3 жыл 3 ай 22 күн. Бұл – Шымкент қаласының әкімі болып 3 мәрте тағайындалған Ғабидолла Әбдірахымовтың аталмыш шаһарды тізгіндеген мерзімі. Білек сыбана еңбек етіп, нәтиже көрсету үшін, әрине, аз уақыт емес. Рас, қиялына қанат бітіріп, Ғабекең көп нәрсені армандады. «Армансыз адам – қанатсыз құспен тең», Шымкентті Лас-Вегастан мысқал да кем қылмау үшін талай-талай жобалары барын баяндағанда, аузымыздың суы құритын. «Шымкенттік Манхэттен» болады делінген «Shymkent Sity» қалашығының енді-енді төбесі қылтиып, «Shymkent Bus» муниципалды автопаркінің 1000 автобусы қала ішінде әрлі-берлі зырғитын күн де алыс емес» деп отырғанымызда лауазымымен қош айтысты. Ал Ғабидолла Әбдірахымов қызметін одан әрі жалғастыра бергенінде ол тілге тиек еткен, жұртшылықты елітіп әкеткен тамаша жобалар шын мәнінде жүзеге асар ма еді? Сіз қалай топшылайсыз? Өз басымыз Шымкент қаласының әкімі Ерлан Айтахановтың төрағалығымен өткен бюджеттік тәртіпті күшейту, оның атқарылуын жүйелеу және бюджетті жоспарлаудың тиімділігін арттыру мәселелеріне арналған жиыннан соң бұл сұраққа жауап беру оңай еместігін аңғарып, кібіртіктеп қалдық. 

Шымкентте жол инфрақұрылымын жаңалау жұмыстары жалғасуда. Бекжан базары жанындағы және Арғынбеков көшесінің жалғасындағы жолайырықтардың құрылысы қарқынды жүруде. Алайда, қаладағы кейбір көшелерде жаяу жүргінші жолдарды кеңейтуге байланысты жеке тұрғын үйлердің дуалдары мен шарбақтарын, коммерциялық ғимараттардың қоршауларын бұзу қажет.

Шымкентте кең көлемді «Қауіпсіз қала» іс-шарасы өтуде. Яғни, 2018 жылдың 25 шілдесі мен 5 тамыз аралығында Шымкент қаласы аумағында кең көлемді «Қауіпсіз қала» жедел-профилактикалық іс шарасы жүргізілуде.

Халықаралық гепатитпен күрес күніне орай Шымкент қаласындағы халық көп жүретін «Қырғы базар» аумағында «Стоп гепатит» акциясы бастау алды. Облыстық клиникалық аурухананың 6 медицина қызметкері тексерілгісі келетін  кез келген тұрғындарды 5 сағат тегін тексерді. Аз ғана уақыттың ішінде тәжірибелі дәргерлер көптеген базар саудагерлері мен сатып алушыларды тексерістен өткізген.

Қазақстан Респбуликасы Президенті Нұрсұлтан Әбішұлы Назарбаевтың Жарлығымен Шымкент қалалық соты құрылды. Оның құрамына бұрын Оңтүстік Қазақстан облыстық сотында қызмет істеген 12 судья енді. Шымкент қалалық соты Түркістан көшесі, №87 мекенжайында орналасқан (бұрынғы Оңтүстік Қазақстан облыстық сотының ғимараты).

Шымкент қаласының тұрғындары мен қала қонақтарының назарына! Шаһардың басым бөлігінде табиғи газ уақытша тоқтатылатын болады. «ҚазТрансГаз Аймақ» АҚ ОҚӨФ-ның мәліметіне сүйенсек, бұл шара газ құбырларын тиісті сынақтан өткізу үшін жасалмақ екен.

Шымкент қаласы жаңа мәртебеге ие болғалы қала өмірінде әртүрлі өзгерістер орын алып жатқаны белгілі. Соның бірі ретінде Шымкент қаласында тіркелген көліктерге «17» аймақтық нөмірі беріле бастағанын айтсақ болады. Бүгінде Шымкент қаласының мамандандырылған ХҚКО қала тұрғындарына жаңа нөмірлер беруді бастады. Осылайша «17» саны белгіленген нөмірдің алғашқы иегерлері де пайда бола бастады.

Елбасының жарлығымен маусым айында Шымкент қаласына республикалық маңызы бар қала мәртебесі берілгені белгілі. Жарлыққа қол қойылғалы өткен бір айда шаһарда әртүрлі тың бастамалар көтеріліп, сәтті жүзеге асырылуда. Соған орай «Нұр Отан» партиясы төрағасының бірінші орынбасары Мәулен Әшімбаев еліміздің үшінші мегаполисіне арнайы келіп, аталған бағыттағы жұмыстармен танысты.