Төлеби ауданындағы Қасқасу елдімекенінде су жаңа спорт кешені ашылды. «Ауылына қарап, азаматын таны» демекші құны 150 млн. теңге тұратын нысанды жеке кәсіпкер, педагогика ғылымдарының докторы Момбек Қозыбақұлы өз қаржысына салып берді. Заманауи спорт кешені ауыл балаларының бұқаралық спортпен шұғылдануына мол мүмкіндік ашып отыр.
Шардаралық спортшылар соңғы жылдары еліміздің атын жалпақ әлемге кеңінен танымал етіп жүр. Бір ғана армспортшылардың өзі әлемнің небір ірі жарыстарында жүлделі оралып жүргенін көпшілік жақсы біледі.
Алматы қаласында ұлттық спорт түрі көкпардан І Азия чемпионаты болып өтті. Тартысты аламанға 8 мемлекеттің құрамасы қатысты. Азия ойындарында «Түлкібас ұлттық спорт түрлерінен балалар мен жасөспірімдер спорт мектебінің» спортшылары, Қазақстан құрамасының мүшелері Мамыт Әділет пен Қарқабат Бекзат жүлделі І-орынды иемденді.
Арыс қаласында Түркістан облысы ауыл шаруашылығы басқармасының ұйымдастыруымен бұқаралық және ұлттық спорт түрлерін дамыту, тұрғындар арасында салауатты өмір салтын қалыптастыру мақсатында «ALTYN KÚZ – 2019» облыстық спорттық сайысы өтті.
Түркістан облысы әкімінің орынбасары Сәкен Қалқаманов халықаралық спорт жарыстарының жүлдегерлері мен олардың бапкерлерімен кездесті. Басқосуға самбодан ҚР еңбек сіңірген жаттықтырушы, Әлем чемпионатының 2 дүркін жеңімпазы Әбдісадық Халилаев, Бокстан біліктілігі жоғары деңгейдегі жоғары санатты жаттықтырушы Алмас Қуатбеков, Дзюдодан жоғары санатты жатықтырушы, ҚР халықаралық дәрежедегі спорт шебері Мәди Құрымбаев қатысты.
Түркістан облысының әкімі Өмірзақ Шөкеев Екатеринбург қаласында өткен бокстан әлем чемпионатының және Ақтөбе қаласында өткен ұлттық спорт түрлері сайысының жеңімпаздары мен олардың бапкерлерімен жүздесіп, оларды жеңістерімен құттықтады.
Ақтөбе қаласында қазақтың ұлттық спорт түрлерінен өткен фестиваль өз мәресіне жетті. 4 жылда бір өтетін спорт додасында жалпыкомандалық есепте жеңіске жеткен Түркістан облысының спортшылары бірінші орынды қанжығаға байлады.
Бүгін жалпы Түркістан облысы бойынша қыздар арасында волейболдан мектеп лигасы басталды. Шардаралық "Шағала" мен түркістандық "Қызғалдақ" командасының арасындағы алғашқы кездесу барысы халықаралық турнирдегідей қызу өтті.