Түркістан қаласының жаңа басшысы Рашид Аюпов халықпен кезекті кездесуін жалғастыруда. Қалаға қарасты мөлтек аудандарға арнайы барып, бұқараның қордаланған мәселелерімен тікелей танысып жүр. Тұрғындармен тілдескен әкім, Түркістанды түлету бағытындағы тың жоспарлармен де бөлісті.

Атамекен Ұлттық кәсіпкерлер палатасының бастамасымен «Бастау бизнес» жобасы өз жұмысын жалғастыруда. Мақсат өңірдегі қаржылық сауаттылықты арттыру, жаңа бизнес көздерін ашу. Бүгінде Шардара ауданында жобаның 2 лектегі тыңдаушылары оқуды аяқтап, бизнес жоспарларымен бөлісті.

«Арыс локомотив» депосында орын алған өрт ауыздықталып, жағдай толық қалыпқа келтірілді. Ал әлеуметтік желіде таралған «Луна бомбасы жарылады», - деген жалған ақпаратқа байланысты да мамандардың айтары бар. Сондай-ақ, Арыс қаласындағы жағдайдың дәл бүгінгі көрінісі көпшілікке қызық. Осы сауалдардың жауабын тиісті сала мамандары баспасөз брифингінде баяндады.

Түркістан қаласының іргесіндегі жаңа шағынауданда көпқабатты үйлердің құрылысы қарқын алған. Құрылысы аяқталуға жақын 48 пәтерлі үйдің қасбеті қапталып бітсе, пайдалануға тапсырылады.