Түркістан облысының әкімі Өмірзақ Шөкеев Екатеринбург қаласында өткен бокстан әлем чемпионатының және Ақтөбе қаласында өткен ұлттық спорт түрлері сайысының жеңімпаздары мен олардың бапкерлерімен жүздесіп, оларды жеңістерімен құттықтады.
Ақтөбе қаласында қазақтың ұлттық спорт түрлерінен өткен фестиваль өз мәресіне жетті. 4 жылда бір өтетін спорт додасында жалпыкомандалық есепте жеңіске жеткен Түркістан облысының спортшылары бірінші орынды қанжығаға байлады.
Бүгін жалпы Түркістан облысы бойынша қыздар арасында волейболдан мектеп лигасы басталды. Шардаралық "Шағала" мен түркістандық "Қызғалдақ" командасының арасындағы алғашқы кездесу барысы халықаралық турнирдегідей қызу өтті.
Бәйдібек ауданы Ақбастау елді мекеніндегі Шоқан Уәлиханов атындағы жалпы орта мектебінде жастар арасында волейболдан жарыс өтті. Ұлы Абай Құнанбайұлының 175 жылдығына орай ұйымдастырылған додаға 8 команда қатысып үздіктерін анықтады. Сондай-ақ күні кеше бокстан жастар арасында Түркістан облысының чемпионаты бастау алды.
Жерлесіміз Тілектес Әділ Бақытжанұлы 1998 жылы Түлкібас ауданының Т.Рысқұлов ауылында дүниеге келген. Жастайынан спортты жанындай жақсы көретін Әділ еркін күрес, грек-рим спортымен шұғылданып келеді.
Арыс қаласында халықаралық талаптарға сай жабдықталған жаңа спорт кешені ашылды. Орталықта бір мезетте 100-ге жуық спортшының жаттығу жасауына толық мүмкіндіктер қарастырылған. Заманауи кешенде бір спорттық ойындар өткізетін және екі күрес залы бар. Нысан "Самұрық-Қазына" ұлттық әл-ауқат қоры" акционерлік қоғамының демеушілігімен салынып, өңір тұрғындарының игілігіне берілді.
Бүгін аудан әкімі Ақментай Есбаев аудан орталығы Абай ауылында құрылысы жүріп жатқан нысандарды аралап көрді. Аудандық мәслихат хатшысы, аудан әкімінің орынбасарлары және мердігер мекеме басшыларымен бірге құрылыстың барысымен танысып, сонымен қатар сапасына назар аударып, мерзімінде аяқтау бойынша тиісті тапсырмалар берілді.
Түркістанда баскетболдан 2006-2007 жылы туған жасөспірімдер арасында өткен халықаралық бәсекеде топ жарған мектеп оқушылары марапатталды. Байрақты бәсекеде көне шаһардағы №8 Нәзір Төреқұлов атындағы жалпы орта мектебінің оқушы қыздары топ жарған болатын.