Өңірде өндірісті дамыту, инвестиция тарту және инфрақұрылым жүргізу бағытында ауқымды жұмыстар атқарылуда. Қазіргі таңда Түркістан облысының индустриалды аймақтарында жалпы құны 130,3 млрд теңге болатын 100-ге жуық инвестициялық жоба жүзеге асырылып жатыр.
Түркістан қаласы әкімінің орынбасары Талғат Төлегеновтің төрағалығымен қала аумағындағы рұқсатсыз және ретсіз орналастырылған сыртқы жарнамаларды ретке келтіру бойынша мәжіліс өтті. Жалпы, сыртқы жарнамалардың заң талабына сай орналастырылуы – тұтынушылардың құқықтарын қорғаудың, сыйлаудың бір түрі ретінде есептеледі. Жергілікті халықтың түсінуіне қиын, тіл заңдылығы сақталмаған, бейберекет орналастырылған жарнамалар тұтынушы құқын бұзып қана қоймай, қала келбетіне де кері әсерін тигізері анық.
Бүгін ауданымызда Мемлекет басшысы Қасым-Жомарт Кемелұлы Тоқаевтың «Заң мен тәртіп» қағидасын ел арасында кеңінен насихаттау мақсатында өткен форумға облыс әкімдігі жанынан құрылған арнайы мобильді топ өкілдері, аудан аумағындағы барлық мемлекеттік мекеме қызметкерлері, ардагерлер және аудан тұрғындары қатысты.
Түркістан облысының әкімі Нұралхан Көшеров «China Railway Asia-Europe Construction Investment Co., Ltd.» компаниясының бас директоры Чжоу Хайвэймен ресми кездесу өткізді.
Облыс әкімдігінде Мақтаарал ауданы Атамекен кеден бекеті маңында жүзеге асырылуы жоспарланған «Орталық Азия» халықаралық өнеркәсіптік кооперация орталығына қажетті инфрақұрылым желілерін жеткізу мәселесі және орталықтың әлеуеті талқыланды.
Түркістан қаласының жол-көлік инфрақұрылымын жақсарту мақсатында жүйелі жұмыстар жалғасуда. Қазіргі таңда қала аумағында 845 шақырым жол мен 875 көше бар. 2024 жылдың қорытындысы бойынша жолдардың 50,3 пайызы жақсы және қанағаттанарлық жағдайда.
Түркістан облысында өндіріс орындарын ашуға аймақтағы өндіріс орындарын заман талабына сай дамытуға басымдық берілген. Бұл ретте Түркістан облысы әкімдігі тарапынан нақты жұмыстар атқарылуда.
Түркістан облысында мемлекеттік сатып алу саласындағы кемшіліктер мен өзекті мәселелер облыс әкімдігінің мәжілісінде кеңінен қаралды. Жиынға облыс әкімі Нұралхан Көшеров төрағалық етті. Мәжілісте өңірде атқарылып жатқан жұмыстар мен мемлекеттік сатып алудың заңнамалық талаптарға сай жүргізілуі мәселесі көтерілді.