Биыл Қазақстан Республикасының азаматтық қорғау жүйесінің құрылғанына 29 жыл толып отыр. Азаматтық қорғау органдарының қызметкерлері өздерінің кәсіби мерекесін 19 қазанда атап өтеді. 1995 жылдан бастап бұл күн Құтқарушылар күні болып белгіленді, ал осы уақыт ішінде шымкенттік құтқарушылар көптеген адамдарға қиын сәттерде көмек көрсетіп, өз жұмыстарын абыроймен және құрметпен атқарып келеді. 

 «Достық» үйінде Шымкент қаласының кәрістер қауымдастығына 35 жыл толуына орай мерекелік шара өтті. Іс-шара Шымкент қаласындағы корейлер туралы мұрағаттық құжаттар мен фотосуреттер көрмесінен басталып, «Шымкент және Түркістан өлкесінің корейлері бұрынғы және қазіргі уақытта» кітабының тұсаукесері және кәріс  шығармашылық ұжымының концертімен жалғасын тапты.

Шымкент қаласы, Тұран ауданы, Жаңаталап тұрғын алабында Бадам өзені үстінен өтетін көпірдің құрылысы 1974 жылы аяқталып, қолданысқа берілген еді. Арада қанша жыл өтіп көпір жаңа кейіпке енді. Жап-жаңа көпірдің ашылу салтанатына қала әкімі Ғ.Сыздықбеков қатысты.

Кездесулерде Спорт, Ақтас, Жаңаталап, Айкөл, Агроферма Қарасу шағын аудандары мен Добролюбов көшесі тұрғындарының өзекті мәселелері талқыланды. Қаңғыбас иттерді аулау, су бұру жүйелері, жер қатынастары, аула аумақтарын абаттандыру және көгалдандыру мәселелері көтерілді. 

Шымкентте Орталық Азияда алғаш рет әлемдік блокчейн индустриясының ең ірі хакатондарының бірі – Decentrathon 2 өтуде. Astana Hub халықаралық технопаркі және аймақтық Shymkent Hub және Blockchain Center зерттеу зертханасы ұйымдастырған іс-шараны Шымкент қаласының цифрландыру басқармасы қолдап отыр. Орталық Азияда екінші рет өтіп жатқан хакатон Қазақстанның 17 өңірінде бір уақытта өтуде.

Шымкент қаласы Сайрам тұрғын алабында №6 өрт сөндіру бөлімінің жаңа ғимаратының ашылу рәсімі өтті. Іс-шараға ҚР Төтенше жағдайлар вице-министрі Ерлан Нұрпейісов, қала әкімінің орынбасары Айдын Кәрімов, азаматтық қорғау органдарының ардагерлері және басқа да құрметті қонақтар қатысты.

Шымкент қаласы ТЖД Жедел-құтқару жасағының радиациялық химиялық бөлімшесінің бас құтқарушысы Үсен Аятханұлы Рахматуллаев. Ол азаматтық қорғау органында 2014 жылдан бері қызмет атқарады. Жалпы еңбек өтілі 10 жыл.

Шымкент қаласындағы мамандандырылған жасақ аға байланыс шебері азаматтық қорғау аға сержанты - Әділет Жандарбекұлы Жорабай. Ол азаматтық қорғау органында 2020 жылдан бері қызмет атқарады. Жалпы еңбек өтілі - 5 жыл. Белсенді жас маман. 

Қарқынды дамып жатқан әлемдік креативті экономика жағдайында Шымкент қаласының туризм, сыртқы байланыстар және креативті индустрия басқармасы Креативті индустрия ассоциациясымен бірге жергілікті кәсіпкерлерді қолдауға бағытталған бірқатар жәрмеңкелерді сәтті түрде өткізді.

Кеше Шымкент қаласында басталған ҚР Мәдениет және ақпарат министрлігі Этносаралық қатынастарды дамыту комитетінің «Қоғамдық келісім» республикалық мемлекеттік мекемесі «Елдесу және татуласу» жобасы аясында медиация институтын дамытуға арналған семинар-тренингі бүгін М.Әуезов атындағы Оңтүстік Қазақстан университетінде жалғасын тапты.