Түркістан қаласында 6-7 қараша күндері «Әзірет Сұлтан» мемлекеттік тарихи-мәдени қорық-музейі» РМҚК және Қожа Ахмет Ясауи атындағы Халықаралық қазақ-түрік университетінің ұйымдастыруымен «Ұлы даланың ұлы есімдерін» ұлықтау мақсатында және «Жастар жылына» орай дәстүрлі «Ясауитану-2019» республикалық байқауы өтті. 3 кезең, 4 ереже, 7 міндеттен тұратын бұл сайысқа еліміздің 17 өңірінен дарынды оқушылар қатысты.
Биыл Қазақстанның еңбек сіңірген өнер қайраткері Кенен Әзірбаевтың туғанына – 135 жыл. Осыған орай Қазығұрт ауданы Жаңабазар ауыл округіне қарасты Кенен Әзірбаев мектебінде «Алатаудың ақиығы» атты кездесу болып өтті. Елбасының "Болашаққа бағдар: Рухани жаңғыру" мен «Жастар жылы» аясында ұйымдастырылған кеште халқымыздың салт-дәстүрі, мәдениеті мен тарихы насихатталды.
Шымкент қаласы әкімінің бірінші орынбасары Қайрат Нұртай «KIMEPUNIVERSITY» АҚ президенті Бэнг Чай Йан мырзамен кездесті. Жүздесу барысында университет президенті Чан Йан Бэнг мырза Шымкент қаласының білімді һәм талантты оқушыларына университет атынан 20 грант ұсынды.
Шаһар басшысы Ерлан Айтаханов Шымкенттегі 82 жылдық тарихы бар, іргелі білім ошақтарының бірі Оңтүстік Қазақстан мемлекеттік педагогикалық университетінің студенттерімен кездесті. Жастармен кездесу оқу ордасының археологиялық көрме орталығындағы зерттеу жұмыстарының жәдігерлерімен танысудан басталды.
Ұлтқа қызмет етудің озық үлгісін көрсеткен, қазақтың ардақты ұлдары, мемлекет қайраткерлері Сұлтанбек Қожанов пен Тұрар Рысқұловқа – биыл 125 жыл. Еліміздің түкпір-түкпірінде мерейтойға арналған түрлі деңгейдегі мерекелік шаралар өткізілуде. Бүгін айтулы іс-шара Шымкент қаласында да өз жалғасын тапты. Шымкент қаласы әкімдігінің ұйымдастыруымен мемлекет қайраткерлеріне арналған «Тұғыры биік тұлғалар» атты республикалық ғылыми-тәжірибелік конференциясы өтті.
Шымкент қаласында «Тұлпар мініп, ту алған!» байқауы өз мәресіне жетті. Сайысқа Шымкент шаһары бойынша 116 мектептен 1094 оқушы, 610 мұғалім қатысты. Қалалық кезеңге 4 ауданнан (Абай, Әл-Фараби, Еңбекші, Қаратау) 12 оқушы іріктеліп өткен болатын.
Шымкентте «QazaqEpos» республикалық ағарту жобасының «Тұлпар мініп, ту алған!» байқауы аяқталды. Ережеге сәйкес 6-11-сынып оқушылары «Қобыланды батыр» жырын жатқа айтудан сайысқа түсті. Сонымен қатарқатысушылар жырдың ішіндегі көнерген, тарихи сөздердің мағынасын ашып, қазақ тілі мен әдебиеті оқулығы бойынша әзірленген сұрақтарға жауап берді. Сайыста жүзден жүйрік, мыңнан тұлпар атанған оқушылар мен олардың ұстаздарын бүгін Шымкент қаласының әкімі Ерлан Айтаханов марапаттады.
Кереғар діни ағымдардың алдын алу үшін мектептердегі «Дінтану» пәні мұғалімдерінің біліктілігін арттыру қажет. Білім ұясында ислами ілімді терең ұғынған бала жат пиғылдағы ұйымның жетегіне еріп кетпейді. «Зайырлық таным және кереғар діни ағымдар» тақырыбында Шымкентте бас қосқан пән мұғалімдері осы мәселенің өзектілігіне тоқталды.