Бүгін М.Әуезов атындағы Оңтүстік Қазақстан университетінде республикалық пәндік олимпиада жеңімпаздары марапатталып және олардың жетекшілеріне құрмет көрсетілді. «AUEZOV UNIVERSITY»: БІЛІМ КӨШБАСШЫЛАРЫ - 2024» атты жеңімпаздар үшін арнайы ұйымдастырылған салтанатты іс-шарада республикалық додаларда топ жарған оқу ордасының 100-ге жуық студенті Алғыс хатпен марапатталды.
«Zhas Project» жастардың бастамалары мен идеяларын қолдауға арналған мемлекеттік жоба. Жеңімпаздарға мемлекеттік грант, яғни қаржылай сыйақы беріледі. Бұл жоба 2024 жылдың 3 қаңтарынан бастап Қазақстанның 20 аймағында басталған болатын. Шымкент қаласымен Батыс Қазақстан Облысында Жастар корпусын дамыту бойынша «Zhas Project» жобасын «Корган-М» ҚБ жүзеге асыруда.
Талап бойынша конкурсқа қатысу үшін ұсынылатын әлеуметтік жобалар жергілікті қоғамдастықтың өзекті мәселелерін шешуге бағытталуы және Қазақстан Республикасының заңнамасына қарсы келмеуі тиіс.
Бүгін еліміздің барлық мектептерінде «Білімім-Отаныма» атты бірыңғай сынып сағаты өтті. Шымкентте қалалық білім басқармасына қарасты 272 мектептің барлығы бірыңғай сынып сағатын еліміздің Әнұранымен ашты.
Сынып сағатының аясында ҚР Оқу-ағарту министрі Ғани Бейсембаев барлық мектеп оқушыларын 2023-2024 оқу жылын табысты аяқтауымен құттықтады.
2024 жылы аудан бойынша 2 мектептің құрылысы аяқталып, ағымдағы жылдың 1 қыркүйегіне дейін пайдалануға беріледі деп күтілуде. Бұл туралы аудан әкімінің міндетін атқарушы Сейтжанов Жансұлтан Әділжанұлы тоғыз жолдың торабы Темір және аудан орталығы Шәуілдір ауыл округтерінің тұрғындарымен кездесу барысында атап өтті. Кездесуде ауданның 2023 жылғы әлеуметтік-экономикалық дамуы туралы баяндаған соң, алда тұрған міндеттер мен атқарылатын жұмыстарға тоқталды.
Таяуда Отырар ауданының алдыңғы қатарлы білім ордаларының бірі Ө.Жәнібеков атындағы №4-жалпы орта лицей-интернатында облыстық Фараби геометриялық олимпиадасы күткендегідей өз дәрежесінде жоғары деңгейде өткізілді.
М.Әуезов атындағы Оңтүстік Қазақстан университетінде ректор кубогіне арналған 10, 11, 12 сынып оқушылары арасында екі күндік І Республикалық «AUEZOV SCHOOL CUP» пікірсайыс турнирі өтті.
Алғаш рет ұйымдастырылған турнирге «Ақиқат» пікірсайыс орталығынан 70, еліміздің 6 аймағынан 120-ден аса үздіктердің үздігі саналған пікірсайысшылар қатысып, бағын сынады.
Биыл Шымкент қаласы бойынша 11 сыныпты 13 286 оқушы және 9 сыныпты 21 777 оқушы бітіреді. 9-сынып пен 11 сынып бітіруші түлектерге арналған аттестаттарды сатып алу үшін бюджеттен 31 млн. 235 мың 674 теңге қаржы қаралып, бүгінде тапсырыс берілді. Бұл туралы Өңірлік коммуникациялық орталығында Шымкент қаласы білім басқармасының басшысы Нұргүл Шәмшиева айтты.
Жалпы орта білім беру ұйымдарындағы 245 862 оқушының 232 424 оқушысы (94,5 %) жазғы демалыспен қамту жоспарлануда. Оның ішінде 19 024 бала және кәсіподақ тарапынан 90 бала қала сыртындағы және 213 400 бала мектеп жанындағы алаңдарда демалады.