Созақ ауданына қарасты Құмкент ауылында елге еңбегімен еленіп, халқына адал қызмет еткен қос бірдей азамат – «Парасат» және ІІІ дәрежелі «Барыс» ордендерінің иегері Қайрат Шерәліұлы Беркінбаев пен ІІ дәрежелі «Айбын» орденінің иегері, полиция аға лейтенанты Тайыр Шералиевті еске алуға арналған «Қос асылдың ізі» атты волейболдан республикалық турнир ұйымдастырылды.
Созақ ауданының әкімі Мұхит Тұрысбеков республикалық және халықаралық додаларда ел мерейін асырып, аудан абыройын асқақтатқан жас спортшыларды қабылдап, құрмет көрсетті. Кездесу барысында аудан басшысы спортшылармен еркін форматта пікір алмасып, ашық әңгіме өрбітті. Жас буынның спорттағы жетістіктері, алдағы жоспарлары мен тың бастамалары сөз болып, жеңіс жолындағы табандылық пен қажырлы еңбектің маңызыжайында сөз қозғалды.
Ауданда жастар арасында нашақорлық пен есірткі бизнесінің алдын алу, салауатты өмір салтын насихаттау мақсатында ұйымдастырылған бір айлық акция өз жұмысын бастады. Ауқымды шара аудандық «Достар» стадионында өтіп, оған аудан жастары, полиция және медицина қызметкерлері, спортшылар, еріктілер мен түрлі сала өкілдері қатысты.
Түркістан қаласындағы Olympic Center спорт кешенінде бокстан 19 жасқа дейінгі Қазақстан ұлттық құрамасының тереңдетілген оқу-жаттығу жиыны өтіп жатыр. Жиын аясында жас былғары қолғап шеберлері алдағы жауапты халықаралық дода – Азия чемпионатына дайындықтарын пысықтауда.
Кентау қаласында «Заң мен тәртіп» жобасы аясында «TUR Workout – Тәртіпке тартыл» қалалық іріктеу сайысы өтті. Іс-шараға Түркістан облысы бойынша Экономикалық тергеп-тексеру департаментінің басқарма басшысы, Экономикалық тергеп-тексеру қызметінің подполковнигі Абай Қадыров және Кентау қаласының әкімі Жандос Тасов қатысып, жастарға сәттілік тіледі.
Шолаққорған ауылдық спорттық-сауықтыру кешенінде Қазақстан Республикасының дене тәрбиесі мен спортына сіңірген еңбегі үшін Құрмет белгісінің иегері, білікті жаттықтырушы, ұлағатты ұстаз Қашқынбай Кенжеханұлының туғанына 80 жыл толуына орай жасөспірімдер арасында күрестен ашық турнир өтті.
Түркістан қаласындағы «Керуен-сарай» туристік кешенінде Қазақстан Республикасының VIII Халық ойындары өтті. Ашылу салтанаты ұлттық нақыш пен заманауи технология үйлескен мерекелік кешке айналып, көрермендерге ерекше әсер сыйлады. Салтанатты жиынға Түркістан облысының әкімі Нұралхан Көшеров пен Қазақстан Республикасы Туризм және спорт министрлігі Спорт және дене шынықтыру істері комитеті төрағасының орынбасары Аманбай Нұрмұханбетов қатысып, спортшылар мен бапкерлерді дүбірлі доданың ашылуымен құттықтады.
Сауран ауданында білім саласының ардагері, ұлағатты ұстаз әрі білікті басшы Зубайдилла Наршабаевты еске алуға арналған волейболдан аудандық турнир ұйымдастырылды. Дәстүрлі спорттық шараға ауданның жалпы білім беретін мектептерінің педагогтері мен қызметкерлерінен құралған командалар қатысты.