Елімізде Мемлекет басшысының тапсырмасымен Ұлы Жеңістің 80 жылдығы кең көлемде аталып өтуде. Осы орайда, Ордабасы ауданында да әкімдік тарапынан мерекелік шараларға арнайы бағдарлама бекітіліп, оған аудандағы барлық сала өкілдері мен барша аудан жұрты атсалысып, елдік пен батырлықтың мейрамы кеңінен мерекеленуде.

Ордабасы ауданының әкімі Азат Оралбаевтың төрағалығымен кезекті аппарат жиыны өтті.  Кезекті мәжіліске аудан әкімінің орынбасарлары, аудан әкімі аппаратының қызметкерлері, дербес бөлім басшылары, ауыл округтерінің әкімдері және тиісті сала басшылары қатысты.

Отырар ауданында Отырар ауданының 90 жылдығы аясында «Ақ кимешек – ұрпаққа үлгі» атты әжелер байқауы өтті. Байқаудың негізгі мақсаты – ұлттық құндылығымыздың қайнар көзі, тәрбиенің бастауы болған әжелеріміздің бойындағы ізгілікті өскелең ұрпаққа жеткізе білу және ұмыт бола бастаған салт-дәстүрімізді кеңінен насихаттау болды.

Сауран ауданына қарасты Иассы ауылдық округінде бой көтеріп жатқан өндірістік аймақтың құрылысы қарқынды жүруде. Аудан әкімі Мақсат Таңғатаров осы өндіріс аумағына арнайы барып, жүргізіліп жатқан жұмыстардың барысымен танысты.

Ордабасы ауданында кәсіпкерлер қатары күн санап артуда. Солардың бірі – Ықыластемір ауылының тұрғыны, көп балалы ана Гүлдәурен Қалдыбаева. Ол мемлекеттік қайтарымсыз грантты тиімді пайдаланып, құс шаруашылығын қолға алған шағын кәсіпкер.

Отырар ауданында «Таза Қазақстан» шарасы аясында серпінді сенбілік өтті. Отырар ауданының 90 жылдығына орай ұйымдастырылған тазалық жұмыстарына аудандағы жалпы кәсіпорындардың, қоғамдық, бюджеттік ұйымдардың қызметкерлері мен аудан тұрғындары, жалпы 1000-нан аса адам қатысты.

Ордабасы ауданында тұрғындарды толғандырған жолаушылар тасымалына қатысты мәселелер оң шешімін тауып, аудан көлемінде 11 әлеуметтік маңызы бар бағыттар жергілікті бюджеттен субсидияланып, қоғамдық көліктермен қамтамасыз етілген болатын.

Сауран ауданы әкімдігінің кезекті апталық мәжілісі өтті. Жиынға аудан әкімі Мақсат Таңғатаров төрағалық етіп, ауданның әлеуметтік-экономикалық дамуына қатысты өзекті мәселелер қаралды. Күн тәртібіне үш негізгі мәселе енгізіліп, тиісті сала басшылары баяндама жасады.

Түркістан облысының әкімі Нұралхан Көшеров Ордабасы ауданына іс-сапары барысында мұнай өңдеу зауытында болып, жұмысымен танысты. Ауданда өндірісті дамытуға күш салынған. Өңір басшысы осы бағыттағы жұмыстарға басымдық беруді тапсырды.

Сауран ауданының әкімі мен Қытайдың “Xinjiang Shihezi Tianshan Machinery Manufacturing Co., Ltd.” компаниясы өкілдерінің арасында маңызды кездесу өтті. Кездесуде ауыл шаруашылығы техникасын өндіретін компания ауданда өз филиалын ашуға мүдделі екенін жеткізді.