Шымкентте қазақ күресінен дәстүрлі «Шымкент барысы – 2025» турнирі дүркіреп өтті. 13-ші дәстүрлі сайыста өңіріміздің ең мықты деген 20-дан астам балуаны бозкілемге шығып, күш сынасты. Олардың арасында қазақ күресінен әлем чемпионаттары, халықаралық турнирлердің жүлдегерлері бар. Жарыс көрермендерге тартысты белдесулер мен нағыз қазақ күресінің рухын сыйлады.
Шаһарда ішкі саясат және жастар істері жөніндегі басқармасының қолдауымен ерекше жандарға арналған ауқымды мәдени-әлеуметтік іс-шаралар өтіп жатыр. Екі күнге созылатын бұл жобаға мүмкіндігі шектеулі жас спортшылар, қолөнер шеберлері мен өнерпаздар қатысып, өздерінің өнері мен қабілетін көпшілікке паш етеді.
Қытайдың Шаогуань қаласында каратэден жастар және жасөспірімдер арасындағы Азия чемпионатында жеңіске жеткен спортшыларды күтіп алу рәсімі өтті.
Шымкентте 9 қыркүйек «Дүниежүзілік тоғызқұмалақ күніне» орай онлайн және оффлайн форматта тоғызқұмалақ ойнау флешмобы өтті. Бұл мерекеге еліміздің барлық өңірі бірдей қатысып отыр. Шараның мақсаты – тоғызқұмалақты елімізде және әлемде кеңінен насихаттау және дамыту. Сондай-ақ, биылғы ұлттық зияткерлік ойын флешмобы ұлы Абайдың 180 жылдығына орайластырылған.
Мемлекет басшысы ағымдағы жылдың 15 сәуірінде «Дене шынықтыру және спорт туралы» ҚР Заңына түзетулерге қол қойды. Бұл түзетулер жайлы ҚР туризм және спорт вице-министрі Серік Жарасбаев ОКҚ алаңында өткен баспасөз конференциясында айтты.
Шымкент қаласында ұлттық спорт түрлерінің өсуі мен болашақ бағыттарын талқылауға арналған маңызды кездесу өтті. Оған өңірлік ұлттық спорт федерацияларының 15-тен астам өкілі қатысып, пікір алмасты. Жиналыс барысында федерациялар 2024 жылдың алғашқы жартыжылдығындағы орындалған жұмыстар бойынша толық есеп берді. Сонымен қатар, ұлттық спорт саласын жүйелі дамытуға бағытталған 10 басты ұсыныс қаралды.
Бұл туралы Шымкент қаласының Өңірлік коммуникациялар орталығында өткен баспасөз брифингінде айтылды.
Шымкент төрінде мемлекет және қоғам қайраткері Дінмұхаммед Қонаевты еске алуға арналған дзюдодан жасөспірімдер арасындағы халықаралық турнир бастау алды. Тұңғыш рет ұйымдастырылған айтулы жарыста Өзбекстан, Қырғызстан, Тәжікстан, Түркіменстан, Моңғолия және Қазақстанның түкпір-түкпірінен жиналған 650-ге жуық жас татами шебері бақ сынауда.