Кентау қаласына қарасты Қарнақ ауылында жергілікті шаруа қожалықтары бірігіп, қарбыз өсіру бағытындағы ауыл шаруашылығы жобасын жүзеге асыруда. Шаруа қожалығының жетекшісі Юлдаш Абдуллаевтің айтуынша, биыл 15 гектар жерге 92 мың қарбыз көшеті отырғызылған. Қазіргі таңда оның 83 мыңнан астам көшеті жақсы өсіп, сақталған. Алқапта қарбыздың 6 түрлі сұрпы өсірілуде.
Мемлекет басшысы Қасым-Жомарт Тоқаевтың экономиканы әртараптандыру, агроөнеркәсіп кешенін дамыту, ауыл шаруашылығы өнімдерін терең өңдеуді ұлғайту, инвестиция тарту және экспорттық әлеуетті арттыру жөніндегі тапсырмалары Түркістан облысында кезең-кезеңімен жүзеге асырылып келеді. Облыс әкімі Нұралхан Көшеровтің үйлестіруімен аграрлық салада жүйелі жұмыстар атқарылып, өндірістен бастап қайта өңдеу мен экспортқа дейінгі барлық бағыттарда нақты нәтижелерге қол жеткізілуде.
Ауылдың әлеуетін арттырып, тұрғындардың табысын көбейтуге бағытталған «Ауыл аманаты» жобасы Созақ ауданында өз нәтижесін беріп келеді. Бағдарлама ауыл тұрғындарына тек жеңілдетілген несие ұсынып қана қоймай, кәсіп бастауына, жаңа жұмыс орындарын ашуына және отандық өнім өндіруіне кең жол ашуда.
Отырар ауданы, Қарғалы ауылында бидайға орақ салу науқаны басталды. Биыл 60 гектар алқапқа егілген бидайдың өнімділігі жоғары.
Созақ ауданында биылғы жиын-терім науқаны басталды. Диқандар маусымдық жұмыстарды уақытылы ұйымдастырып, егін жинау науқанын қарқынды жүргізуде. Аудан әкімі Мұхит Тұрысбеков Жон аймағындағы егіс алқаптарын аралап, науқан барысымен танысты. Жұмыс сапары барысында «Камила РБР» ЖШС-нің егіс алқабында болды.
Сауран ауданында аудан әкімі Мақсат Таңғатаровтың төрағалығымен кезекті аппараттық мәжіліс өтті. Жиында ауданның әлеуметтік-экономикалық дамуы мен мемлекеттік басқару жүйесінің тиімділігін арттыруға бағытталған бірқатар өзекті мәселелер қаралды.
Ауыл шаруашылығы министрі Айдарбек Сапаров Түркістан облысына жасаған жұмыс сапары барысында өңірдің ауыл шаруашылығы тауарын өндірушілерімен кездесті. Талқылаудың негізгі тақырыптары мемлекеттік қолдау шараларының тиімділігін арттыру, су үнемдеу технологияларын енгізу және ауыл шаруашылығы өнімдерін қайта өңдеуді дамыту болды.
Сауран ауданының Жаңа Иқан ауылдық округінде орналасқан шаруашылықта қарқынды алма бауының өнімін жинау жұмыстары қарқынды жүргізілуде. Жалпы аумағы 70 гектарды құрайтын алма бағында әр гектарға 2 мың түп алма ағашы отырғызылған.