Қазақстан Республикасының Қаржы министрлігі Шымкент қаласына республикалық маңызы бар қала мәртебесі берілуі мен Түркістан облысының пайда болуына байланысты республикалық бюджеттің қалай өзгеретінін түсіндіріп берді.

Шымкент қаласының әкімдігі мен Астана қаласындағы Мемлекеттік қызмет саласындағы аймақтық хабтың басқару комитеті меморандум түзді. Осы құжат негізінде екі жақты әріптестік артып, мемлекеттік қызмет сапасын жоғарғы деңгейге көтеру мақсат етіліп отыр. Меморандумға Шымкент қаласының әкімі Ғабидолла Әбдірахымов пен өңірлік хабтың басқару комитетінің төрағасы Әлихан Бәйменов қол қойды.

Шымкентте жол инфрақұрылымын жаңалау жұмыстары жалғасуда. Бекжан базары жанындағы және Арғынбеков көшесінің жалғасындағы жолайырықтардың құрылысы қарқынды жүруде. Алайда, қаладағы кейбір көшелерде жаяу жүргінші жолдарды кеңейтуге байланысты жеке тұрғын үйлердің дуалдары мен шарбақтарын, коммерциялық ғимараттардың қоршауларын бұзу қажет.

Астаналық мамандар Шымкентте мемлекеттік қызмет көрсету сапасын арттыруға көмектесетін болды. Бұл туралы Шымкентке арнайы сапармен келген өңірлік хабтың басқару комитетінің төрағасы Әлихан Бәйменов пен Шымкент қаласының әкімі Ғабидолла Әбдірахымовтың қатысуымен өткен басқосуда айтылды.

Шымкентке жұмыс сапарымен ҚР Денсаулық сақтау вице-министрі Олжас Әбішев келді. Оның келгендегі мақсаты денсаулық сақтау бойынша жасалған жаңа жобаны Шымкенттің және өңірдің медицина қызметкерлеріне түсіндіру.

Шымкентте кең көлемді «Қауіпсіз қала» іс-шарасы өтуде. Яғни, 2018 жылдың 25 шілдесі мен 5 тамыз аралығында Шымкент қаласы аумағында кең көлемді «Қауіпсіз қала» жедел-профилактикалық іс шарасы жүргізілуде.

Шымкент ҚІІБ Әл-Фараби полиция бөлімінің биылғы 6 айда атқарған жедел – қызметтік жұмыстарының қорытындысы және халыққа есеп беру жиналысы болып өтті. Жиынға Әл-Фараби ауданының әкімі Ғ.Мәуленқұлов, Шымкент қ. ІІД бастығының орынбасары полиция полковнигі С.Абдуллаев, Әл-Фараби полиция бөлімінің жеке құрамы мен қоғам белсенділері, сондай–ақ жергілікті тұрғындар қатысты.

Халықаралық гепатитпен күрес күніне орай Шымкент қаласындағы халық көп жүретін «Қырғы базар» аумағында «Стоп гепатит» акциясы бастау алды. Облыстық клиникалық аурухананың 6 медицина қызметкері тексерілгісі келетін  кез келген тұрғындарды 5 сағат тегін тексерді. Аз ғана уақыттың ішінде тәжірибелі дәргерлер көптеген базар саудагерлері мен сатып алушыларды тексерістен өткізген.

Қазақстан Респбуликасы Президенті Нұрсұлтан Әбішұлы Назарбаевтың Жарлығымен Шымкент қалалық соты құрылды. Оның құрамына бұрын Оңтүстік Қазақстан облыстық сотында қызмет істеген 12 судья енді. Шымкент қалалық соты Түркістан көшесі, №87 мекенжайында орналасқан (бұрынғы Оңтүстік Қазақстан облыстық сотының ғимараты).

«Шырайлы Шымкент қаласында бізбен бірге жеңімпаз атан» атты ментальды арифметика бойынша жазғы турнир өтті. Аталмыш шараны «Юсимас-Қазақстан» және «Алиар-Юсимас» Халықаралық интелектуалды даму академиясы ұйымдастырған болатын. Іс-шара елордамыз Астананың 20жылдығы, сондай-ақ Шымкенттің республикалық маңызы бар қала мәртебесін алуына арналған турнир еді. Бұл туралы Шымкент қалалық білім бөлімі хабарлады.