Түркістан қаласында жастар мен жасөспірімдер арасында бұқаралық спортты насихаттауға бағытталған «Жазғы ашық алаң ойындарының» кезекті жарысы өтті. Жаңа қала шағын ауданындағы ашық алаңда ұйымдастырылған спорттық шараға 200-ге жуық жасөспірім қатысты.
Сарыкөл ауылында балалар мен жасөспірімдердің бос уақытын тиімді ұйымдастыруға арналған заманауи футбол алаңы пайдалануға берілді. Бұл жоба ауыл тұрғындарының аудан әкімі Қайрат Жолдыбайұлына білдірген өтініші негізінде жүзеге асты. Сарыкөлдіктер балалардың спортпен тұрақты айналысуына мүмкіндік беретін ойын алаңшасын салып беру туралы өтініштерін жеткізген болатын.
Түркістан облысының әкімі Нұралхан Көшеров Сауран ауданына жұмыс сапарымен барып, Шорнақ ауылында бой көтерген жаңа спорт кешенінің ашылу салтанатына қатысты. Облыс әкімі тұрғындарды спорт нысанының ашылуымен құттықтап, бұқаралық спортты дамыту – мемлекет саясатының басым бағыттарының бірі екенін атап өтті.
Аудан әкімі Мұхит Тұрысбеков халықаралық ареналарда еліміздің және аудан мерейін асқақтатып жүрген созақтық спортшылар – Әкбар Елубайұлы мен Ғалымжан Жасұлановты арнайы қабылдап, құрмет көрсетті.
Түркістан қаласында тұрғындардың салауатты өмір салтын қалыптастыруға және бұқаралық спортты дамытуға бағытталған жаңа спорт кешендері жақын күндері ел игілігіне беріледі. Осыған орай қала әкімі Әзімбек Пазылбекұлы нысандарды аралап, құрылыс жұмыстарының аяқталу барысы мен пайдалануға дайындығын тексерді.
Түркістан қаласында 20 шілде – Халықаралық шахмат күніне орай ашық турнир ұйымдастырылды. Дүбірлі додаға қала тұрғындары мен облыстың әр өңірінен келген шахматшылар қатысып, өзара мықтыны анықтауда.
Индонезияның Джакарта қаласында 3-16 шілде аралығында бокстан U19 және U23 жас санаттары бойынша өткен Азия чемпионатында Қазақстан ұлттық құрамасы сапында өнер көрсеткен Түркістандық былғары қолғап шеберлері ел қоржынына 2 алтын және 2 күміс медаль салды.
Тұрғындарға қолайлы әрі қауіпсіз орта қалыптастыру бағытындағы абаттандыру жұмыстары тұрақты түрде жалғасуда. «Жасыл Түркістан» коммуналдық мемлекеттік мекемесінің қызметкерлері балалар ойын және спорт алаңшаларын күтіп-баптау, жөндеу және қайта қалпына келтіру жұмыстарын, сондай-ақ көше бойындағы ағаштарды санитарлық қырқу, қураған ағаштарды тазалау және газондарды шабу жұмыстарын күнделікті атқаруда.