Созақ ауданының әкімі Мұхит Тұрысбеков жұмыс сапарымен Созақ ауылында болып, елдімекенде жүзеге асырылып жатқан бірқатар нысандардың құрылыс барысымен танысты. Жобалардың орындалу сапасын тексеріп, мердігер мекемелерге құрылыс жұмыстарының сапасы мен мерзімдік тәртібіне ерекше назар аударуды тапсырды.
Созақ ауданының орталығы Шолаққорған ауылындағы Жеткіншек мөлтек ауданында жеке ивестор арқылы екі қабатты үш тұрғын үйдің құрылысы басталды. Әр тұрғын үйде 8 пәтерден орналастырылып, барлығы 24 пәтер ел игілігіне берілмек. Жоба әлеуметтік жағынан осал топтағы азаматтарды қолжетімді баспанамен қамту мен өмір сапасын арттыруға бағытталған.
Созақ ауданының әкімі Мұхит Тұрысбеков кіші футболдан «Ұлттық мектеп лигасы – 2025» республикалық турнирінде жеңімпаз атанған Ләнде Бөкенов атындағы жалпы білім беретін мектебінің 9–11 сынып оқушылары құрамасынан құралған жас спортшыларды арнайы қабылдап, құрмет көрсетті. Жеңімпаз команда мүшелері мен бапкерлеріне алғыс хаттар мен сый-сияпат табыс етіп, құрмет көрсетті.
Созақ ауданының әкімі Мұхит Тұрысбеков кезекті есеп беру жиынын Жуантөбе ауылдық округінде жалғастырды. Жиынға аудандық мәслихат төрағасы Ордабек Жәмиев және бірқатар аудандық мәслихат депутаттары, аудан әкімдігінің бөлім, мекеме басшылары мен бірқатар сала мамандары қатысты.