Сайрам ауданы әкімдігінде аудан әкімі Ұласбек Сәдібекұлының бастамасымен қазіргі уақытта ең күрделі мәселелердің бірі кәмелетке толмағандар арасындағы жалпы халық арасындағы аутодеструктивті мінез-құлық (суицид) бойынша жиын өтті. 2022жылы 8 шілде де өткен Қазақстан Республикасы Президентінің жанындағы Әйелдер істері және отбасылық- демографиялық саясат жөніндегі Ұлттық комиссия отырысының хаттамалық тапсырмасына сәйкес аудандық ішкі саясат бөлімінің ұйымдастыруынмен аудан көлемінде осы бағытта қызмет атқарып жатқан аудандық ішкі саясат құрамындағы Әлеуметтік психологиялық сүйемелдеу қызметі секторын, аудандық полиция басқармасын, ауыл әкімдерін, аудандық денсаулық сақтау бөлімін, аудандық адами әлеуетті дамыту бөлімін, мәдениет және тілдерді дамыту спорт бөлімдерін қатысуында кеңес өткізіліп осы кеңесте аудан әкімі Ұласбек Сәдібекұлы барлық бөлімдерге нақты тапсырмалар беріп нәтижесін бір ай көлемінде қайта қарайтындығын және одан арықарай әр 3 ай сайын қарап отыратын осы отырыстарда қай мекемелер қалай қызмет жасап жатқандықтарын бақылауға алатындығын айта отырып бақылауды ішкі саясат бөлімі басшысы Сабит Реметовке тапсырды.

Соңғы уақытта аудан тұрғындары арасында суицид жағдайының тіркелуінің саны артуда. Ағымдағы жылдың 7 айында 54 тұрғын өз өмірін қиюға оқталған. Оның ішінде 17 аяқталған, 37 аман қалған жағдайы тіркелген.

«AMANAT» партиясы Сайрам аудандық филиалы жанындағы Сыбайлас жемқорлыққа қарсы іс-қимыл жөніндегі Қоғамдық Кеңес пен Партиялық Бақылау комиссиясы бірлескен отырысының мәжілісі өтті. Мәжілісті Кеңес төрағасы – Сағындықов Сихымбай Уалиханұлы ашып, жүргізіп отырды.

Бүгінгі Қоғамдық кеңес отырысына Партиялық Бақылау комиссиясының мүшелері арнайы қатысып мәжілістің күн тәртібіне енген төмендегі мәселелердің есебі тыңдалды.

Алғашқы баяндамада Сайрам аудандық орталық ауруханасының бас дәрігері – Ділдәбеков Жанболат «Ақсукент» Сайрам аудандық орталық ауруханасы тарапынан сыбайлас жемқорлықтың алдын-алу және азаматтардың денсауылығын жақсарту мақсатында атқарған жұмыстарының есебін берді. Есепті жіті тыңдаған жиынға қатысушылар денсаулық саласындағы олқылықтардың орнын толтырып, шалғай жатқан ауылдардағы амбулаториялардың жұмысын жандандыру керек деген ұсыныс айтты.

Екінші кезекте Сайрам аудандық жергілікті полиция қызметінің басшысы – Есенов Бауыржан Сайрам аудандық жергілікті полиция қызметі тарапынан сыбайлас жемқорлықтың алдын-алу мен қоғамдық тәртіпті қамтамасыз ету мақсатында атқарған жұмыстарының есебін баяндады. Заң бәрімізге ортақ. Десекте жалғанды жалпағынан басқысы келетіндер де аз емес. Жұртты жаппай ережеге бағындыруда тәртіп сақшыларының жұмысы маңызды саналады. Ережеге бағынғысы келмейтіндер, оңай жол тауып шығып кеткісі келіп тұрады. Мұндайға жол беруге болмайтындығы бүгінгі жиын барысында баса айтылды.

Үшінші ретте «Сайрам тазалық» мекемесі тарапынан Сыбайлас жемқорлықтың алдын-алу мен аудан тұрғындарын сапалы ауыз сумен қамтамасыз ету мақсатында атқарған жұмыстарының есебі тыңдалды. Су тіршілік көзі екені даусыз. Ауданымызда ауыз су мәселесі толастаған емес. Бұл салада да біраз кемшіліктер назарға алынып, нақты ұсыныстар тілге тиек етілді.

«Өзге пікір» республикалық ақпараттық-сараптамалық, құқықтық газетінің бас редактордың орынбасары, фейсбук әлеуметтік желісінің белсендісі Ұлықбек Үмбет Сайрам ауданы әкімінің орынбасары Б.Хасановтың қабылдауында болды.

Қабылдау барысында басшының назарына Қарасу ауылдық округінің Ақбай ауылына қарасты Жаңақұрылыс 17,0 гектар аумағындағы №4 көше тұрғындарының қоқыстардың тазаланбайтыны, электр жарығының түнгі уақытта қосылмайтыны, ауыз су құдығының жарылып, оның үсті темір қақпақпен жабылмай ашық күйде тұрғаны, сонымен қатар осы елді мекеннің №1 көшесіне тартылған газ құбырының жол қозғалысына кедергі болатынына қатысты көтерген мәселелерін жеткізді. Бұдан бөлек, тұрғындар балаларының жол қауіпсіздігін сақтау үшін Жібек жолы көшесіне бейнекамераларды және жол кедергілерін орнатуды сұранды.

Әкім орынбасарының берген тапсырмасына сәйкес, аудан әкімдігінің баспасөз қызметінің ұйымдастыруымен аталған көшенің тұрғындарымен кездесу өтті. Кездесуге Қарасу ауылдық округінің әкімі Д.Сыдықов, аудандық құрылыс, сәулет және қала құрылысы бөлімінің құрылыс секторының меңгерушісі Е.Момыналиев, ішкі саясат бөлімінің инспекторы И.Роззаков қатысып, мәселелердің мән-жайын сұрастырып, тұрғындарға заң талаптарына сәйкес түсіндіру жұмыстарын жүргізді.

Түркістан қалалық Полиция басқармасының басшысы, полиция подполковнигі Бауыржан Жанаев облыс орталығындағы ең ірі сауда орындарының бірі саналатын "Қуаныш" ЖШС ұжымымен кездесті. Кездесудің мақсаты- сауда орталығындағы тәртіп, ірілі-ұсақты қылмыстардың алдын алу, ретсіз сауда орындарын болдырмау, жол-көлік қозғалысына кедергі келтірмеу, өрт қауіпсіздігін сақтау сынды маңызды мәлеселерді талқылау болатын.

Сондай-ақ, сервистік полиция қағидатын ұстанып, халық үніне құлақ асу мақсатында полиция мен кәсіпкерлер арасында диалог орнату.

Басқосуда кәсіпкерлер тарапынан бірқатар ұсыныс-пікірлер айтылып, сұрақтар қойылды.

Соның ішінде қайыршыларды қадағалауға алуды, көлік кептелісін жиі туғызатын көшелерге бағдаршам орнату мәселесін көтерді. Басқарма басшысы өз кезегінде полиция басқармасы тарапынан атқарылып жатқан жұмыстарды баяндап, кәсіпкерлердің сауалдарына жан-жақты жауап беріп, алдағы жоспарлармен бөлісті.

Осылайша қаланың бас полцейі кездесу барысында айтылған барлық ұсыныс-пікірлерге құлақ асып, сауда орталығындағы қылмыстың алдын алу жолдары қалай жүргізіліп жатқанына көз жеткізіп қайтты.

Айта кетейік, "Қуаныш " сауда орталығында бүгінде 150 бейнебақылау камерасы орнатылған. Сонымен қатар, "Көкжиек" күзет агенттігі жұмыс істеуде.

Жалпы кездесу екі тарапқа да нәтижелі болды. Алдағы уақытта бірлесе жұмыс істеуге келісіп, кәсіпкерлер тарапынан айтылған ұсыныстар назардан тыс қалмайтын болады.