Денсаулық

Түркістан облысы: медициналық қызметтерді сатып алу цифрлық форматқа өтеді

Медициналық қызметтерді сатып алу цифрлық форматқа өтеді. Бұл процестің ашық әрі әділетті өтуі үшін қолға алынған. Медициналық сақтандыру қоры 2018 жылдан бастап – кепілдендірілген тегін медициналық көмек көлемі шеңберіндегі қызметтерге тапсырыс беруші әрі халыққа көрсетілген қызмет ақысын төлеуші. Қызмет көрсетушілерді таңдау мен келісімшарт бекіту ҚР Денсаулық сақтау министрінің 2017 жылғы 7 тамыздағы № 591 бұйрығы негізінде жүргізіледі. Сонымен қатар, медициналық қызмет көрсететін жеткізушілерді республикалық және аймақтық комиссиялар іріктейді.

Түркістанда Қазақстанның ең мықты радиологтары бас қосты

Түркістан қаласының орталық ауруханасында «Радиология саласының өзекті мәселелері» атты тақырыппен ғылыми практикалық конференция өтті. Маңызды басқосуды Түркістан облысы Қоғамдық денсаулық басқармасының басшысы және Нұр-Сұлтан қаласындағы Ұлттық ғылыми кардиохирургия орталығы басшылығы ұйымдастырды.

Түркістан: түркиялық дәрігерлер арыстықтарға көмек көрсетуге дайын

Медицина саласында «Тізе буын хирургиясы» өте өзекті. Қ.А. Ясауи атындағы Халықаралық қазақ-түрік университетіне Түрік елінің травматолог-ортопедтері келді. Мақсаты – Арыстан келген науқастарға күрделі ота жасау. Сонымен қатар жергілікті мамандармен тәжірибе алмасу.

Түркістан: А.Мамин Арыс аудандық ауруханасындағы күрделі жөндеу жұмыстарының барысымен танысты

ҚР Премьер — министрі Асқар Мамин, еліміздің денсаулық сақтау министрі Елжан Біртанов Арыс қалалық орталық ауруханасында жүріп жатқан күрделі жөндеу жұмыстарының барысымен танысты. Арыстың бүгінгі жай-күйі туралы нақты ақпарат беру мақсатында арнайы келген делегацияға Облыстық денсаулық сақтау басқармасының басшысы Мұқан Егізбаев қазіргі таңда Арыстағы емхана науқастарды қабылдап жатқанын және 1 ай ішінде қалалық аурухана іске қосылатынын атап өтті.

Арыстық балалар «Отырар» жазғы сауықтыру лагерінде демалуда

Арыс қаласында орын алған жағдай жалпы қазақ елінің қабырғасын қайыстырған оқиға болды. Әйтсе де, арыстықтардың басына түскен сынақты ел болып көтеріп, жұмыла көмектесудің арқасында қалаға қайта жан біте бастады. Бүгінде Түркістан облысының әкімі Ө.Шөкеевтің тікелей басшылығымен қаланы қайта қалпына келтіру жұмыстары қарқынды жүргізілуде.

Сайрам ауданында балалар жазғы демалыстарын тиімді өткізуде

Сайрам ауданында «Болашақ» сауықтыру лагерінде 1800 бала демалатын болады. Сайрам аудан әкімі Бақтияр Мамаев, аудан әкімінің орынбасары Мадияр Оразалиев Арыс ауылдық округінде орналасқан «Болашақ» сауықтыру лагерінде барып, демалушы балалармен кездесті.

Түркістан облысы: Сарыағаш ауданында медицина қызметкерлері марапатталды

Сарыағаш ауданында медицина қызметкерлеріне құрмет көрсетілді. Өңір басшылығы ақ желеңді абзал жандарды мерекемен құттықтап, сала ардагерлері мен білікті дәрігерлерге «Алғыс хат» табыстады. Мәдениет үйінде өткен шарада адам жанының арашашысы саналатын мамандық иелерінің еңбектері дәріптелді.

Түркістан облысы: 100 дәрігер шипажайға жолдама алды

Түркістан облысында Медицина қызметкерлері күніне орай салтанатты шара ұйымдастырылды. Оған денсаулық сақтау саласының ардагерлері мен медицина қызметкерлері қатысты. Түркістан облысы әкімінің орынбасары Жолдымұрат Аманбаев медицина қызметкерлерін кәсіби мерекелерімен құттықтап, еңбегімен дараланған ақ желеңді абзал жандарды «Облысқа сіңірген еңбегі үшін» медалімен, Түркістан облысы әкімінің Құрмет грамотасы мен алғыс хаттарымен марапаттады. Түркістан облысының дәрігерлеріне облыс әкімінің атынан шипажайға 100 жолдама табыс етілді.