Бүгін «13 Легион» workoutкомандасы және Шымкент қаласының әкімдігі Әл-Фараби алаңында «Миллион рет кеудені жерден көтеру» деп аталатын ауқымды акцияны ұйымдастырды. Шымкенттің мегаполистер қатарына қосылуына орай қала тұрғындары кеудені жерден көтеру жаттығуын миллион рет орындады.
Шымкент қаласындағы «Жайлаукөл» демалыс аймағында 1 маусым – халықаралық балаларды қорғау күніне арналған «Әрқашан күн сөнбесін» атты мерекелік шара өткізілді. Шара барысында балалар үйінде тәрбиеленіп жүрген 350-ге жуық жеткіншекке сый-сияпат жасалды. Оған облыс әкімі Жансейіт Түймебаев пен Шымкент қаласының әкімі Нұрлан Сауранбаев қатысып, бүлдіршіндерді мерекелерімен құттықтады.
1 маусым – халықаралық балаларды қорғау күніне орай баланың шат күлкісі Шымкенттің Орталық саябағын да кернеді. Бейбітшілік белгісі үшін «Тәубе!» дегендер жас өрендердің тамаша әні, мың бұралған биіне куә болды. Мерекеге орай балғындар қиял-ғажайып ойларын асфальт бетіне бейнелеп, сурет арқылы жеткізді.
Шымкент қаласы білім бөлімінің ұйымдастыруымен 1 маусым – халықаралық балаларды қорғау күніне орай жетім және ата-анасының қамқорлығынсыз қалған балғындарға «Жүрек жылуы» атты мерекелік іс-шара өтті.