Мемлекет кәсіптің көзін тауып, іс қылғысы келгендерге қолдауды кенже қалдырған емес. Соңғы жылдары Ауыл шаруашылығы министрлігі мен әкімдік тарапынан қайтарымсыз грант алып, субсидия алған жергілікті кәсіпкерлердің өнімі өзге өңірлерге де жіберіліп, ішкі өнімді қамтамасыз етуге қолғабыс етіп отыр.

Бүгін Шымкент қаласындағы Қаратау дәстүрлі өнер мектебінде Әдет-ғұрып және салт-дәстүр орталығының ұйымдастыруымен «Дәстүр – ұлт ұстыны» атты этнос өкілдері арасындағы байқау өтті. Іс-шара қазақ жеріндегі түрлі этностардың мәдениеті мен салт-дәстүрін насихаттауға бағытталды.

Бүгін Сауран ауданының әкімі Мақсат Таңғатаров аудан аумағындағы жер қойнауын пайдаланушы кәсіпкерлермен маңызды кездесу өткізді. Жиында аудан прокуроры Алмаз Асылбеков, аудандық мәслихат төрағасы Сержан Байсбаев, аудандық полиция бөлімінің басшысы, полиция полковнигі Алмат Абидинов қатысты. Кездесудің басты мақсаты – жер қойнауын пайдалану саласындағы өзекті мәселелерді талқылау және оларды шешу жолдарын бірлесе қарастыру болды.

Түрікменстан азаматы ауыр халде Шымкент қалалық №1 клиникалық ауруханаға жедел жәрдем көлігімен жеткізілді. Жарақаты мен денсаулық жағдайына қарай дәрігерлер 27 жастағы науқасқа бірнеше операция жасады.