Жаңадан құрылған Мақтаарал ауданында 2018-2019 оқу жылы қарсаңында мектеп оқушыларына «Орта білім беру ұйымдары үшін міндетті мектеп формасына қойылатын талаптарды бекіту туралы» ҚР Білім және ғылым министрінің 2016 жылғы №26 бұйрығы таныстырылып, аудандық білім бөлімі тарапынан тиісті жұмыстар жүргізілген. Алайда, Жаңажол ауылдық округіне қарасты Фирдауси ауылындағы А.Фердауси атындағы жалпы орта мектептің кейбір оқушылары министрдің бұйрығындағы талаптарды сақтамаған болатын.

Отырар ауданына ҚР Президенті Нұрсұлтан Назарбаевтың 5 қазан 2018 жылғы «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына арнаған Жолдауын насихаттау мақсатында ҚР Білім және ғылым министрлігі Мемлекет тарихы институтының директоры, тарих ғылымдарының докторы Бүркітбай Аяған бастаған республикалық ақпараттық-насихаттық топ өкілдері келді.

«Әзірет Сұлтан» қорық-музейінің қолдауымен жарық көрген «100 аңыз» кітабында әр түрлі кезеңдерде хатқа түскен, сондай-ақ ел ішінде ауызша айтылып келген халқымыздың аңыз-әфсаналары жинақталған.Кітап өзінің деректілігімен, бұрын соңды жарияланбаған тың мәліметтерімен құнды. Жинақ ғалым-мамандарға, оқытушыларға, жоғары оқу орнының студенттері мен жалпы көпшілік қауымға арналған.

Созақ ауданының орталығындағы «Даңқ» саяжолында «Алтын күз» ауыл шаруашылығы саласының қорытынды жиыны өтті. Оның аясында арзан бағада азық түлік өнімдерінің жәрмеңкесі, асыл тұқымды мал басының көрмесі, ұлттық спорт түрлерінен жарыстар, үздік өнім алған шаруа қожалықтарымен ауыл окуг әкімдіктері, үздік ауыл шаруашылық мамандары марапатталды. 

Елбасы Жолдауын насихаттау мақсатында Отырар ауданына ҚР Парламенті Сенатының депутаты Әли Әбдікәрімұлы Бектаев келіп, тұрғындармен кездесті. Кездесуге аудандық мәслихат депутаттары, ауылдық округ, поселке әкімдері, дербес бөлім басшылары, шаруа қожалықтарының төрағалары, қоғамдық ұйымдардың жетекшілері, аудан тұрғындары және білім, денсаулық сақтау салаларының қызметкерлері, аудандық бұқаралық ақпарат құралдарының өкілдері қатысы.

Өткен аптаның соңында Бәйдібек ауданына Н.Ә.Назарбаевтың Қазақстан халқына арналған «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауын насихаттау және түсіндіру бойынша облыстық ақпараттық-насихаттық топ келді. Насихаттық топты облыстық жұмыспен қамтуды үйлестіру және әлеуметтік бағдарламалар басқармасының басшысы Отаршиев Мұхит Баймұханбетұлы бастап келгенін айта кетейік.

Қазақстан Республикасы мемлекеттік қызмет істері және сыбайлас жемқорлыққа қарсы іс-қимыл агенттігінің Түркістан облысы бойынша департаментінің бастамасымен таяуда Сарыағаш ауданы әкімдігімен бірлесе іс-шара ұйымдастырылды.

Түркістан облыстық Ауыл шаруашылық басқармасы басшысының міндетін атқарушы Нұрбек Бадырақов Өңірлік коммуникациялар қызметінде брифинг өткізді. Баспасөз жиынында мекеменің жыл басынан бері жеткен жетістіктерін таныстырып, алдағы атқарылар жұмыс жоспарын баяндады. Айтуынша, 2018 жылдың 9 айында ірі қара мал басы саны 11 пайызға  артып, 972,6 мыңға жеткен. Қой мен ешкі саны 4,2 пайызға артып, 4323,0 мың басқа, жылқы 7,9 пайызға артып, 304,0 мың басқа, түйе 6,8 пайызға артып, 27,5 мың басқа, құс 8,2 пайызға артып, 1934,0 мың басқа көбейген. 

Таяуда Қазығұрт ауданының 90 жылдық мерейтойы атап өтілгені белгілі. Осыған орай ұйымдастырылған «Қазығұрт – адамзаттың рухани шыңы» атты ғылыми-теориялық конференцияда өңір басшысы Жансейіт Түймебаев «Қазығұрт қарыштап дами бермек», - деді. 

Түркістан облысындағы егістік жердің көлемі 807,4 мың гектарға жеткен. Өткен жылы бұл көрсеткіш 798,4 мың болғанын ескерсек, 9 мың гектарға артқанын аңғаруға болады. Мұндай жетістікке «Агроөнеркәсіптік кешенін дамытудың 2017 - 2021 жылдарға арналған мемлекеттік бағдарламасы» аясында жетіп отырмыз. Бұл туралы Өңірлік коммуникациялар қызметінде өткен баспасөз жиынында облыстық ауыл шаруашылық басқармасының басшысының міндетін атқарушы Нұрбек Бадырақов мәлімдеді.