Түркістан қаласындағы «Olympic Center» спорт кешенінде бокстан Сидней Олимпиадасының және әлем чемпионатының күміс жүлдегері, Азия ойындарының чемпионы, ҚР Бокс федерациясының вице-президенті Мұхтархан Ділдәбековтың жүлдесіне арналған жастар арасындағы XIV халықаралық турнирдің салтанатты ашылу рәсімі өтті.
Ордабасы ауданында тұрғындардың жайлы өмір сүруіне қолайлы жағдай жасау мақсатында балалар ойын алаңшалары мен спорт нысандарының құрылысы қарқынды жүргізіліп, кезең-кезеңімен пайдалануға берілуде. Бүгін Бадам ауыл округіне қарасты Ақбұлақ ауылында заманауи талаптарға сай салынған екі бірдей балалар ойын алаңшасы салтанатты түрде ел игілігіне тапсырылды.
Ұлы Жеңістің 81 жылдығы құрметіне Түлкібас ауданы атшабарында «Ұлы Жеңіске тағзым» атты ұлттық спорт ойындарынан ауқымды мерекелік іс-шара ұйымдастырылды. Салтанатты іс-шара ұлттық ат спорты ойындарының әсерлі шеруімен бастау алды. Шеруді КСРО-ның 9 дүркін чемпионы, «Құрмет» орденінің иегері Әбілхан Дауылбаев бастап шықты. Ардақты азамат көпшілікке ақ батасын беріп, дүбірлі додаға сәттілік тіледі.
Төлеби ауданы Аққұм ауылында «Мұхит Әлі» атындағы спорт кешенінің ашылу салтанаты өтті. Қуанышты сәтке аудан және облыс тұрғындарымен қатар көршілес Жамбыл, Қызылорда облыстарынан, сондай-ақ Алматы және Астана қалаларынан арнайы келген қонақтар қатысып, ақжарма тілектерін жеткізді.
Түркістан қаласындағы олимпиадалық стандартқа сай ескек есу арнасында триатлоннан супер-спринт қашықтығы бойынша Elite санаты және U23, U19, U17, U15, U13 жас ерекшеліктері арасындағы Қазақстан Республикасының чемпионаты басталды. Орта Азияда теңдесі жоқ, халықаралық талаптарға сай салынған ескек есу каналы еліміздің спорт инфрақұрылымындағы бірегей нысандарының бірі саналады. Заманауи кешен республикалық және халықаралық деңгейдегі жарыстарды жоғары дәрежеде өткізуге толық мүмкіндік береді.
Сарыағаш қаласындағы «Дене шынықтыру-сауықтыру спорт кешенінде» өткен үстел теннисінен жастар арасындағы Орталық Азияның командалық чемпионаты басталды. Сайысқа арнайы барған аудан Арман Абдуллаев жарысқа қатысушы жас спортшыларға сәттілік тілеп, тартысты бәсекеде жоғары нәтиже көрсетуіне тілектестік білдірді. Сонымен қатар салтанатты шара барысында спортшылар арасында жолдастық кездесу ұйымдастырылып, үстел теннисінен шеберлік ойындары көрсетілді. Іс-шараға аудандық мәслихат төрағасы Рысбек Асылбекұлы, мәслихат депутаттары және спорт саласының өкілдері қатысты.
Түркістан облысы Жетісай аудандық мәдениет, тілдерді дамыту, дене шынықтыру және спорт бөлімінің «Ұлттық спорт клубы» КММ ұйымдастыруымен қазақ күресінен 2011-2012 және 2013-2014 жылы туған жасөспірімдер арасында халықаралық турнир өтті.
Түркістан облысында Мемлекет басшысы Қасым-Жомарт Тоқаевтың салауатты өмір салтын қалыптастыру және халықтың спортқа қолжетімділігін арттыру бойынша берген тапсырмалары кезең-кезеңімен жүзеге асырылып келеді.