Шымкент қаласы әкімдігінің баспасөз қызметіның таратқан мәліметі осындай. Мемлекет басшысы Қасым-Жомарт Тоқаев бұқаралық спорт пен салауатты өмір салтының маңыздылығына тоқталып, саланы дамытуда жергілікті өзін-өзі басқару органдарына демеушілер мен мемлекеттік-жекеменшік әріптестік әлеуетін тиімді пайдалану қажеттігін жеткізген болатын.
Ел Президенті Қасым-Жомарт Тоқаев жастар арасында салауатты өмір салтын насихаттай отырып бұқаралық спортты дамытудың маңыздылығын айтқан болатын. Осы бағытта көптеген іс-шаралар ұйымдастырылып, ел азаматтарының спортқа деген қызығушылығы күннен-күнге артып келеді.
Шымкент спортшылары жыл басынан Қазақстан чемпионаттарында мол олжа салып жүр. Қала спортшылары түрлі спорт жарысында 254 алтын, 195 күміс, 249 қола медаль жеңіп алған. Одан бөлек, Азия чемпионаттарында: 10 алтын, 9 күміс және 8 қола, ал әлем чемпионаттары мен кубоктарында: 3 алтын, 2 күміс, 4 қола (жалпы 9) медальға ие болды.
Жалпы, Шымкент – саламатты өмір салтына бет түзеген шаһар деп айтуға болады. Қалада спорттық инфрақұрылыммен қамту, жоғары спорт жетістіктері, бұқаралық спортты дамытуда жүйелі жұмыстар атқарылуда.
Қаланың 2021-2025 жылдарға арналған даму жоспарына сәйкес, 4 бағытта жұмыс жоспарлары белгіленген. Дене шынықтыру және спортпен айналысатын азаматтардың санын жалпы халықтың 50 %-ына дейін жеткізу – басты жоспарда.
Бүгінде үшінші мегаполисте 33 спорттық ұйым жұмыс істеп тұр. Оның 16-ы балалар-жасөспірімдердің және біреуі мүгедектігі бар адамдарға арналған спорт мектебі. Одан бөлек, жоғары спорт шеберлігіне арналған, Олимпиада резервін даярлау орталығы, кәсіби спорт клубы, су-спорт кешені мен мемлекеттік жеке әріптестік аясындағы спорт нысандары бар. Аталған мекемелерде спорттың 74 түрі дамытылып келеді. Оның 37-і олимпиадалық, 28-і олимпиадалық емес және 9 ұлттық спорт түрлері. Сондай-ақ 18 490 спортшы оқу-жаттығу сабақтарын жүргізіп жатыр.
2023 жылдың қорытындысына сәйкес қаладағы спортпен жүйелі шұғылданушылар саны 513 954 адамды (42,2 %) құраған. Оның 197 266-сі – 14-18 жас аралығындағы жасөспірімдер, 2798-сі (14,9 %.) – мүмкіндігі шектеулі жандар.
Соңғы жылдардың бедерінде қалада Үстел теннисі спорт кешені және Жаңа ипподром (демеуші есебінен), «Металлург» стадионы мен №20 спорт мектебінің спорт кешені (бюджет есебінен) пайдалануға берілді. Қазақстан футбол федерациясы тарапынан «Цементник» стадионының жасанды төсеніші (газон) ауыстырылды.
Өткен жылы жазғы Азия ойындарында қала спортшылары жоғары көсреткіштерге қол жеткізді.
Қалалық Денешынықтыру және спорт басқармасы басшысының орынбасары Ермек Дәрменов биыл жыл басынан бері 1 еңбегі сіңген жаттықтырушы, 6 халықаралық дәрежедегі спорт шебері, 22 Қазақстан Республикасының спорт шебері, 79 спорт шеберіне үміткер спортшылар дайындалғанын тілге тиек етті.
"2024 жылы Парижде (Франция) өтетін ХХХІІІ жазғы Олимпиада ойындарына Шымкент қаласынан 10-нан астам спортшы лицензияға ие болып отыр", -деп атап өтті Ермек Аманжолұлы.
Бүгін Шымкент қаласындағы Қ.Мұңайтпасов атындағы орталық стадионында өрт сөндіру-құтқару спорты бойынша ерлер мен әйелдер құрама командаларының арасында Қазақстан Республикасының Кубогының VII турнирдің салтанатты ашылу рәсімі өтті.
Бүгін қаладағы жеңілатлетикалық манежде қазақ күресінен «Шымкент барысы» қалалық іріктеу турнирі өтті. Биылғы бәсекеде салмағы 90 келіден асатын, жалпы 25 балуан белдесті.
Отырарда бұқаралық спортты дамыту мақсатындағы жүйелі жұмыстар жалғасын тауып келеді. Қарақоңырлық тұрғындардың көптен бері көкейінде жүрген мәселелердің бірі ауыл жастарының бос уақытын тиімді пайдалану үшін жабық спорт залын салу болатын.
Азия ойындары – Гонконгте өткен батутта секіруден жасөсіпірімдер арасында Жақсылық Әбілмансұр қатысты. Қаршадай ғана қазақ баласы сен тұр, мен атайын деген елдердің спортшыларымен бақ сынасты. Жай ғана сынасқан жоқ, жеңіс тұғырына көтерілгендер қатарынан көрінді. Турнирге қатысушылар: Қытай, Жапония, Өзбекстан және 10 мемлекеттен өздерінің кіл мықты спортшылары қатысты. Шымкент қаласы Қаратау ауданы Сағадат Нұрмағамбетов атындағы №72 жалпы орта білім беретін мектеп оқушысы Азия ойындарының қола медалін жеңіп алды.
Қазір Абу-Даби қаласында Джиу-Джитсудан Азия Чемпионаты өтіп жатыр. 1-8 мамыр аралығына жоспарланған аламан жарыста қаламыздағы А.С.Пушкин атындағы №1 мектеп-гимназиясының дене шынықтыру пәнінің мұғалімі Жұлдызай Ибраева өнер көрсетіп, алтын алқа иеленді. Алғашқы белдесуде Вьетнам спортшысымен кездесіп, жартылай ширек финалда үндістандықты ойсырата жеңген шымкенттік мұғалім финалдық кездесуде Маңғолия спортшысын ұтып, жеңіске жетті.