Қазіргі таңда Шымкент қаласының әкімі Ғабидолла Әбдірахымовтың қолдауымен шымкенттіктердің баспаналы болуға мүмкіндігі жоғарылай түсті. Таяуда ғана соның дәлелі ретінде Шымкент қаласының әкімдігі мен «Баспана» ипотекалық компаниясы АҚ арасында жасалған меморандум түзілген болатын. Ол меморандумға сәйкес бұдан былай бюджеттік салада істейтін әлеуметтік қызметкерлерге «7-20-25» бағдарламасы арқылы берілетін баспана құнының бастапқы 20% жарнасының жартысына әкімдік тарапынан қайтарымды негізде субсидия берілмек.

Келес ауданы әкімдігінің мәжіліс залында Келес ауданы әкімдігі жанындағы қылмыстық жазаларды және өзге де қылмыстық-құқықтық ықпал ету шараларын орындайтын мекемелер мен органдардың қызметіне жәрдемдесу, сондай-ақ қылмыстық жазаларын өтеген адамдарға әлеуметтік және өзге де көмекті ұйымдастыру бойынша консультациялық-кеңесші органының отырысы өтті. 

Шымкентте қалалық Қазақстан халқы Ассамблеясы мен «Жаңғыру жолы» республикалық жастар қозғалысының ұйымдаструымен өзін-өзі дамыту, өзіндік маркетинг және өзін таныту стратегиялары бойынша «PRодвигай себя» тренингі өтті. Тренингке «Жаңғыру жолы» республикалық жастар қозғалысының өкілдері, «Қазақстандағы 100 жаңа есім» жобасының жеңімпаздары, «Жарасым» республикалық жастар ұйымының белсенділері, мектеп оқушылары, жоғары оқу орындары мен колледждердің студенттері қатысты.

Мемлекеттік қызмет істері және сыбайлас жемқорлыққа қарсы іс-қимыл агенттігінің Түркістан облысы бойынша департамент басшысы, Әдеп жөніндегі кеңес төрағасы Ғалым Сұлтанұлы Тұрсынбаевтың төрағалық етуімен Сайрам ауданында арнайы жиын өтті. Іс-шараға ауданның мемлекеттік қызметшілері, бюджеттік ұйым, сондай-ақ білім беру саласының басшылары мен арнайы мониторингтік топ мүшелері М.Калыбаева, С.Сағындықов және А.Оразалы қатысты. 

ҚР Жоғарғы Соты жүзеге асырып жатқан «Сот төрелігінің жеті түйіні» жобасының бірі – «Татуласу орталығы» жобасы болып табылады. Жобаның мақсаты – халық арасында дауды соттан тыс шешу, қоғамдағы қайшылықтарды, дауларды азайту институттарын насихаттау және дамыту алаңдарын құру. Осы мақсатта аудандық сот төрағасы Т.Машрапов пен Сарыағаш аудан әкімі Қ.Абдуалиев бірлесіп, «Татуласу орталығын» ашты. 

Шымкент қалалық тұрғын үй және тұрғын үй инспекциясы басқармасының мамандарының өкілдері және бірнеше банк өкілдері Еңбекші ауданының тұрғындарымен кездесті. Жиында тұрғындарға «7-20-25» бағдарламасының шарттары жан-жақты түсіндірілді.

Аудан әкімі Бақыт Асанов Түркия мемлекетінің Анталья қаласында өткен әлем чемпионатында қол күресінен әлемнің чемпионы атанған аудан тұрғыны Насыр Махамбетовты қабылдады. Бұл жарысқа жер-жаһанның 56 мемлекеті қатысқан болатын. 

Кезекті ХХХVІ есеп беру, сайлау конференциясының күн тәртібінде бес мәселе қаралды. 

«Нұр Отан» партиясы Бәйдібек аудандық филиалының кезекті ХХХV конференциясы аудан әкімдігінің мәжіліс залында өтті. Саяси маңызы зор жиынға аудандық мәслихат хатшысы М.Нақыпбеков және мәслихат депутаттары, ауыл әкімдері мен мекеме басшылары, сондай-ақ қоғамдық ұйымдардың өкілдері қатысып отырды. 

Шымкенттік педагогтардың құрметіне «Rixos Khadisha Shymkent» қонақ үйінде мерекелік дастархан жайылды. Салтанатты іс-шараға қала әкімі Ғ.Әбдірахымов қатысып, ұлағатты ұстаздарды кəсіби мерекесімен құттықтады. Сөзін «Менің анам да мұғалім болып еңбек етті» деп бастаған шаһар басшысы мəртебелі мамандық иелеріне алғыс айтып, алдағы жылы Елбасы Жолдауына байланысты зор бастамалар күтіп тұрғанына жəне келер жыл ұстаздар қауымы үшін табысты болатынына тоқталды.