Түркістан облысының әкімі Жансейіт Түймебаев «18 қазан – Рухани келісім күні» мерекесіне орай, өңірдегі діни конфессия басшыларымен кездесіп, жиналғандарды атаулы мейраммен құттықтады. Өңір басшысы елімізде дінаралық татулықтың күн санап салтанат құрып келе жатқанын айтып, оның нақты дәлелі ретінде таяуда Астанада «Діни көшбасшылар қауіпсіз әлемде» тақырыбында алтыншы рет өткен әлемдік және дәстүрлі діндер лидерлері съезіндегі Мемлекет басшысы Н.Назарбаевтың сөзін мысал етті. 

Түркістан облысында Сайрам ауданының 90 жылдығына орай мерекелік кеш ұйымдастырылды. Салтанатты шара Ақсукент елдімекеніндегі Мәдениет үйінде бастау алды. Жиынға арнайы қатысқан аймақ басшысы Жансейіт Түймебаев тұрғындар мен қонақтарды аталған мерекемен құттықтап, ауданның өсіп-өркендеуіне сүбелі үлес қосқан бірқатар азаматтарды марапаттады.

Түркістан облыстық Мемлекеттік сәулет-құрылыс бақылауы басқармасы тарапынан ағымдағы жылдың 9 айында 2420 нысанның құрылысы тексерілді. Оның ішінде жеке қаражат есебінен – 2057 нысан, бюджет қаражаты есебінен 363 нысан бар. Бұл туралы Түркістан облысы Өңірлік коммуникациялар қызметінде өткен брифингте Мемлекеттік сәулет-құрылыс бақылауы басқарма басшысының орынбасары Мерлан Керімжанов мәлім етті. 

Денсаулық сақтау министрі Елжан Біртанов Түркістан облысына арнайы іссапармен келді. Ол облыс әкімі Жансейіт Түймебаевпен бірге Түркістан қаласындағы бірқатар емдеу мекемелерін аралап, тыныс-тіршілігімен танысты. 

Ақтау қаласында армрестлингтен Қазақстан Республикасы Президенті Нұрсұлтан Әбішұлы Назарбаевтың жүлдесі үшін VIxалық спорты ойындары өтті. 

«Нұр Отан» партиясының Шардара аудандық филиалының төрағасы, аудан әкімі Болатбек Қыстауов бір топ тұрғындарды қабылдап, өтініштеріне құлақ түрді. 

Түркістан облысының Шардара ауданында мал бордақылау алаңдарының қатары 160-тан асты. Биыл аудан шаруалары 6200 тонна ет өндіруді жоспарлап отыр. 

Шардаралық спортшылар аудан орталығынан «Чемпиондар аллеясын» ашып, ортасына қол күресшілердің ескерткішін орнатты. Себебі ауданда армспорт түрі жақсы дамыған. 

Алматы облыстық Қазақстан халқы Ассамблеясының 40-қа жуық мүшелері «Ынтымақ шеруі» жобасы аясында Түркістан облысына және Шымкент қаласына келді. Құрамында ассамблея жанындағы құрылымдардың жетекшілері, ғалымдар, этномәдени бірлестіктердің төрағалары мен мүшелері және журналистер енген жетісулық делегацияны кеше Түркістандықтар ерекше ықыласпен қарсы алып, Отырар ауданындағы және Түркістан қаласындағы тарихи-мәдени орындарымен таныстырды.

16 қазан күні Келес ауданы әкімдігінің мәжіліс залында «Әлеуметтік медициналық сақтандыру қоры» коммерциялық емес акционерлік қоғамының Шымкент қаласы және Түркістан облысы бойынша филиалы және Түркістан облысының денсаулық сақтау басқармасы сондай-ақ Келес ауданы әкімдігінің ұйымдастыруымен Қазақстан Республикасы Президенті – Елбасы Н.Ә.Назарбаевтың бес институтционалдық реформаны жүзеге асыру жөнінде «100 нақты қадам» ұлт жоспарының 80 қадамын, ҚР Президентінің 10.01.2018 жылғы Қазақстан халқына жолдауының 7 бағытында көрсетілген міндетті әлеуметтік медициналық сақтандыру жайлы өзекті мәселелер, «Міндетті әлеуметтік медициналық сақтандыру туралы» Қазақстан Республикасының Заңының талаптарына түсіндірме жұмыстарын жүргізу жайлы жиын өтті.