Шымкент қаласының мемлекеттік қызметшілерінің еңбекақылары Қазақстан Республикасының орталық мемлекеттік органдарының деңгейіне дейін көтеріледі. Қазақстан Республикасы Парламентінің Мәжілісінде Қазақстан Республикасының Қаржы министрі Бақыт Сұлтанов жаңа Түркістан облысын қалыптастыруға байланысты бюджетке өзгерістер енгізудің және Шымкент қаласына республикалық маңызы бар қала мәртебесін берудің шарттары туралы әңгімеледі.

Шымкент қаласындағы үлкен құрылыс алаңдарының бір болып табылатын Темірлан тас жолының «Бекжан» базары маңындағы жолайырық құрылысында дәл қазір жұмыс қызу жүріп жатыр. Ең басты айта кететін жаңалық – мердігер компания құрылыс жұмыстарын мерзімінен бұрын аяқтауды жоспарлап отыр екен. Таяуда Шымкент қаласының әкімі Ғабидолла Әбдірахымов осындағы құрылыс жұмыстарының барысымен танысып қайтты.

Шымкент республикалық қала мәртебесін алып, әкімдері ауысқанымен, бұрынғы басшылардың бастамасы жалғасын табатын болды. Мұны қала әкімі Ғабидолла Әбдірахымовтың Қошқарата өзенінің жағалауын абаттандыру жұмыстарымен танысып шығуынан-ақ аңғару қиын емес. 

Үкімет отырысында ҚР Премьер-Министрі Бақытжан Сағынтаев Ғабидолла Әбдірахымовты Шымкент қаласының әкімі болып тағайындалуымен құттықтады. 

Шымкент қаласының жұмыспен қамту және әлеуметтік бағдарламалар бөлімі қала тұрғындарымен интернет-конференция өткізді. 22-26 маусым аралығында өткен конференцияда тұрғындардың сұрақтарына бөлім басшысы Мұхит РахматілләұлыНышамбаев жауап берді. Шымкент қаласы әкімдігінің ресми сайтында өткен конференция барысында түскен сұрақтар мен жауаптардың бірқатарын назарларыңызға ұсынғанды құп көрдік. 

Шымкент қаласында алғаш рет орыс драма театрының сахнасында «Кавказ аңғары» студиясының ұйымдастыруымен Кавказ биінің кеші өтті. Бір жарым сағатқа созылған концерт жиналғандардың көңілінен шықты. Ал көрермендердің шапалағы би студиясы оқушыларының текке тер төкпегенін дәлелдей түсті.

Шымкентте алғаш рет «ONTUSTIK FASHION WEEK 2018» байқауы өтті. «Үздік» атану және ақшалай сыйлыққа ие болу үшін ең жас және дарынды дизайнерлер өзара бақ сынасты.

Шымкентте балаларға арналған сән көрсетілімі өтті. 13 дизайнер қыздар мен ұлдарға арналған үздік және стильді жаңа туындыларын көрсетті. Бағаның қолжетімділігі туралы айтуға тым ерте, бірақ сарапшылар атап өткендей, Шымкенттегі көрсетілім жаңа, неғұрлым кәсіби деңгейге көшкен.

Таяуда Шымкенттің орталық саябағында Француз альянсының ұйымдастыруымен «Fete de la musique» атты фестиваль өтті. 1982 жылы алғаш рет Францияда пайда болған бұл фестиваль жыл сайын барлық деңгейдегі музыканттар мен жанрларды біріктіріп келеді. Бүгінгі таңда бұл әлемнің жүзден астам елінде өткізілетін музыка саласындағы әлемдік оқиға деуге болады.