«Әр бала – еліміздің болашағы. Оларға тек білім мен тәрбие беріп қана қоймай, балалықтың бақытты шағын сезінулері үшін тынымсыз еңбек ету қажет. Сол мақсатта Түркістан қалалық білім бөлімі биылғы жылы жазғы лагерлерде демалатын балалардың санын да арттырып отыр.
Түркістан қаласының білім бөлімі Қазақстан Республикасы Оқу-ағарту министрінің "Үздік педагог" атағын беру қағидаларын бекіту туралы 2015 жылғы 16 қаңтардағы №12 бұйрығы (02.06.2023 ж. №157 бұйрығына сәйкес енгізілген өзгерістермен) негізінде 2024 жылдың шілде айында Түркістан қаласының мектепке дейінгі және жалпы орта білім беру ұйымдарының педагогтері арасында "Үздік педагог" атағын беру конкурсының І кезеңі өтетінін хабарлайды.
Бүгін Түркістан қаласындағы барлық мектептерде түлектерге аттестаттарды тапсыру салтанатты шаралары өтіп, ұстаздар қауымы тағы бір буынға ізгі ниеттерін жолдап, мектеп табалдырығынан шығарып салды. М.Жұмабаев атындағы №15 мектеп-гимназиясында өткен салтанатты шараға қатысқан Түркістан қаласы білім бөлімінің басшысы Оразкүл Қолдасова жас түлектерге ақ тілегін жолдап, мектеп бітіргендігі туралы аттестаттарын салтанатты түрде табыс етті.
Тағы бір оқу жылы артта қалып, жаңа бір буын үлкен өмірге қанат қаққалы отыр. Мектеп бітіруші түлектер мемлекеттік емтихандарын сәтті аяқтап, қолдарына аттестатттарын алғалы отыр. Бұл – бала үшін өміріндегі естен шықпас ең маңызды сәт. Сондықтан да жас жеткіншектер бұл кезеңді лайықты атап өткісі келетіндігі ақиқат. Ересектер де жасөспірімдердің қуанышына ортақ болғанымен, олардың қауіпсіздігін бір сәт те естен шығармағаны абзал.
Түркістан облысы әкімі аппаратының апталық мәжілісінде «Жайлы мектеп» жобасының жүзеге асырылу барысы кезекті рет пысықталды. Облыс әкімі Дархан Сатыбалды мектеппен қамту ісінің маңызды екеніне тоқталып, инфрақұрылыммен жасақтау, құрылысты кестеге сай жүргізу жөнінде тапсырма берді.
Бүгін Түркістан облысының әкімі Дархан Сатыбалды Келес ауданынан арнайы барды. Іссапар барысында Біртілек ауылдық округіндегі 300 орындық мектептің құрылыс жұмыстарымен танысты. Өңір басшысы білім нысанын салу барысында сапаға баса назар аударуды атап өтті.
Сарыағаш ауданының әкімі Арман Абдуллаев Дербісек ауылдық округі, Дербісек елді мекенінде салынып жатқан 900 орындық «Жайлы мектептің» құрылыс жұмыстарына арнайы барып, бақылады.
Бүгін Қожа Ахмет Ясауи атындағы Халықаралық қазақ-түрік университетінде Түркістан облысы бойынша «Мамандығым – болашағым» өңірлік жобалық кеңсесінің ашылу салтанаты өтті.