25-қазан – Республика күні! Осы бір мерекелі күнді жоғары дәрежеде атап өту мақсатында қалалық білім бөлімі біршама іс-шараларды жоспарлап, іске асыруда. Солардың бірі – балабақша бүлдіршіндері арасында ұйымдастырылған «Өнерім саған – Қазақстан!» атты фестивалі болды.
«Баршаға қолжетімді сапалы білім» Ұлттық баяндамасы аясындағы 2024-2025 оқу жылында Түркістан облысында іске асырылатын Жол картасын орындау мақсатында Түркістан облысы білім басқармасы «Білім беруді дамыту орталығының» ұйымдастыруымен Түркістан қаласы білім бөлімінің әдіскерлері мен бір топ ұстаздары Жетісай ауданында болып, әріптестеріне өз тәжірибелерімен бөлісті.
Жуырда Түркістан қаласы білім бөлімінің басшысы Оразкүл Шайхықызының ұйытқы болуымен «Болашақ» бөбекжай-бақшасында балабақшалардың дене шынықтыру нұсқаушылары арасында «Алаңдағы бестемше» ұлттық ойынының қалалық кезеңі ұйымдастырылды.
Әлемдегі мыңдаған кәсіптердің ішінде Ұстаздық – ең ұлағатты кәсіп. Себебі, ұстаздар жастардың болашағын айқындайтын, тәрбие нәрін себетін, білім үйрететін ұлы тұлға екендігін жақсы білеміз. Ұстаз болашақ азаматтарды ғана емес, бүкіл болашақ қоғамды қалыптастырады. Педагогтар тек білім беру ісінде ғана емес, мемлекеттің кез-келген саласында белсенді қызмет атқарып, еліміздің дамуы мен гүлденуіне өлшеусіз үлес қосып келе жатқан бірегей мамандық иегерлері.
Осымен он жетінші рет өткізіліп отырған жаратылыстану-математика циклы пәндері бойынша Президенттік олимпиада бастау алды. Бүгін мектеп бітіруші 11-сынып оқушылары М.Шоқай атындағы №24 жалпы білім беретін мектепте өткен олимпиаданың қалалық кезеңіне қатысып, білімдерін сынады.
Ибрагимова Гулсин әжеміз қаламыздағы ғана емес, облысымыздағы ең көп өмір сүрген ұлағатты ұстаздардың бірі. Бірі кем бір ғасырдың жүзін көрген ұстазымыз 1944 жылдан бастап Хамза атындағы №2 жалпы білім беретін мектепте биология және еңбек пәнінің мұғалімі болып 44 жыл үздіксіз еңбек еткен.
Бүгін Түркістан қаласындағы М.Жұмабаев атындағы №15 мектеп-гимназиясында маңызды басқосу өтті. «Көрсетілген білім беру қызметін алушылар бойынша дербестендірілген қаржыландыруды ескере отырып, мектепке дейінгі тәрбие мен оқытуға мемлекеттік білім беру тапсырысын орналастыру жөніндегі пилоттық жобасын жүзеге асыру қадамдары тақырыбында өткізілген басқосуға Қазақстан Республикасы Оқу-ағарту министрлігінің мектепке дейінгі оқыту және тәрбиелеу департаментінің директоры М.Елекеновна, Бюджеттік жоспарлау департаментінің директоры Е.Илясұлы, «Smart Nation» орталығының маманы Г.Есет және ата-аналар қатысып, тақырыпқа сай мәселені талқылады.
Облыстық әдістемелік орталықтың жылдық жоспарына сәйкес өзге ұлт мұғалімдері арасында барлық пән бойыша «Мемлекеттік тілді білу — парызым» атты байқау ұйымдастырылды.