Бұла боп өскен ерке, өр мінезді, ақылына көркі сай Қыз Жібекті сомдау театрдың белгілі әрі белді әртісі Айгүл Азатоваға жүктелген. Қойылымда өнер иесі тек сөзбен ғана емес, операда ән салып, көрерменге ширек ғасырдың сырын жеткізуі тиіс. Театрдағы тәжірибесіне 10 жылдан асқан өнер иесіне қазақ әйелінің асыл қасиеттері бойынан табылған кейіпкерді халыққа көрсету қиынға соққан жоқ.

Танымал дастан Ғабит Мүсіреповтың либреттосын тоғыстыра отырып жасалған. Ең алғаш туынды күнгейдің сахнасында 2010 жылы қойылды. Бірақ бұл спектакль бүгінде республикалық театрлар ұсынып жүрген «Қыз Жібек» операларынан мүлдем бөлек. Яғни бұл нұсқада Жібектің оқиғасы трагедиямен аяқталмай, керісінше, соңғы көрініс ұлан-асыр тойға ұласады.

Осылайша «алтын қоры» 15 қойылыммен толыққан театр енді көрермендері үшін шетелдік жауҺар туындыларды таныстырып, сахналамақ ниетте. Күнгейдегі бекзат өнерді дәріптейтін мәдениет ошағы — облыстық опера және балет театрының жаңа маусымдағы жаңалығы бұл ғана емес.

«Жаңа маусымда жаңа мамандар келіп жатқан жәйі бар. Мәселен, хор ұжымына 5 адам, балетке де 6 маман, өзге де топтарға жоғарғы оқу орнын тәмамдап келген жастармен толығудамыз» дейді облыстық опера және балет театры директорының орынбасарыДархан Жұмаев.

Айта өтер жайт, бүгінде қызметін бастағанына 10 жылдан асқан облыстық опера және балет театрында 217 адам қызмет етеді. Оның 147-сі — шығармашылық ұжым.

«AQ-QARA.KZ»-ақпарат.