Жасөспірімдер арасында жалауын көтерген жарыс үшінші мегаполис командасын жасақтауға арналған. Соңғы жылдары ел үздігі атана алмай жүрген жерлестеріміз биыл үздік үштіктен көрінудің өзін абырой санап отыр.
6 команда арасындағы ойын өте тартысты өтті. Сайысқа қалалық Жастар ресурстық орталығы мен Қоғамдық денсаулық сақтау институты ұйытқы болды. Салауатты өмір салтын ұстануға шақыру, есірткі бизнесіне күрес, жастардың дене белсенділігіне қолдау көрсету -сайыстың негізгі мақсаты.
Шымкент қаласында садақ атудан Кеңес Одағының батыры Қарсыбай Спатаевты еске алуға арналған дәстүрлі қырық төртінші халықаралық турнир басталды. Жарысқа қазақстандық мергендермен бірге Өзбекстан, Тәжікстан және Грузия мемлекеттерінен барлығы 200-ге жуық спортшы келген.
Шымкентте қазақ күресінен Есіркеп Батырды еске алуға арналған жасөспірімдер арасында халықаралық турнир өтті. Жарысқа бес мемлекеттің жас балуандары қатысып өз ара мықтыны анықтады.
Шымкент қаласында КСРО спорт шебері Владимир Почиваловты еске алуға арналған стенд және оқ атудан халықаралық турнир басталды. Осымен 28-ші рет өтіп жатқан жарыстың аясында сонымен қатар ҚР чемпионатының финалдық ойындары да өтуде.
Шымкент қаласындағы «Жеңіл атлетика» спорт кешенінде киокушинкай-кан каратэден жасөспірімдер мен кадеттер арасында ҚР чемпионатының ашылу салтанаты өтті.
Жастар арасындағы ATF турнирі Шымкентте осымен екінші рет ұйымдастырылып отыр. Оған қатысу үшін спортшылар Америка, Қытай, Испания, Румыния, Чехия және Грузия елдерінен келген. Сынға түскен 15 мемлекеттің теннисшілері арасында ресейлік Святослав Гулин де бар.
Шымкент қаласының әкімі Ерлан Айтаханов әскери самбодан 3 дүркін Әлем чемпионатының жеңімпазы, ережесіз жекпе-жек шебері Арман Оспановты қабылдады. Кездесу барысында елімізде спортшыларға жасалып жатқан жағдайлар мен бүгінгі олардың жеткен жетістіктері туралы сөз қозғалды.