Жазғы Азия ойындарында шымкенттік каратэшілер бүгін 1 алтын, 1 күміс жүлде жеңіп алды. Ұлттық құрама көшбасшысы Софья Берульцева (+68 кг) өз салмағында қарсылас шақ келтірмей, жеңімпаз атанды. 84 келіде Данияр Юлдашев күміс жүлдені қоржынға салды.

Кеше 60 келі салмақ дәрежесінде Қайсар Алпысбай ел қоржынына алтын жүлде салған еді.

Осылайша Шымкент қаласының каратэшілері Азия ойындарын 2 алтын, 1 күміс жүлдемен аяқтады.

Айта кетейік, Азия ойындары 23 қыркүйек пен 8 қазан аралығында Қытайдың Ханчжоу қаласында өтті. Төрт жылда бір рет ұйымдастырылатын жарысқа еліміздің атынан 524 атлет қатысты. Олар 30 спорт түрінен 305 медаль үшін бақ сынасты. Бұл дүбірлі додаға Қазақстан құрамасы 1994 жылдан бері сегізінші рет қатысып тұр.

Байрақты бәсекеде құрлық чемпионы атағымен қатар, спорттың 8 түрінен Париж Олимпиадасының жолдамасы сарапқа салынды.

Шымкент қаласынан 33 спорт түрінен 64 спортшы Азия ойындарына қатысты. Олардың қатарында Әлем және Азия чемпиондары бар.

Бокс – 34 лицензия (ерлер – 7 салмақта финалға шыққан 14 боксшы, әйелдер – 50, 54, 57, 60 келіде жартылай финалға шыққандар, 66, 75 келіде финалға шыққан боксшылар);

Садақ ату – 5 лицензия (ерлер — 1,2-орын алғандар, әйелдер — 1,2-орын алғандар, аралас команда — 1-орын алған құрама);

Қазіргі бессайыс – 10 лицензия (ерлер 5 лицензия және әйелдер 5 лицензия);

Брейк-данс – 2 лицензия (ер — 1 және әйел — 1);

Үлкен теннис – 5 лицензия (ер, әйел, жұптық ерлер, жұптық әйелдер, аралас жұптар; тек жеңімпаздар лицензия алады);

Су добы – 2 лицензия (ерлер — 1 және әйелдер құрамасы — 1);

Әртістік жүзу – 2 лицензия (әйелдер дуэті — 1, командалық сайыс — 1);

Көгалдағы хоккей — 2 лицензия (ерлер — 1, әйелдер құрамасы — 1);

Жүзу, жеңіл атлетикада белгілі бір уақыт нормативін орындаса, Олимпиада жолдамасы беріледі.

Ал Париж Олимпиадасына кіретін өзге спорт түрлерінен Азия ойындарында жүлделер сарапқа түссе де, лицензия берілмейді. Кей жарыстар спортшылар үшін рейтингтік ұпай беруге көмектеседі. Медаль көп сарапқа салынатын күрес түрлерінен жолдама Әлем чемпионаты мен келесі жылы өтетін іріктеу додаларында ойнатылады.

Жеңіл атлетикадан ХІХ жазғы Азия ойындарының қола жүлдегері Дмитрий Кобловты Шымкент темір жол вокзалынан жерлестері күтіп алды. Іс-шараға спорт мектебі басшылары, спорт жанкүйерлері қатысты.Д.Коблов 2018 жылы Джакартада өткен Азия ойындарында 3-ші орын алған болатын. Биыл Ханчжоуда өткен бәсекеде де командалық сайыста (эстафета микс) қола жүлдегер атанды.  Қалалық денешынықтыру және спорт басқармасының бөлім басшысы Шоқан Әбдіхалықов жүлдегер спортшыны құттықтап, алдағы бәсекелерде сәттілік тіледі. Іс-шарада Жазғы Азия ойындарының қола жүлдегері Дмитрий Коблов мұнымен тоқтамайтынын, келесі Олимпиада ойындарына тыңғылықты дайындалатынын атап өтті. Айта кетсек, Д.Коблов халықаралық дәрежедегі спорт шебері, 2016 және 2020 Олимпиада ойындарының қатысушысы.

Айта кетейік, каратэші Софья Берульцеваның алтын медалінен кейін Қазақстан Азия ойындарының медальдық есебінде көтерілді. Қазір Қазақстан құрамасының қоржынында 10 алтын, 20 күміс және 44 қола медаль бар. Қазақстан қазір медальдық есепте 9-орында. Естеріңізге сала кетейік, 23 қыркүйек пен 8 қазан аралығында Ханчжоуда ХІХ Жазғы Азия ойындары өтуде.  Қытайда Азиада-2022 өткізу туралы шешімді Азия Олимпиадалық кеңесі (АОК) 2015 жылғы 16 қыркүйекте қабылдады. Ойындар бастапқыда 2022 жылы жоспарланған болатын, бірақ коронавирустық пандемияға және алдыңғы жылдардағы ірі турнирлердің ауысуына байланысты жарыс  2023 жылға ауыстырылды. Азия ойындарының бағдарламасында олимпиадалық спорт түрлері де, аквабайк, бридж, джиу-джитсу, курес – белбеу күресі, пенчак силат жекпе-жек өнері, каббади, сепатакрау малай волейболы, драгонботтарда есу бар. Садақ ату, синхронды жүзу, бокс, брейкинг, допты хоккей, қазіргі бессайыс, желкенді спорт, теннис және су полосындағы жарыстар да 2024 жылғы Олимпиада ойындарына іріктеу болып табылады. Барлығы 19 Жазғы Азия ойындарында 474 медаль жиынтығы ойналады, оның 381-і олимпиадалық спорт түрлерінен, 93-і олимпиадалық емес спорт түрлерінен. Жарыс 61 спорттық пән бойынша өтеді, оның ішінде 45 - олимпиадалық, 16 - олимпиадалық емес спорт түрлері бойынша.