«Заң» Медиа-корпорациясы» ЖШС мұрындық болып, өткізіп жүрген Кемел Тоқаев атындағы детектив шығармалар байқауы бүгін өз мәресіне жетті. Биыл жетінші рет ұйымдастырылып отырған додаға Шымкент қаласының әкімдігі қолдау көрсетіп, жеңімпаздарды марапаттау жиынына қала әкімі Ғабит Сыздықбеков өзі қатысты. Сонымен қатар, Президент кеңесшісі, байқаудың әділ-қазылар алқасының төрағасы Берік Уали, Түркістан облысының әкімінің орынбасары Бейсенбай Тәжібаев, Парламент сенатының депутаты Айгүл Қаппарова қатысып, жеңімпаздардың мерейін көтерді.

Кімде-кім ұлтының болашағы, туған халқының игілігі жолында жан аямай еңбек етсе, оның есімі туған халқымен бірге мәңгі жасайды. Бүкіл саналы ғұмырын қазақ әдебиетіне, ұлт руханиятын сақтау жолына арнаған Ханбибі Есенқарақызы —сондай есімі елімен бірге мәңгі жасайтын көрнекті тұлғалардың бірі.

Қаладағы “Көрме” орталығында «Қазақстан Республикасы мəслихаттарының 30 жылдығына» арналған мерекелік іс-шара өтті. Мерекелік жиынға Шымкент қаласының әкімі Ғабит Сыздықбеков, ҚР Парламент Сенаты және Мәжілісінің депутаттары, мәслихат депутаттары, мәслихат ардагерлері, қоғам қайраткерлері, еңбек ардагерлері қатысты.

Шымкент қаласында Еңбек мобильділігі орталығы жұмыссыз тұрғындарды жұмыс берушілердің сұранысы мен білім беру ұйымдарының ұсынысына сәйкес қысқа мерзімді кәсіптік оқытуға бағыттап келеді. Қазіргі таңда 26 оқу орталығында 597 азамат үш айлық кәсіптік білімін жетілдіруде.

Алматы облысынан жас толықтырым Шымкенттегі ҚР ІІМ Ұлттық ұланының 6506 әскери бөліміне келді. Әскери бөлімнің саптық алаңында жас сарбаздарды әскери оркестрдің үнімен қарсы алды.

Өңірлік коммуникациялар қызметінің алаңында «Шымкент қаласы бойынша цифрландыру басқармасының 2024 жылдың 10 айында атқарған жұмысының қорытындысы туралы» тақырыбында  баспасөз конференциясы өтті.

Шымкент қаласындағы мектепке дейінгі балаларды балабақшамен қамтуда енгізілген ваучерлік қаржыландыру жүйесі өзге өңірлердің қызығушылығын тудыруда.

Соңғы уақытта Шымкентте жаңа қоғамдық орын салуға ниетті компаниялар саны артып келеді. Қала әкімдігі үнемі мегаполисті дамытуға және тұрғындар мен қонақтар үшін қолайлы әрі жайлы орта қалыптастыруға бағытталған бизнес жобаларды қолдауға дайын.

Шымкент қаласының тұрғыны, көпбалалы ана Раушан Жантөреқызы мемлекеттен осы жылы 400 АЕК көлемінде қайтарымсыз грант алып, кептірілген жеміс бизнесін қолға алды. Ол бұл істі өз балаларының денсаулығын жақсарту мақсатында бастаған. Раушан дүкен сөрелеріндегі тәттілер мен қытырлақ тағамдардағы химиялық қоспалардың зияндылығын байқаған соң, балаларына табиғи әрі пайдалы өнім ұсыну жолын іздеген.

Шымкент қаласының кәсіпкерлер палатасында кәсіпкерлердің құқықтарын қорғау және сыбайлас жемқорлыққа қарсы іс-қимыл жөніндегі кеңестің отырысы өтті.