу және құрылыс жұмыстары, санаторийлер мен туристік сапарлар, шетелге сапарлар, ойын-сауық төлемдері және басқа шығындар ақысыз немесе арзан бағамен.

Пара алудың жабық нысаны - жоқ қарызды төлеу, төмен бағамен сатып алынған тауарды төлеу, тауарды инфляцияланған бағамен сатып алу, пара берушіге, оның туыстарына, достарына төленетін жалақымен жалған еңбек келісім-шарттарын жасау, жеңілдетілген несие алу және төлемдерді көтеру түрінде банктік қарыз. дәрістер, мақалалар мен кітаптар, казинодағы «кездейсоқ» ұтыстар, жалдау ақысының төмендеуі, несиелер бойынша пайыздық ставкалардың жоғарылауы және т.б.

Пара алғаны үшін кім жауапқа тартылуы мүмкін?

Мемлекеттік функцияларды орындауға уәкілеттік берілген лауазымды тұлға және оған теңестірілген тұлға пара алушы деп танылуы мүмкін.

Жауапты мемлекеттік лауазымға ие тұлғалар - мемлекет функциялары мен мемлекеттік органдардың өкілеттіктерін тікелей орындау үшін Қазақстан Республикасының Конституциясында, Қазақстан Республикасының конституциялық және өзге де заңдарында белгіленген лауазымдарды атқаратын адамдар.

Студенттер емтиханды өз білімімен , ешқандай бұрмалаушылыққа жол бермей адал тапсыру керектігін атап өтті.

Қоғам тыныштығы мен тұрғындардың қауіпсіздігін сақтауда қазақ Полициясының орны бөлек, абыройы асқақ! Ал 2022 жылдың 23 маусымы - «Қазақстан Полициясының 30 жылдығы» аталып өтер айтулы күн! 30 жылдан бері полиция - елмен тығыз араласып, жұртшылықтың бейбіт күнде, мамыражай елде, ынтымағы жарасқан өлкеде өмір сүруі үшін аянбай тер төгіп келеді. Оған дәлел Түркістан облысының өзінде қаншама қызметкерлер халықтың ыстық ықыласына бөленіп, алғыс арқалауда. Ел үшін отқа түсіп, суға батып, жанқиярлық танытуда. Осындай өз қызметін мінсіз атқаратын тәртіп сақшыларын «Бейбіт күннің батырлары» деп атасақ артық айтқандық емес?!

30 жылда ҚР Ішкі істер министрлігі жеткен жетістіктер өте көп. Соның ең ерекшесі, баға жетпес байлығы - жас ұрпақтың бірге өсіп-өніп, осы саланың білікті маманы болғаны. Сөзімізге дәдел, полицияның алғаш құрылған жылы, яғни ел Тәуелсіздігін алып, тәй-тәй басқанда дүниеге келіп, бүгінде орда бұзар 30 жасқа жетіп, өз еліне қызмет етіп жүрген полиция қызметкері – Жамбыл Жандаров.

Біздің бүгінгі кейіпкеріміз полициясының төл құрдасы, қазақ полициясымен бірге қарыштап дамып, өркендеген жас маман. Полиция капитаны Жамбыл Жандаров, қазіргі таңда Түркістан облысы ПД Криминалдық полиция басқармасының аға жедел уәкілі болып қызмет етеді. Ол 1992 жылы Қазығұрт Ауданы Қызылқия ауылында дүниеге келген. Полицей болуды бала кезден армандаған. Себебі әкесінің екі бірдей ағасы осы салада қызмет етіп, құрметті зейнеткерлік демалысқа шыққан. Өзінің ағаларын қызметтік формада көріп, олардың қылмыскерлерді ұстайтындығын естіп өскен Жамбыл, есін білген сәттен полицей боламын деп мақсат қойған. Содан бала арманын іске асыру мақсатында 11 сыныпты бітіріп, 2010 жылы Қарағанды қаласындағы Б.Бейсенов атындағы Академияға оқуға түскен. Аталған оқу орнын 2014 жылы қызыл дипломмен тәмамдап, Академияның үздік түлегі ретінде лейтенант шенін сол кездегі Ішкі істер министрі генерал-лейтенанты Қ.Қасымовтың арнайы қолынан алған.

Ішкі істер саласындағы алғашқы қызметін 2014 жылы Шымкент қаласында Еңбекші полиция бөлімінде жедел уәкіл болып бастап, қызметін абыройлы атқарған. Түркістан облысы құрылған сәтте Түркістан облысы Полиция департаменті КПБ-ның жедел уәкілі лауазымына ауысқан. Қазіргі таңда аға жедел уәкіл.

«Мен – Қазақстан Полициясының құрдасымын! Құқық қорғау органдарының ішінде ең ауқымдысы – полиция қызметі. Полицейдің ең бастысы міндеті қылмысты болдырмау, профилактикалық жұмыстарды жүргізу, қылмыс орын алған сәтте дер кезінде анықтап, кінәлілерді құрықтау. Қауіп-қатермен байланысты бұл қызмет тәртіп сақшысынан батылдықты, сабырлықты, төзімділікті, асқан жауапкершілікті талап етеді. Әрбір істі соңына дейін жеткізу үшін полиция қызметкері оқиға орнына жедел жетіп, ширақ қимылдап, қателікке мүлде жол бермеуі керек. Менің ұстаным осы. Осы орайда кәсіби шеберлігі мол қызметтестеріммен бірге ұрлық қылмысының алдын алуда, қылмыскерлерді құрықтауда атқарылған біршама жұмыстарға тоқталып өтсем: Мәселен жақын арада 70 жайт пәтер ұрлығын жасаған ерлі-зайыптылар мен олардың туыстарынан құрылған қылмыстық топты ұстадық. Олар жәбірленушілердің ақшалары мен алтындарын жымқырып, ломбардтарға өткізіп отырған.

Сондай-ақ Түркістан өңірі мал шаруашылығымен айналысуға қолайлы аумақ болғандықтан, мал ұрлығы қылмысы орын алып жатады. Осындай кезекті жедел-іздестіру жұмыстарының нәтижесінде Түркістан облысының бірнеше аудандарында мал ұрлығымен айналысқан қылмыстық топ ұсталды. Олар 14 тұрғынның малын үптеп кеткен. Айта берсек, атқарған жұмыс жетерлік.

Сонымен қатар әрбір тәртіп сақшысы шыныққан, спортқа бейім болуы тиіс. Мен өзім футбол ойынына қатты қызығамын. Бос уақыт бола қалса, әріптестермен жасыл алаңда доп теуіп, бір серпіліп қаламыз. Тіпті ТО ПД қызметкерлері арасында өткен жарыстарда жүлделі орындарға да ие болғанбыз. Жалпы, мен өз қызметімді мақтан тұтамын және Қазақстан халқына қызмет етемін», – деп атап өтті 30 жастағы полиция капитаны Ж.Жандарбеков.

Қызмет атқару барысында полиция капитаны Ж.Жандарбеков ҚР ІІМ-нің, Түркістан облысы Полиция департаментінің және басқарманың Грамота, Алғыс хаттарымен марапатталған. 2019 жылы отау құрып, бүгінде жұбайы екеуі бір қыз тәрбиелеп отырған үлгілі жанұя. Ендеше полицей Жамбылға, жыр алыбы Жамбыл атамыздай жүз жаса деген тілек білдіреміз!

Cыбайлас жемқорлыққа қарсы мәдениетті қалыптастырудың тиімді құралдарының бірі - шенеуніктерді бас бостандығынан айыру орындарына апарып, парақорлық қылмысымен құрықталған азаматтардың тар қапастағы тіршілігімен таныстыру болып табылады.

 Осы мақсатта, Түркістан облысы бойынша Сыбайлас жемқорлыққа қарсы қызмет департаментінің бастамасымен және облыстық Полиция департаментінің бірлесіп ұйымдастыруымен мемлекеттік қызметшілер мен квазимемлекеттік сектор субъектілері жұмыскерлерін уақытша ұстау изоляторының ахуалымен таныстыру жұмыстары басталды.

Темір тордың арғы жағындағы қатаң тәртіппен таныстыру жұмыстары, ең алдымен сыртқы талдау жұмыстарының нәтижесінің негізінде Созақ ауданындағы ауылшаруашылық және ветеринариялық саласының жауапты мамандары арасында өтті.

Уақытша ұстау изоляторын таныстыру барысында Созақ аудандық полиция бөліміне қарасты қамаудағыларды ұстау шарттарымен, төсек орынмен, медициналық бөлме, жуынатын бөлме, аула сынды орындармен жіті таныстырып шықты.

Жемқорлық көріністеріне жол бермеуді мақсат еткен ұйымдастырушылар лауазымды тұлғаларды тура жолдан таймауға шақырып, қызмет бабын асыра пайдаланудың соңы ауыр жазаға әкеліп соғатынын ескертті.

Мұздай қара құлып пен тікенді темір тордың арғы жағындағы өмірді өз көздерімен көрген лауазым иелері тар қапаста отырғандардың өкінішін жүрекпен сезіп, олардың қатесін қайталамауға ниетті екендіктерін жеткізді. 

Айта кетсек, Агенттіктің бастамасымен 2020 жылы Түркістан өңірінде қолға алынған бұл тәжірибе елімізде орын алған пандемия жағдайына байланысты уақытша тоқтатылып, ағымдағы жылдың мамыр айынан бастап ел аумағында қайта қолданысқа енгізіліп отыр.

«AQ-QARA.KZ»- ақпарат

Қазақ елі өткен жылы сән-салтанатымен Тәуелсіздіктің 30 жылдығын атап өтсе, биылғы жылы Қазақстан Полициясының 30 жылдығы мерекесі келіп жетті. Осынау айтулы күнде Түркістан облысы Полиция департаменті «Полиция күнін» жоғары деңгейде ұйымдастырып, мейрам жасады. Іс-шара Түркістан қаласындағы көркі көз сүйсіндірер, заманауи үлгіде салынған конгресс холл ғимаратында өтті. Жиынға Түркістан облысы ПД бастығы полиция генерал-майоры Мұрат Қабденов, отставкадағы полиция генерал-майоры Асқар Оспанов, Шымкент қалалық ПД бастығы полиция генерал-майоры Қайрат Дәлбеков, ішкі істер органының ардагерлері, облыс әкімдігінің басшылығы мен жеке құрам қатысты.

Жиналған құрметті қонақтарға бірінші кезекте Түркістан облысы Полиция департаментінің өмірі бейнеленген фотосурет пен полицейлердің қызметі мен ерлігі жазылып, жарыққа шыққан газет-журналдардың көрмесі ұсынылды.

Сахна шымылдығы мерекелік бейнероликпен бастау алып, ҚР Мемлекеттік туы құрметпен кіргізілді. Әнұран шырқалып, жиынға қатысушылар ПД-де қызмет етіп, жұмыс барысында қаза тапқан полиция қызметкерлерінің рухына бас иіп, тағзым етті.

Ал алғашқы құттықтау сөзді Түркістан облысы әкімінің міндетін атқарушы Арман Жетпісбай алды. Сондай-ақ Түркістан облыстық мәслихатының хатшысы Қайрат Балабиев те өзінің құттықтауын арнап, полицейлерді марапаттады. Одан әрі құттықтау сөзін ТО ПД бастығы полиция генерал-майоры Мұрат Қабденов алып, халықтың тыныштығы үшін қызмет етіп, күндіз-түні еңбек етсе де шаршамайтын ПД-нің полицейлеріне ыстық лебізін білдірді.

«Құрметті ішкі істер органдарының ардагерлері! Сіздерді мерекемен құттықтай отырып, арамызда ақыл кеңестеріңізді аямай, қоғамның дамуына және жас мамандардың жұмысына үлес қосып келе жатқандарыңыз үшін алғыс білдіремін. Арамызда аман есен жүріңіздер, күш қуаттарыңыз сарқылмасын! Еліміздің қорғандары! Еңбектеріңіз ел алдында елене берсін! Қызметте сәттілік пен абырой тілеймін. Халқымыздың амандығын сақтау мен Отанымыздың өркендеуіне қосып жатқан үлестеріңіз әрқашан жемісті де табысты болғай! Халық пен Президентіміз Қасым-Жомарт Тоқаевтың сенімінен шығу үшін, бар күш жігерімізді салайық. Осы тұста, жыл бойы жақсы нәтижелерімен көзге түскен бірқатар полицейлерімізге құрмет көрсетпек ниеттеміз. Марапаттарыңыз құтты болсын!», - деп ақжарма тілегін жаудырды.

ҚР ІІМ-нен арнайы келген 37 түрлі санаттағы марапаттар өз иелеріне салтанатты түрде табыс етілді. Түркістан облысы ПД басшылығы тарапынан жазылған грамота, алғыс хат, 30 жылдық төсбелгілер өз иелеріне үлестірілді. Департамент бастығының бұйрығымен жеке құрам қызметкерлеріне 40 грамота, 56 алғыс хат, 20 алғыс жарияланды. Осылайша өңірдің өркендеуі мен дамуы үшін аянбай еңбек етіп, өздерінің қызметтік міндеттерін адал атқарып, жоғары көрсеткіштерге қол жеткізген ең үздік қызметкерлерге қошемет көрсетілді. Айтулы іс-шара соңында еңбегі еленіп, марапатқа ие болған тәртіп сақшылары өздерінің шынайы алғыстарын жеткізіп, бұл марапаттар - алдағы жұмыстарына жаңа серпін беретінін айтып өтті.

Сонымен қатар мерекелік құттықтау сөзін ҚР ІІО Құрметті ардагері Асқар Оспанов, полиция генерал-майоры Қайрат Дәлбеков, отставкадағы полиция полковнигі Жеткерген Сүйіпбергенов, отставкадағы полиция полковнигі Әлімхан Абжанов, облыстық ардагерлер кеңесінің төрағасы Жеңісбек Мәуленқұлов, ақсақалдар алқасының төрағасы Жарылқасын Әзіретбергенов жалғап, ыстық ықыластарын білдірді.

Сахна төріне Жұбаныш Жексенұлы, Еркін Нұржанов, Заттыбек Көпбосынұлы сынды эстрада жұлдыздары мен облыстың өнер майталмандары шығып, ән шырқап, жиналғандарға мың бұралған бишілер биін тарту етті. Арнайы генералдар үшін «Генералдар» әні шырқалып, бейнефильм көрсетілді. Іс-шара соңында қонақтар естелікке суретке түсіп, ерекше көңіл-күйде тарқасты.

«AQ-QARA.KZ»- ақпарат

23 маусымындаӘділетдепартаментініңұйымдастыруымен, ҚРБПҚСжАЕАЖК-ніңТүркістаноблысыбойыншабасқармасы, ТүркістаноблысыныңПолициядепартаментініңТергеубасқармасы, ТүркістаноблысыныңАдвокаттаралқасыжәнемемлекеткепілдікбергензаңкөмегінкөрсетутуралыкелісілгенадвокаттардыңқатысуыменсеминар-кеңесөтті.

Семинарбарысында «Е-заңкөмегі» ақпараттықжүйесіарқылыэлектрондықформаттаадвокаттықорғаушыретіндетағайындаужәнетергеужәнеанықтауорганытарапынанжолданғансұраусалуынаадвокатдеркезіндеқабылдауысондай-ақ, керіқайтарылғанқаулылардыңқайтаұсынылуыжәнежүйедекезекшіадвокаттардыңпысықтаумәселелерталқыланды.

Осығанбайланысты, мемлекеткепілдікбергензаңкөмегінесептеужәнетөлеупроцестерінавтоматтандырубарысындатуындапотырғанөзектімәселелердібірлесеотырыпшешуқажеттілігіатапөтілді.

«AQ-QARA.KZ»- ақпарат

Түркістан облысының Әділет департаментінің басшысы Мұхит Тұрғараев «Қазақстан Полициясына 30 жыл» мерекелік медалімен марапатталды. Марапатты Түркістан облысының Полиция Департаментінің бастығы полиция генерал-майоры Мұрат Қабденов табыстады.

«Полиция күні» мерекесіне орай жоғары деңгейде ұйымдастырылған салтанатты жиын заманауи үлгіде салынған конгресс-холл ғимаратында өтті. Жиынға Түркістан облысы ПД бастығы полиция генерал-майоры Мұрат Қабденов, отставкадағы полиция генерал-майоры Асқар Оспанов, Шымкент қалалық ПД бастығы полиция генерал-майоры Қайрат Дәлбеков, ішкі істер органының ардагерлері, облыс әкімдігінің басшылығы мен жеке құрам қатысты.

Қатысушылар мерейлі мерекемен құттықтап, жылы лебіздерін білдірді. ҚР ІІМ-нен арнайы келген түрлі санаттағы марапаттар өз иелеріне салтанатты түрде табыс етілді. Түркістан облысы ПД басшылығы тарапынан жазылған грамота, алғыс хаттар мен жылдық төсбелгілер үлестірілді.

Жиналған құрметті қонақтарға бірінші кезекте Түркістан облысы Полиция департаментінің өмірі бейнеленген фотосурет пен полицейлердің қызметі мен ерлігі жазылып, жарыққа шыққан газет-журналдардың көрмесі ұсынылды. Жиын соңы мерекелік шараға ұласып, жиналған қауымға ерекше көңіл- күй сыйлады.

«AQ-QARA.KZ»- ақпарат

Полиция қызметкерлері –қылмыс, құқықбұзушылыққа қарсы тұрып, барлық қиын-қыстау кезеңде халықтың жанынан табылатын маман иелері. Осы тұста «Қазақстан полициясының 30 жылдығын» мерекелеу мақсатында Қазығұрт ауданының әкімі Арман Абдуллаев полиция бөлімінің қызметкерлерін, ішкі істер органдарында ұзақ жылдар қызмет еткен ардагерлерді, белсенді қызмет атқарып жүрген тәртіп сақшыларын арнайы шара ұйымдастырып, алғыс хаттармен марапаттады.

Атап айтар болсақ, аудан әкімінің «Алғыс хатымен» полиция майоры Өміржан Жамалов, полиция лейтенанты Бақберген Шайз, полиция бөлімінің кеңсе меңгерушісі Сәуле Алтаева марапатталды. Сонымен қатар аудандық мәслихаттың «Алғыс хатымен» полиция майоры Алмас Жырауов, полиция капитаны Бекмұрат Ахатаев, полиция аға лейтенанты Нуриддин Байгулбаев, полиция аға лейтенанты Әділет Көшер және полиция аға лейтенанты Берік Аширов марапатталды.

Оған қоса, «Аманат» партиясы Қазығұрт аудандық филиалының «Алғыс хатымен» полиция майоры Пернебай Сәлібеков, полиция майоры Ерік Алимбаев, полиция капитаны Перизат Иманова, полиция капитаны Нұрсұлтан Байғұлбаев, полиция аға лейтенанты Әміржан Орақбай, полиция аға лейтенанты Бақберген Әбдіғафар, полиция аға сержанты Бекжан Кенжалиев марапатталды.

Бұл марапаттар полицейлердің еңбегінің жемісі. Қылмыскерлермен күресу жолында қызмет жасап, ел мен жер үшін аянбай тер төккен барша полиция қызметкерлерін кәсіби мерекемен құттықтаймыз!

Өйткені айтулы дата, мерейлі жас, яғни Қазақстан полициясының құрылғанына 30 жыл! Осынау мейрам қарсаңында Отырар АПБ полицейлері Мәдениет үйінде кең көлемді шара ұйымдастырды. Мерекелік жиынға ішкі істер саласының ардагерлері, Отырар ауданының әкімі Сәкен Сұлтанханов, маслихат хатшысы Мырзахан Манапов, "Аманат" партиясынан А. Құрман мен жеке құрам қатысты. Келген құрметті қонақтар құттықтау сөздерін арнап, қызметте жоғары көрсеткіштерге қол жеткізген тәртіп сақшыларын марапаттады.

Өз кезегінде Отырар аудандық полиция бөлімінің бастығы полиция подполковнигі Ермек Өсербаев баяндама жасап, ауданда полицейлермен атқарылған жұмыстарды тілге тиек етті. Сондай-ақ алдағы уақытта да қоғамдық тәртіп пен тұрғындар тыныштығын қамтамасыз етуде шаршамай, бір жұдырықтай жұмыла қызмет ететіндіктерін жеткізді. Оған қоса марапаттау рәсімін өткізді. Шара соңында концерттік бағдарлама қойылып, көрерменге көтеріңкі көңіл-күй сыйланды.

                                                                                                                                                                                                           «AQ-QARA.KZ»- ақпарат

Шымкент қаласының әкімі Мұрат Әйтенов - «Сәуле» шағынауданы 276 орамды аралап, инфрақұрылыммен қамту жұмыстарын бақылады. Қазір 276 орамда инженерлік жүйелермен қамту бойынша жоспарлы жұмыстар жүргізілуде. Елді мекен ауыз сумен толық қамтылған. Сапалы электр жарығын жеткізу үшін құрылыс жұмысы 2021 жылы басталған болатын. Ұзындығы 76,2 шақырымдық ішкі орамдық желі тартылады. Бүгінде жұмыстың 95 пайызы орындалған. Шілде айында қолданысқа беріледі деп күтілуде.  Нәтижесінде, 1300-ден астам абоненттің мемлекеттік жарықты қолдануына мүмкіндік тумақ.

Ал табиғи газбен қамту үшін ішкі орамдық құбыр жүйесін тарту жұмысы осы жылдың шілде айында басталады. Газ жүйелерінің ұзындығы – 28 шақырым. Жыл соңына дейін аяқталады деген жоспар бар.

Келесі кезекте шаһар басшысы -  Асар-2 шағынауданына атбасын бұрды. Және Асар-2 шағынауданының инфрақұрылым тартылмай қалған бөлігінде жүргізіліп жатқан жұмыстармен танысты.

Асар-2 елдімекенін сапалы ауыз су, электр қуаты және табиғи газбен қамту құрылысы 2021 жылы аяқталып, 2700- ден астам абоненттің мәселесі шешімін тапты. Алайда,  шағынауданда инфрақұрылым жобаларына  енбеген мыңға жуық тұрғын үй бар болып шықты. Осы орайда, қала әкімі  жыл соңына дейін қалған аумақтарды ауыз сумен қамту құрылысының ІІ кезеңін аяқтауды тапсырған болатын. Қазіргі уақытта ішкі орам жүйелеріне құбыр тарту жұмысы атқарылып жатыр.

Шағынауданның қалған бөлігін мемлекеттік жүйедегі электр қуаты және табиғи газбен қамту құрылысы биыл атқарылады. Пайдалануға беру мерзімі 2023 жылға жоспарланып отыр.

Сонымен қатар, Асар-2 ықшам ауданында кәріз құрылысы да қарқын алған.  Ішкі орамдық кәріз құбырының жалпы ұзындығы 39,6 шақырымды құраса, бүгінде оның 40 пайыздан астамы орнатылды. Нысан келер жылы қолданысқа беріледі.

"AQ-QARA.KZ"-ақпарат

Үшінші мегаполисте «Жасыл ел» еңбек жасағының жаңа маусымының ашылу салтанаты өтті. Абай саябағында өткен іс-шараға қалалық ішкі саясат және жастар істері жөніндегі басқарма басшылары, Жастар ресурстық орталығының өкілдері мен жастар қатысты.

– «Жасыл ел» бағдарламасы құрылған алғашқы жылдары-ақ оң нәтиже беріп келеді. Осы бағдарлама аясында «Студенттік құрылыс жасақтары», «Жасыл ел» секілді еңбек жасақтары құрылған. Мұндағы мақсат – жастардың жазғы каникулда бос жатпай, еңбек етіп, жалақы табу ғана емес, өскелең ұрпақтың патриоттық тәрбие алуы да маңызды. Себебі, сіздер туған қаламыз – Шымкенттің тазалығына, дамуына үлес қосасыздар. Баршаңызға сәттілік тілеймін! – деді қалалық ішкі саясат және жастар істері жөніндегі басқарма басшысының міндетін уақытша атқарушы Мөлдір Кеуенова.
Жиын бұдан кейін концертке ұласып, жергілікті өнерпаздар көпшілікке арнап ән салды. Жауапты мамандардың айтуынша, биыл 1313 жасты бағдарлама аясында жұмыспен қамту жоспарланып отыр.

 Айта кетейік, биыл «Жасыл ел» бағдарламасының жүзеге асып жатқанына 27 жыл толып отыр. Осы жылдар аралығында бұл бағдарлама жастарға жігер берген өміршең бағдарламаға айналды.

Еліміздің әр аймағынан республикалық штабтың бөлімшелері ашылып, олар күні бүгінге дейін жұмысын жалғастырып келеді. «Жасыл ел» еңбек жасақтары қала­дағы тұрғын үй-коммуналдық шаруашылығы бөлімімен бірлесіп сенбіліктер өткізеді.  Құрылыс нысандарында еңбек етеді. МҮмкіндігі шектеулі жандарға қол ұшын береді. Ұйымдастырушылар  бұл жоба  жас ұрпақты еңбекті бағалауға үйретеді дейді.

– Әрқайсымыз қоршаған орта, туған жеріміз үшін жауап­кер­шілігі­мізді сезінуіміз қажет, бұл – біздің үйіміз, дейді «жасылелдіктер». Ұйымдастырушылар, бұл жобаға жастардың қызығушылығы артып отырғанын айтады. Оған осында келуге ниет білдіргендердің саныннын артып отырғаны дәліл ола алады екен.

"AQ-QARA.KZ"-ақпарат